ប្រទេសយេម៉ែន ៖ កាកបាទក្រហមអន្តរជាតិវាយតម្លៃកាលពីថ្ងៃទី១កញ្ញាថា ការវាយប្រហារតាមអាកាសមួយរបស់ក្រុមចម្រុះនាំមុខដោយអារ៉ាប៊ីសាអូឌីត លើមជ្ឈមណ្ឌលឃុំឃាំងមួយ កាន់កាប់ដោយពួកឧទ្ទាមហ៊ូធីបណ្ដាលឲ្យមនុស្សស្លាប់ដល់ជាង១០០នាក់។ អង្គការនោះអះអាងពីការខិតខំប្រឹងប្រែង ផ្ដល់ជំនួយពេទ្យជាបន្ទាន់ដល់បណ្ដាជនរងគ្រោះ។ ក្រុមចម្រុះនេះបានធ្វើអន្តរាគមន៍នៅយេម៉ែន ចាប់តាំងពីឆ្នាំ២០១៥មក…
ប្រទេសយេម៉ែន ៖ កាកបាទក្រហមអន្តរជាតិវាយតម្លៃកាលពីថ្ងៃទី១កញ្ញាថា ការវាយប្រហារតាមអាកាសមួយរបស់ក្រុមចម្រុះនាំមុខដោយអារ៉ាប៊ីសាអូឌីត លើមជ្ឈមណ្ឌលឃុំឃាំងមួយ កាន់កាប់ដោយពួកឧទ្ទាមហ៊ូធីបណ្ដាលឲ្យមនុស្សស្លាប់ដល់ជាង១០០នាក់។ អង្គការនោះអះអាងពីការខិតខំប្រឹងប្រែង ផ្ដល់ជំនួយពេទ្យជាបន្ទាន់ដល់បណ្ដាជនរងគ្រោះ។
ក្រុមចម្រុះនេះបានធ្វើអន្តរាគមន៍នៅយេម៉ែន ចាប់តាំងពីឆ្នាំ២០១៥មក ជួយទ្រទ្រង់ដល់កងទ័ពរដ្ឋាភិបាល ប្រឆាំងពួកឧទ្ទាមដែលដណ្ដើមកាន់កាប់ដែនដីដ៏ធំទូលាយ នាភាគខាងលិចនិងភាគខាងជើងយេម៉ែន ក្នុងនោះមានទាំងរដ្ឋធានីសាណាផង។ កាលពីថ្ងៃទី១កញ្ញាក្រុមចម្រុះនោះប្រកាសថា បានធ្វើការវាយប្រហារតាមអាកាសលើទីតាំងយោធាមួយ ជាកន្លែងដាក់បណ្ដាដ្រូននិងគ្រាប់មីសីុលក្នុងទីក្រុងDHAMAR។
ប្រមុខគណៈប្រតិភូរបស់គណៈកម្មាធិការកាកបាទក្រហមអន្តរជាតិCICR ប្រចាំប្រទេសយេម៉ែន លោកFRANZ RAUCHENSTEINគូសបញ្ជាក់ប្រាប់AFPពីទីក្រុងDHAMARមកថា មនុស្សជាង១០០នាក់បានត្រូវស្លាប់ក្នុងការវាយប្រហារនេះ។
ចំណែកឧត្ដមស្នងការសិទ្ធិមនុស្សអ.ស.បនិយាយថាមនុស្ស៥២នាក់ស្លាប់ ក្នុងការវាយប្រហារនេះហើយមនុស្ស៦៨នាក់បាត់ខ្លួន រួចតុល្យការអាចមានខ្ពស់ជាងនេះទៀត។ អគាររងការវាយប្រហារនោះជាទីតាំងសាកលវិទ្យាល័យដែលប្រែក្លាយជាពន្ធនាគារ។ ក្រៅពីអ្នកស្លាប់មនុស្សយ៉ាងតិច៤០នាក់ដែលរងរបួស ត្រូវបញ្ជូនទៅកាន់មន្ទីរពេទ្យនានានៃទីក្រុងDHAMAR៕ (កែសម្រួលដោយ ៖ បុប្ផា)
ចែករំលែកព័តមាននេះ