រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា ស្ពានអាកាស និងផ្លូវក្រោមដីនៅរង្វង់មូលចោមចៅ បើគិតមកដល់ពេលនេះ ការស្ថាបនាសម្រេចបានប្រមាណជិត៣០ភាគរយហើយ ដោយក្រុមការងារបាននិងកំពុងជីកអាងក្រោមដីចំនួន២ រួមជាមួយនឹងការជីកធ្វើផ្លូវក្រោមដីយ៉ាងមមាញឹក។ លោកសាំ…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា ស្ពានអាកាស និងផ្លូវក្រោមដីនៅរង្វង់មូលចោមចៅ បើគិតមកដល់ពេលនេះ ការស្ថាបនាសម្រេចបានប្រមាណជិត៣០ភាគរយហើយ ដោយក្រុមការងារបាននិងកំពុងជីកអាងក្រោមដីចំនួន២ រួមជាមួយនឹងការជីកធ្វើផ្លូវក្រោមដីយ៉ាងមមាញឹក។
លោកសាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញបានឲ្យដឹងថា ស្ពានអាកាសនិងផ្លូវក្រោមដីនៅរង្វង់មូលចោមចៅ បើគិតមកដល់ពេលនេះ ការដ្ឋានទាំងមូលសម្រេចបានប្រមាណជិត៣០ភាគរយហើយ ក្នុងនោះក្រុមការងារ បាននិងកំពុងជីកអាងក្រោមដីចំនួន២កន្លែង ដែលអាងក្រោមដីទីមួយត្រូវបានជីករួចរាល់ និងក្រោមដីមួយទៀតបាននឹងកំពុងការជីក ។ ក្រុមការងារក៏កំពុងសម្រុកទៅលើការងារជីកផ្លូវក្រោមដីទាំងយប់ទាំងថ្ងៃ ដើម្បីជំរុញឲ្យរួចរាល់ទៅតាមគម្រោងដែលបានគ្រោងទុក។
សូមបញ្ជាក់ថា ស្ពានអាកាស និងផ្លូវក្រោមដីចោមចៅ ជាគំរោងរបស់រាជរដ្ឋាភិបាលកម្ពុជាតាមរយៈរដ្ឋបាលរាជធានីភ្នំពេញដោយទទួលម៉ៅការសាងសង់ដោយក្រុមហ៊ុនវិនិយោគទុនអានិកជនកម្ពុជា(OCIC)ដោយចាប់ដំណើរការសាងសង់ក្នុងរយៈពេល៣០ខែនិងចំណាយថវិការសាងសង់ចំនួន២២លានដុល្លារអាមេរិក។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ