ក្រុងហុងកុង ៖ ឆាកនៃភាពច្របូកច្របល់នៅក្រុងហុងកុង កាលពីថ្ងៃទី៣១សីហានិងថ្ងៃទី១កញ្ញា ដែលនៅទីនោះប៉ូលិសបានដេញតាមចាប់ បាតុករស្និទ្ធលទ្ធិប្រធិបតេយ្យរហូតដល់ក្នុងស្ថានីយមេត្រូនានា នាំឲ្យមានការព្រួយបារម្ភពីការកើនឡើងប្រកបដោយគ្រោះថ្នាក់នៃចលនាប្រឆាំងក្រុងប៉េកាំង។ ក្រុងហុងកុងដែលពីមួយសប្ដាហ៍ទៅមួយសប្ដាហ៍ ធ្លាក់ជ្រៅថែមទៀតក្នុងវិបត្តិនោះ កាលពីចុងសប្ដាហ៏កន្លងទៅ…
ក្រុងហុងកុង ៖ ឆាកនៃភាពច្របូកច្របល់នៅក្រុងហុងកុង កាលពីថ្ងៃទី៣១សីហានិងថ្ងៃទី១កញ្ញា ដែលនៅទីនោះប៉ូលិសបានដេញតាមចាប់ បាតុករស្និទ្ធលទ្ធិប្រធិបតេយ្យរហូតដល់ក្នុងស្ថានីយមេត្រូនានា នាំឲ្យមានការព្រួយបារម្ភពីការកើនឡើងប្រកបដោយគ្រោះថ្នាក់នៃចលនាប្រឆាំងក្រុងប៉េកាំង។
ក្រុងហុងកុងដែលពីមួយសប្ដាហ៍ទៅមួយសប្ដាហ៍ ធ្លាក់ជ្រៅថែមទៀតក្នុងវិបត្តិនោះ កាលពីចុងសប្ដាហ៏កន្លងទៅ បានប្រែក្លាយទៅជាទីលាននៃការប្រយុទ្ធតតាំងគ្នាដ៏ពិតប្រាកដ។ ដែនដីពាក់កណ្ដាលស្វ័យភាពនោះកាលពីថ្ងៃទី៣១សីហា ជាឆាកនៃអំពើហិង្សាយ៉ាងសាហាវមួយចំនួនពុំធ្លាប់មាន តាំងពីចាប់ផ្ដើមចលនាស្និទ្ធលទ្ធិប្រជាធិបតេយ្យដែលមានរយៈពេល៣ខែមកហើយ។
ពួកបាតុកររ៉ាឌីកាល់វ័យក្មេងបានដុតរបាំងរាំងផ្លូវមួយ ស្ថិតនៅចម្ងាយតែ១០០ម៉ែត្រពីទីចាត់ការប៉ូលិស។
បាតុករជាក្រុមតូចៗនាពេលមុននេះ បានគប់ដុំថ្មនិងដបសាំងដុតទៅលើប៉ូលិសដែលដាក់ពង្រាយនៅជុំវិញបណ្ដាស្ថាប័នក្រុងហុងកុង ក្នុងនោះមានទីតាំងសភា។ ភាពចលាចលបានរាលដាលដល់សង្កាត់ជាច្រើនទៀតនៃទីក្រុង។ ប៉ូលិសបានតបតវិញហើយបាញ់ជាថ្មីឧស្ម័នបង្ហូរទឹកភ្នែកលើពួកបាតុករ។ ប៉ូលិសក៏ប្រើដែរកាណុងបាញ់ទឹកដោយបាញ់ទឹកមានពណ៌ខៀវ ដើម្បីអាចបន្ទាប់មកងាយស្រួលកំណត់មុខសញ្ញាពួកអ្នកតវ៉ា។ ប៉ូលិសក៏លើកដែរពីការបាញ់ព្រមាន២លើក។ កងកម្លាំងប៉ូលិសបានចាប់ខ្លួនមនុស្សជាច្រើននាក់ពិសេសតាមចាប់ពួកអ្នកតវ៉ាដល់ក្នុងមេត្រូ។
ថ្ងៃទី១កញ្ញាបាតុករច្រើនពាន់នាក់ប៉ុនប៉ងរាំងខ្ទប់ច្រកនានាទៅកាន់ព្រលានយន្តហោះអន្តរជាតិក្រុងហុងកុង ដែលនៅទីនោះជើងហោះហើរជាច្រើនត្រូវលុបចោល ក្រោយបាតុកម្មហិង្សាថ្ងៃទី៣១សីហា។ ព្រលានយន្តហោះគូសបញ្ជាក់ថាជើងហោះហើរប្រមាណ១៦ជើងត្រូវបានលុបចោល ហើយអ្នកដំណើរជាច្រើនមានការយឺតយ៉ាវព្រោះពិបាកចូលទៅតំបន់ឡើងជិះយន្តហោះ។
ពួកបាតុករស្លៀកពាក់ពណ៌ខ្មៅ ពាក់ម៉ាស់និងប្រើឆ័ត្រសម្រាប់ការពារខ្លួន ក៏បានដាក់បារ៉ាស់នានារាំងផ្លូវរថយន្តបឺស មិនឲ្យចូលព្រលាន។ នៅខាងក្រៅព្រលានយន្តហោះបាតុករបានយករទេះផ្ទុកឥវ៉ាន់ បង្កើតជារបាំងនិងកម្ទេចបណ្ដាកាមេរ៉ាត្រួតពិនិត្យ មុនពេលត្រូវប៉ូលិសបំបែក។
ចំណែកបាតុករច្រើននាក់បានលើកគ្នាទៅកាន់TUNG CHUNGដែលមានផ្លូវតែមួយគត់ មកកាន់ព្រលានយន្តហោះ។ ពួកគេក៏បានប្រើទុយយ៉ូដើម្បីបាញ់ទឹកបញ្ចូលក្នុងស្ថានីយមេត្រូនៃមូលដ្ឋាននោះ ហើយក៏ដុតទង់ជាតិចិនមួយជាកាយវិការដែលធ្វើឲ្យចិនខឹង។
នាថ្ងៃទី២កញ្ញានៅហុងកុងមានការរាំងស្ទះថ្មី ជាមួយការអំពាវនាវ ឲ្យមានកូដកម្មទូទៅនិងការធ្វើពហិការមិនមានការបង្រៀនតាមសាកលវិទ្យាល័យ ក្រោយចុងសប្ដាហ៍ពោរពេញដោយអំពើហិង្សា៕ (កែសម្រួលដោយ ៖ បុប្ផា)
ចែករំលែកព័តមាននេះ