រាជធានីភ្នំពេញ ៖ បន្ទាប់ពីប្រតិភូអត្តពលិកកីឡាតេក្វាន់ដូITF កម្ពុជាត្រឡប់មកវិញដោយសុវត្ថិភាព កាលពីរសៀលថ្ងៃទី១ ខែកញ្ញា ដោយដណ្ដើមបានមេដាយចំនួន៥គ្រឿងមកជូនជាតិ
មាតុភូមិ ពីព្រឹត្តិការណ៍ជ្រើសរើសជើងឯកពិភពលោកលើកទី១៤សម្រាប់យុវជន និងលើកទី២១សម្រាប់ក្រុមជម្រើសជាតិឈុតធំនៅប្រទេសប៊ុលហ្គារី គឺមានការដង្ហែក្បួនយ៉ាងគគ្រឹកគគ្រេងចាប់ពីអាកាសយានដ្ធានអន្តរជាតិភ្នំពេញមកកាន់ក្រសួងអប់រំ យុវជន និងកីឡា ធ្វើឱ្យមហាជនដែលធ្វើដំណើរតាមដងផ្លូវមានការភ្ញាក់ផ្អើលយ៉ាងខ្លាំង ។
ក្រោយពីបញ្ចប់បេសកកម្មធំធេងមួយនេះ រហូតទទួលបានជ័យជម្នះ អាចចាត់ទុកថាជាការរួមចំណែករបស់យើងទាំងអស់គ្នា វាមិនត្រឹមតែកើតចេញពីការខិតខំប្រឹងប្រែងរបស់កីឡាករ កីឡាការិនី គ្រូបង្វឹក និងថ្នាក់ដឹកនាំរបស់សហព័ន្ធប៉ុណ្ណោះទេ ជាពិសេសជាងនេះទៀតគឺសម្ដេច
តេជោនាយករដ្ឋមន្ត្រី ហ៊ុន សែន ក៏បានបង្ហោះសារអបអរសាទរនិងជូនពរដល់អត្តពលិកកម្ពុជាដែរ។
យោងតាមគេហទំព័រហ្វ្រេសញូវ សម្ដេចតេជោបានបង្ហោះសារជូនពរ ក្រោយពីកីឡាករប៉ាល់ ជីវ័ន្ត ដណ្ដើមបានមេដាយមាសដែលមានខ្លឹមសារជាអាទិ៍ថា «សូមអបអរសាទរដល់កីឡាករតេក្វាន់ដូកម្ពុជា ប៉ាល់ ជីវ័ន្ត ដែលទទួលបានមេដាយមាសកម្រិតពិភពលោកពីការប្រកួត21th ITF Taekwon-do World Championship2019 នៅទីក្រុង Plovdiv ប្រទេសប៊ុលហ្គារី ។ នេះជាមោទនភាពថ្មីមួយទៀត ដែលកូនខ្មែរបានដណ្ដើមយកមេដាយមាសកម្រិតពិភពលោកជូនដល់ជាតិមាតុភូមិ ។
ជាងនេះទៀត សម្ដេចតេជោ បានភ្ជាប់ជាមួយសាជូនពរទៀតថា «សូមជូនពរកីឡាករកីឡាការិនីកម្ពុជា សូមព្យាយាមហ្វឹកហាត់បន្ថែម ដើម្បីឆ្ពោះទៅរកភាពជោគជ័យក្នុងការធ្វើជាម្ចាស់ ផ្ទះស៊ីហ្គេម (SEA Game) ក្នុងឆ្នាំ២០២៣» ។
លោក ផាន់ វណ្ណារ័ត្ន អនុប្រធានសហព័ន្ធកីឡាតេក្វាន់ដូ ITF កម្ពុជា ថ្លែងថា សាររបស់សម្ដេចបានក្លាយជាកម្លាំងចិត្តមួយដ៏សំខាន់ ដើម្បីជំរុញទៅដល់អត្តពលិកគ្រប់រូប ។ លោកបានបន្ថែមថា ពេលសម្ដេចបានចេញក្នុងផេកថាគាំទ្រនិងលើកទឹកចិត្តដល់កីឡាករយើង ពួកលោក
នៅទីនោះមានការខិតខំប្រឹងប្រែងយ៉ាងខ្លាំងរហូតដណ្ដើមបានមេដាយមាសនិងប្រាក់ជាបន្តបន្ទាប់ជាច្រើនគ្រឿង ជូនជាតិមាតុភូមិមិនឱ្យសម្ដេចខកបំណងឡើយ ។
គួររំឭកថា ប្រតិភូកីឡាតេក្វាន់ដូ ITF កម្ពុជា បានត្រឡប់មកដល់អាកាសយានដ្ឋាន អន្តរជាតិភ្នំពេញនាវេលាម៉ោង៣និង៤៩នាទីរសៀលថ្ងៃទី១ ខែកញ្ញា ដឹកនាំដោយលោក កែវ រ៉េមី ជាប្រធានសហព័ន្ធ និងមានការចាំទទួលដំណើរពីសំណាក់លោក ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡា លោក អ៊ុក សិទ្ធិជាតិ អគ្គនាយកកីឡា លោក ប៉ុន សុខ ប្រធានមជ្ឈមណ្ឌលជាតិហ្វឹកហ្វឺនកីឡា ។
ក្បួនដង្ហែ បានធ្វើដំណើរឆ្ពោះមកកាន់ក្រសួងអប់រំ យុវជន និងកីឡា ដោយមានការរង់ចាំទទួលស្វាគមន៍ពីសំណាក់លោកជំទាវ គឹម សត្ថានី រដ្ឋលេខាធិការក្រសួងអប់រំ យុវជន និងកីឡា ។
ថ្លែងនៅក្នុងឱកាសនេះដែរ លោកជំទាវរដ្ឋ លេខាធិការ បានសម្ដែងននូវការស្វាគមន៍អប អរសាទដោយក្ដីមោទនភាពយ៉ាខ្លាំង ចំពោះប្រតិភូកីឡាកីឡាករកីឡាការិនី ដែលបានខិតខំប្រឹង
ប្រែង ជាពិសេសកីឡាកររបស់យើងបានបង្កើតនូវកំណត់ត្រាប្រវត្តិសាស្ត្រដោយដណ្ដើមបានមេដាយកម្រិតពិភពលោកចំនួន៥គ្រឿងរបស់កីឡាតេក្វាន់ដូ ITF គឺ មេដាយមាស១គ្រឿង
មេដាយប្រាក់២គ្រឿង និងមេដាយសំរឹទ្ធិ២គ្រឿង ។
លោកជំទាវបញ្ជាក់ថា សមិទ្ធផលនិងជ័យ ជម្នះនេះ មិនមែនកើតឡើងដោយចៃដន្យនោះទេ គឺកើតចេញពីការខិតខំព្យាយាមប្រឹងប្រែរបស់កីឡាករកីឡាការិនីយើងទាំងអស់គ្នាយ៉ាងពិតប្រាកដ ៕ (កែសម្រួលដោយ ៖ បុប្ផា)
ចែករំលែកព័តមាននេះ