រាជធានីភ្នំពេញ៖ គម្រោងរៀបចំបញ្ចូលឯកសារសំដៅដើមដែលគ្រោងចំណាយជាង១លានដុល្លារដែលបានចាប់ផ្តើមការកាលពីដើមឆ្នាំ២០១៨នោះ ពេលនេះសារមន្ទីរគ្រោងបញ្ចប់ការបញ្ចូលឯកសារទាំង៤០០ពាន់របស់ខ្លួនយ៉ាងយូរនៅចុងឆ្នាំ២០១៩ ឬដើមឆ្នាំ២០២០។ នេះបើតាមប្រធានការិយាល័យសារមន្ទីរឧក្រិដ្ឋកម្មប្រល័យពូជសាសន៍ទួលស្លែង។ លោក ឆាយ វិសុទ្ធ ប្រធានការិយាល័យ…
រាជធានីភ្នំពេញ៖ គម្រោងរៀបចំបញ្ចូលឯកសារសំដៅដើមដែលគ្រោងចំណាយជាង១លានដុល្លារដែលបានចាប់ផ្តើមការកាលពីដើមឆ្នាំ២០១៨នោះ ពេលនេះសារមន្ទីរគ្រោងបញ្ចប់ការបញ្ចូលឯកសារទាំង៤០០ពាន់របស់ខ្លួនយ៉ាងយូរនៅចុងឆ្នាំ២០១៩ ឬដើមឆ្នាំ២០២០។ នេះបើតាមប្រធានការិយាល័យសារមន្ទីរឧក្រិដ្ឋកម្មប្រល័យពូជសាសន៍ទួលស្លែង។
លោក ឆាយ វិសុទ្ធ ប្រធានការិយាល័យ សារមន្ទីរឧក្រិដ្ឋកម្មប្រល័យពូជសាសន៍ទួលស្លែងប្រាក់ក្រុមអ្នកសារព័ត៌មានកាលពីថ្ងៃទី២៨ ខែសីហា ម្សិលមិញនេះថា ការបញ្ចូលឯកសារសំណៅដើមនៅសារមន្ទីរទួលស្លែងចាប់ផ្តើមអនុវត្តនៅដើមឆ្នាំ២០១៨ ពាក់ព័ន្ធការថតចម្លងបណ្ណ័សារ ឬបំលែងរាល់ឯកសារប័ណ្ណសារទាំងអស់ដែលនៅសេសសល់ពីសម័យខ្មែរក្រហមទៅជាប្រព័ន្ធឌីជីថល ហើយអាចយកទៅប្រើប្រាស់បាននៅតាម Data base ងាយស្រួលក្នុងការស្រាវជ្រាវ អីចឹងហើយទើបយើងធ្វើការលើការងារនេះ។ លោកបានបន្តថា ការងារថតចម្លងនិងការអភិរក្សយើងបានធ្វើអស់ហើយ ប៉ុន្តែនៅក្នុងដំណាក់កាលចុងក្រោយដែលលំបាកជាងគេសម្រាប់ដំណើរការបញ្ចូលទិន្នន័យទៅក្នុងប្រព័ន្ធដើម្បីឱ្យការស្វែងរកព័ត៌មានវាមានលក្ខណៈងាយស្រួល។ឧទាហរណ៍បើនិយាយពីអ្នកទោសនៅតំបន់ពាយព្យ័ យើងគ្រាន់តែវាយពាយព្យ័វាឱ្យរកឈ្មោះមានប៉ុន្មាននាក់ ដែលចំណុចទាំងនេះវាពិតបាក ទាមទារឱ្យយើងត្រូវការអានសង្ខេបខ្លឹមសារសម្រាប់អ្នកទោសម្នាក់។
ទាក់ទងការបញ្ចូលឯកសារទៅប្រព័ន្ធទិន្នន័យនៃប្រព័ន្ធបច្ចេកវិទ្យាតាម លោកប្រធានការិយាល័យបញ្ជាក់ថា «មកដល់សព្វថ្ងៃនេះសារមន្ទីរបានបញ្ចូលបានប្រហែលពី៧០ទៅ៨០% ក្នុងចំណោមឯកសារសរុបទាំង៤០០ពាន់ឯកសារ ហើយគ្រោងបញ្ចប់ការបញ្ចូលយ៉ាងយូរនៅត្រឹមចុងខែធ្នូឆ្នាំ២០១៩ឬដើមឆ្នាំ២០២០ខាងមុខនេះ ដែលអាចមហាជនអាចចូលទស្សនាឯកសារទាំងនោះបាន» ។
បើតាមលោកប្រធាន គម្រោងបញ្ចូលឯកសារសំណៅដើមទៅក្នុងប្រព័ន្ធទិន្នន័យនេះ ខាងសារមន្ទីរទទួលបានកញ្ចប់ថវិកាពីយូនីស្កូ តាមរយៈកយកាសម្រាប់អនុវត្តគម្រោងនេះមានប្រមាណ១,៥លានដុល្លារ។ លោកបានលើកឡើងថា «ការបញ្ចូលឯកសារទៅក្នុងប្រព័ន្ធទិន្នន័យ គឺដើម្បីអភិរក្ស័ប័ណ្ណសារ ឯកសារទួលស្លែង។ឯកសារជាសំណេរក្តី ឯកសារការបោះពុម្ពជារបាយការណ៍ផ្សេងៗ។ការអភិរក្ស័មានន័យថាយើងមិនអនុញ្ញាតឱ្យអ្នកស្រាវជ្រាវ ធ្វើការប៉ះពាល់ដល់ឯកសារដើម ព្រោះវាមានអាយុកាល៤០ឆ្នាំហើយ ខ្លះវាមានលក្ខណៈស្រួយឬមានភាពពុកផុយវាមានលក្ខណៈមិនអំណោយផលសម្រាប់យើង។លើសពីណេះយើងថែរក្សាតាមបែបបច្ចេកទេស។បើវារហែកយើងត្រូវជួសជុលតាមការបិទស្កុត, ឯកសារខ្លះត្រូវដកអាស៊ីតចេញពីផ្ទៃរបស់វាដោយត្រាំក្នុងទឹក»។ លោកបញ្ជាក់ថា« អ្វីដែលសំខាន់នៅក្នុងនេះ គឺយើងត្រូវកាបណ្តុះបណ្តាលធនធានមនុស្សរបស់យើងដើម្បីឱ្យមានការចេះដឹងទៅថ្ងៃក្រោយទៀត។មានន័យថាបើទោះបីគម្រោងនេះត្រូវបញ្ចប់ក៏ដោយក៏យើងអាចបន្តការការងារនេះបានដោយខ្លួនឯង»។
សូមបញ្ជាក់ថា សារមន្ទីរទួលស្លែង គឺជារមណីយដ្ឋានទេសចរណ៍ប្រវត្តិសាស្ត្រ
ដែលមានទីតាំងស្ថិតកណ្តាលក្រុងភ្នំពេញ ដែលទទួលបាននូវភ្ញៀវជាតិនិងអន្តរជាតិចូល
ទស្សនាមិនដាច់ ៕ កែសម្រួលដោយ ៖សុឃាក់
ចែករំលែកព័តមាននេះ