ការបានឃើញនូវព្រះអរិយបុគ្គលទាំងឡាយជាការប្រពៃ ការនៅរួមជាមួយព្រះអរិយបុគ្គលទាំងឡាយនាំឲ្យកើតនូវសេចក្ដីសុខគ្រប់គ្រា បុគ្គលដែលបាននូវសេចក្ដីសុខជានិច្ចកាលក៏ព្រោះមិនបានជួបនូវបុគ្គលពាល ។ ចំណែកបុគ្គលដែលនៅរួមជាមួយនឹងជនពាល រមែងសោកសៅអស់កាលដ៏យូរអង្វែង ការនៅរួមជាមួយបុគ្គលពាលទាំងឡាយ ជាហេតុនាំឲ្យកើតទុក្ខជាប់ជានិច្ច ដូចជាការនៅរួមជាមួយនឹងសត្រូវក៏យ៉ាងនោះដែរ ។…
ការបានឃើញនូវព្រះអរិយបុគ្គលទាំងឡាយជាការប្រពៃ ការនៅរួមជាមួយព្រះអរិយបុគ្គលទាំងឡាយនាំឲ្យកើតនូវសេចក្ដីសុខគ្រប់គ្រា បុគ្គលដែលបាននូវសេចក្ដីសុខជានិច្ចកាលក៏ព្រោះមិនបានជួបនូវបុគ្គលពាល ។
ចំណែកបុគ្គលដែលនៅរួមជាមួយនឹងជនពាល រមែងសោកសៅអស់កាលដ៏យូរអង្វែង ការនៅរួមជាមួយបុគ្គលពាលទាំងឡាយ ជាហេតុនាំឲ្យកើតទុក្ខជាប់ជានិច្ច ដូចជាការនៅរួមជាមួយនឹងសត្រូវក៏យ៉ាងនោះដែរ ។ ចំណែកអ្នកមានបញ្ញាមានការនៅរួមជាមួយអ្នកប្រាជ្ញរមែងកើតសុខសួស្តី ដូចការសមាគមគ្នានៃពពួកញាតិសន្តានដូច្នោះដែរ ។
ព្រោះហេតុននោះទើបអ្នកប្រាជ្ញទាំងឡាយមានព្រះពុទ្ធជាដើមបានទូន្មានឱ្យសេពគប់ជាមួយនឹងបណ្ឌិតអ្នកមានបញ្ញាច្រើនជាពហុស្សូត ជាអ្នកខ្មីឃ្មាតក្នុងការងារជាប្រក្រតី មានចរិយាវត្តប្រព្រឹត្តទៅល្អប្រពៃ ជាព្រះអរិយបុគ្គល ជាសប្បុរសមានបញ្ញាឈ្លាសវាងវៃ នោះនឹងបានសុខចម្រើនហើយ បីដូចជាព្រះចន្ទដែលត្រាច់ទៅតាមផ្លូវដែលគេហៅថាផ្លូវនក្ខត្តឫក្សដូច្នោះឯង ។
ចែករំលែកព័តមាននេះ