រាជធានីភ្នំពេញ ៖ យោងតាមព័ត៌មាននៃតួលេខក្នុងខែសីហា ឆ្នាំ២០១៩ នៅមន្ទីរពេទ្យគន្ធបុប្ផាបានឲ្យដឹងថា មានកុមារឈឺចំនួន៩១៦៣៩នាក់ត្រូវបានពិនិត្យព្យាបាលនៅក្នុងផ្នែកពិគ្រោះជំងឺក្រៅ(កើន១៩%ច្រើនជាងខែសីហា ឆ្នាំ២០១៨) ។ កុមារមានជំងឺធ្ងន់ៗចំនួន២០៤១០នាក់ត្រូវបានដាក់ឲ្យសម្រាកព្យាបាលនៅក្នុងមន្ទីរពេទ្យ(កើន២៦%ច្រើនជាងខែសីហា ឆ្នាំ២០១៨)…
រាជធានីភ្នំពេញ ៖ យោងតាមព័ត៌មាននៃតួលេខក្នុងខែសីហា ឆ្នាំ២០១៩ នៅមន្ទីរពេទ្យគន្ធបុប្ផាបានឲ្យដឹងថា មានកុមារឈឺចំនួន៩១៦៣៩នាក់ត្រូវបានពិនិត្យព្យាបាលនៅក្នុងផ្នែកពិគ្រោះជំងឺក្រៅ(កើន១៩%ច្រើនជាងខែសីហា ឆ្នាំ២០១៨) ។
កុមារមានជំងឺធ្ងន់ៗចំនួន២០៤១០នាក់ត្រូវបានដាក់ឲ្យសម្រាកព្យាបាលនៅក្នុងមន្ទីរពេទ្យ(កើន២៦%ច្រើនជាងខែសីហា ឆ្នាំ២០១៨) ។ កុមារចំនួន១៣៦នាក់មានជំងឺរលាកស្រោមខួរក្បាលធ្ងន់ធ្ងរ ចំណែកកុមារចំនួន២៣៨៨នាក់ត្រូវបានទទួលការវះកាត់ ដោយវះកាត់បេះដូង និងផ្ចិតប្រហោងបេះដូងតាមសរសៃរឈាមនៅ គន្ធ បុប្ផា សៀមរាប និងភ្នំពេញបានចំនួន៨៥នាក់ ។
យោងតាមសេចក្តីជូនព័ត៌មានរបស់ក្រសួងសុខាភិបាលស្តីពីស្ថានភាពជំងឺគ្រុនឈាមបានឲ្យដឹងថា ជំងឺគ្រុនឈាមនៅប្រទេសកម្ពុជាបានចាប់ផ្តើមកើនឡើងពីដើមខែឧសភា រហូតដល់បច្ចុប្បន្នដោយរាយប៉ាយដុំៗតាមភូមិសាស្ត្រនៃរាជធានី ខេត្តនីមួយៗដែលមានចំនួនករណីសរុប១៥០០០នាក់ និងស្លាប់២៥នាក់គិតមកដល់ដើមខែកក្កដា ឆ្នាំ២០១៩ ។
ដោយឡែករយៈពេល៦ខែគិតពីខែមករាដល់មិថុនា ឆ្នាំ២០១៩ កុមារចំនួន១៤៤២៣នាក់មានជំងឺគ្រុនឈាមធ្ងន់ធ្ងរត្រូវបានដាក់ឲ្យសម្រាកព្យាបាលនៅក្នុងមន្ទីរពេទ្យ គន្ធ បុប្ផា ចំនួនតួលេខនេះកើន៥,៥% ឯណោះបើធៀបនឹងឆ្នាំ២០១៨ ៕
កែសម្រួលដោយ ៖ សំណាង
ចែករំលែកព័តមាននេះ