មិត្តល្អប្រៀបដូចជាសំពត់រុំកាយ ឬប្រៀបដូចជាឪពុកម្ដាយដែលរក្សាកូនរបស់ខ្លួនយ៉ាងនោះឯង ពោលគឺមានចិត្តស្មោះត្រង់ជាប្រក្រតី ហើយហ៊ានពោលជំទាស់នឹងអ្នកដទៃ ដែលគេនិយាយអ្វីៗអាក្រក់ពីមិត្តសម្លាញ់ដោយមិនឱ្យគេនិយាយផ្តេសផ្តាសឡើយ ។
តាមពិតទៅរឿងអាថ៌កំបាំងមិនមែនសុទ្ធតែជារឿងអាក្រក់ទាំងអស់នោះទេ រឿងល្អក៏មានដែរ ប៉ុន្តែបើជារឿងបាបកម្ម អំពើខុសឆ្គងរបស់ខ្លួនឯង គឺខ្លួនឯងមិនត្រូវលាក់ មិនត្រូវបិទបាំងទុកទេ ព្រោះវានាំឲ្យសៅហ្មងចិត្តនៅពេលជិតស្លាប់ និងអាចនាំបដិសន្ធិទៅកាន់អបាយ ។
ដូចនេះយ៉ាងហោចណាស់ក៏ត្រូវប្រាប់ដល់មិត្តរួមសុខរួមទុក្ខរបស់ខ្លួនដែរ តែបើវាជារឿងរបស់អ្នកដទៃវវិញនោះ ក៏មិនត្រូវរើជជុះខ្វេះកកាយ ហែកកេរ្តិ៍បង្ហាញខ្មាស ដោយចង់ឲ្យអ្នកផ្សេងៗដឹងនោះឡើយ នាំឱ្យប៉ះពាល់ដល់កិត្តិយសអ្នកដទៃ ។
នេះជាសន្តានមិត្តល្អ មិត្តរួមសុខរួមទុក្ខរមែងនាំប្រយោជន៍ នាំសុខចម្រើន មានពន្លឺនៃជីវិតពិតប្រាកដក្នុងមួយកំណើតជាមនុស្សលោក ។ (ដោយសាន សារិន)
ចែករំលែកព័តមាននេះ