សហរដ្ឋអាមេរិក ៖ សហរដ្ឋអាមេរិកកំពុងប្រឈមមុខ និងរៀបចំខ្លួនទប់ទល់នឹងព្យុះសង្ឃរាដ៏សាហាវឈ្មោះDORIAN។
ជាមួយកម្លាំងខ្យល់ដល់ទៅ៣០០គីឡូម៉ែត្រក្នុង១ម៉ោង ជាកម្រិតមួយពុំធ្លាប់ជួបប្រទះនៅបាហាម៉ា ព្យុះនេះបានបោកបក់កាត់តំបន់ការ៉ាអុីបនាថ្ងៃទី២កញ្ញា ហើយកំពុងបន្តបោកបក់ឆ្ពោះទៅតំបន់ឆ្នេរសមុទ្រអាមេរិក ដែលនៅទីនោះអាជ្ញាធរបានបញ្ជាឲ្យជម្លៀសមនុស្សចេញច្រើនរយពាន់នាក់ជាការបង្ការ។បោកបក់ជាច្រើនម៉ោងក្នុងប្រភេទជាព្យុះសង្ឃរាប្រភេទទី៥ ព្យុះនោះបានថមថយកម្លាំងមកជាព្យុះសង្ឃរាប្រភេទទី៤ នាវេលារសៀលថ្ងៃទី២កញ្ញា។
ព្យុះDORIANបានវាយប្រហារពេញបន្ទុកលើប្រជុំកោះបាហាម៉ា ដោយរដ្ឋាភិបាលនៃប្រទេសដែនកោះនោះក្នុងតំបន់ការ៉ាអុីប ប្រកាសនាថ្ងៃទី២កញ្ញាពីមនុស្សស្លាប់យ៉ាងតិច៥នាក់។ទោះជាវាថមថយកម្លាំងមកជាព្យុះប្រភេទទី៤ តែព្យុះនោះនៅតែគ្រោះថ្នាក់ហើយកំពុងតែបោកបក់ឆ្ពោះទៅសហរដ្ឋអាមេរិក ដែលនៅទីនោះអាជ្ញាធរបានបញ្ជាឲ្យជម្លៀសមនុស្សចេញ ច្រើនរយពាន់នាក់។ នៅបាហាម៉ាក្រោយព្យុះបោកបក់ផុតប្រតិបត្តិការជួយសង្គ្រោះក៏ចាប់ផ្ដើម។
នៅអាមេរិកក្រៅពីជម្លៀសមនុស្សចេញអាជ្ញាធរនៅបានចាត់វិធានការដទៃៗទៀតជាពិសេសបញ្ជូនបណ្ដារថយន្តកាមីញ៉ុងពិសេស ទៅកាន់រដ្ឋផ្លរីដា ដែលអាចទទួលរងការវាយប្រហាររបស់ព្យុះនេះ ខណៈទិសដៅរបស់វាមិនទាន់អាចកំណត់ច្បាស់៕ (កែសម្រួលដោយ ៖ បុប្ផា)
ចែករំលែកព័តមាននេះ