រាជធានីភ្នំពេញ ៖ នៅក្នុងសង្គមសិល្បៈនរណាក៏កោតសរសើរពីភ័ព្វសំណាងរបស់អតីតតារាសម្តែង នៅ សូនីតា ដែលបានជំពប់ស្នេហ៍ជាមួយលោក ទិត ថាវរិទ្ធ រហូតអាចធ្វើឲ្យលោកបាក់ចិត្តតាមស្រឡាញ់មកធ្វើជាភរិយាហើយបើកមុខឲ្យគេដឹង ខុសពីពេលមុនៗ…
រាជធានីភ្នំពេញ ៖ នៅក្នុងសង្គមសិល្បៈនរណាក៏កោតសរសើរពីភ័ព្វសំណាងរបស់អតីតតារាសម្តែង នៅ សូនីតា ដែលបានជំពប់ស្នេហ៍ជាមួយលោក ទិត ថាវរិទ្ធ រហូតអាចធ្វើឲ្យលោកបាក់ចិត្តតាមស្រឡាញ់មកធ្វើជាភរិយាហើយបើកមុខឲ្យគេដឹង ខុសពីពេលមុនៗ ។
នៅ សុនីតា នៅតែមានភាពទាក់ទាញ ទោះជាអ្នកនាងទើបសម្រាលបានកូនប្រុសក៏ដោយ ក៏សម្រស់របស់នាងនៅតែមានភាពស្រស់ស្អាតដដែល ។ តារាសម្តែង និងជាតារាបង្ហាញម៉ូដអ្នកនាង នៅ សុនីតា និង ស្វាមី បានមូលមតិគ្នាដោយដាក់ឈ្មោះ កូនប្រុសដំបូងថា «ទិត្យ សង្ក្រាន្តគាថាណារិទ្ធ» ។
គ្រាន់តែឈ្មោះរបស់កូនប្រុសក៏ទាក់ទាញការអារម្មណ៍ផងដែរ ។ លោក ទិត្យ ថាវរិទ្ធ បានបញ្ជាក់ពីអារម្មណ៍ពិតជារបស់លោកថា លោកពិតជាស្រឡាញ់កូនប្រុសរបស់លោកខ្លាំងណាស់ ព្រោះកូនប្រុសដំបូងនេះក៏ជាចំណងស្នេហ៍ដែលលោកមិនអាចបំភ្លេចបាននោះឡើយ ។
នៅ សុនីតា ត្រូវគេរំពឹងថា នឹងក្លាយទៅជាជំទាវក្នុងពេលឆាប់ៗនេះហើយ ព្រោះថា ស្វាមីនាងត្រូវបានព្រះករុណាសម្តេចព្រះបរមនាថ នរោត្តម សីហមុនី តែងតាំងជាអនុរដ្ឋលេខាធិការក្រសួងវប្បធម៌ និងវិចិត្រសិល្បៈ កាលពីថ្ងៃទី ១២ ខែមករា ឆ្នាំ ២០១៩ មកម្ល៉េះ។
ដោយឡែកឯ សុនីតា វិញនាងរំភើបចិត្តណាស់ទើបនៅលើបណ្តាញសង្គមរបស់នាងបានសរសេររៀបរាប់ថា «បទដែលស្រលាញ់បំផុត ផ្ញើរជូនមនុស្សជាទីស្រលាញ់ ឧត្តមស្វាមី និងកូនសំលាញ់ បងបានបំពេញគ្រប់យ៉ាងអស់ហើយ ជាប្តីផ្តល់ការស្រលាញ់យកចិត្តទុកដាក់ និងទំនួលខុសត្រូវជាបងប្រុស តែងតែឈរពាំងពីមុខរាល់ពេលជួបបញ្ហា ដោះដូរយោបល់ទៅវិញទៅមក ។
ជាមិត្តភ័ក្តិផ្តល់ភាពស្និទ្ធស្នាល និងស្នាមញញឹម ។ ជាប៉ាផ្តល់ការទំនុកបំរុងគ្រប់បែបយ៉ាង ប្រៀនប្រដៅជាគ្រូ តែងតែត្រួសត្រាយផ្លូវ និងបង្រៀនពីផ្លូវជីវិតភាពស្ងប់សុខមិនមែនមានន័យថា គ្មានក្តីសុខនោះទេ ប្តីប្រឹងប្រពន្ធខំ ក៏មិនប្រាកដថា មិនជោគជ័យ thank u for coming in to my life hon Love n respect both Thavrith Tith សង្ក្រាន្តរក្សាភាពស្មោះត្រង់ និងសុភមង្គល» ៕ (កែសម្រួលដោយ ៖ បុប្ផា)
ចែករំលែកព័តមាននេះ