ខេត្តកំពង់ចាម ៖ តំបន់មួយចំនួននៅឃុំកោះមិត្ត ស្រុកកំពង់សៀម និងឃុំកោះសូទិន ស្រុកកោះសូទិន ទឹកទន្លេចាប់ផ្តើមហូរចូលលិចផ្លូវហើយនាព្រឹកថ្ងៃទី២ ខែកញ្ញា ដែលមិនអាចធ្វើដំណើរដោយជិះកង់ឬម៉ូតូបានទៀតទេ គឺត្រូវឆ្លងទូកដ…
ខេត្តកំពង់ចាម ៖ តំបន់មួយចំនួននៅឃុំកោះមិត្ត ស្រុកកំពង់សៀម និងឃុំកោះសូទិន ស្រុកកោះសូទិន ទឹកទន្លេចាប់ផ្តើមហូរចូលលិចផ្លូវហើយនាព្រឹកថ្ងៃទី២ ខែកញ្ញា ដែលមិនអាចធ្វើដំណើរដោយជិះកង់ឬម៉ូតូបានទៀតទេ គឺត្រូវឆ្លងទូកដ ។ ជាមួយនេះ មន្ត្រីសុខាភិបាលខេត្តក៏បានត្រៀមវ៉ាក់សាំង ក្នុងការសង្គ្រោះប្រជាពលរដ្ឋដែលរងគ្រោះដោយពោះចឹកនៅតាមជួរដងទន្លេមេគង្គ ព្រោះរដូវទឹកដំឡើងនេះពស់ក៏រកទីទួលដែរ ដូច្នេះចាំបាច់ណាស់ត្រូវមានការត្រៀមបម្រុងជាមុន ។
លោកវេជ្ជបណ្ឌិត គីម សួរភិរុណ ប្រធានមន្ទីរសុខាភិបាលខេត្ត មានប្រសាសន៍ថា មិនចាំបាច់តែរដូវទឹកឡើងទេដែលយើងយកចិត្តទុកដាក់ចំពោះឧប្បត្តិហេតុពស់ចឹកដែលតែងកើតមានជារឿយៗ ។ បើគិតរយៈពេលជាង៨ខែចាប់តាំងពីដើមខែមករាមកដល់ដើមខែកញ្ញា ឆ្នាំ២០១៩នេះ ប្រជាពលរដ្ឋដែលរងគ្រោះ ដោយសារពស់ចឹកមានចំនួន១៥៣នាក់ ក្នុងនោះស្រីចំនួន៤៧នាក់ ត្រូវបាននាំមកសង្គ្រោះនៅមន្ទីរ
ពេទ្យទាន់ពេលវេលា ដោយមិនមានអ្នកណាម្នាក់រងគ្រោះថ្នាក់ដល់បាត់បង់ជីវិតនោះទេ ។
លោកប្រធានមន្ទីរបន្តថា ដោយមានការណែនាំពីលោករដ្ឋមន្ត្រីក្រសួងសុខាភិបាល និងលោកអភិបាលខេត្ត មន្ទីរសុខាភិបាលខេត្ត បានត្រៀមថ្នាំសង្កូវនិងវា៉ក់សាំងសម្រាប់ការពារពស់ចឹកនៅតាមមណ្ឌលសុខភាព និងមន្ទីរពេទ្យបង្អែកស្រុកនិងខេត្ត ក្នុងការសង្គ្រោះប្រជាពលរដ្ឋដែលរងគ្រោះក្នុងរដូវទឹកជំនន់ទន្លេមេគង្គនេះ ។
លោកប្រធានមន្ទីរក៏បានអំពាវនាវដល់បងប្អូនបងប្អូនប្រជាពលរដ្ឋ បើមានពស់ចឹកសូមរួសរាន់មកកាន់មន្ទីរពេទ្យជាបន្ទាន់ មិនត្រូវតំអក់រកគ្រូស្តោះផ្លុំឡើយ ព្រោះបើយឺតពេលមិនអាចជួយសង្គ្រោះបានទេ ៕ (សម្រួលដោយ៖ ស្រីណា)
ចែករំលែកព័តមាននេះ