ស្របពេលដែលកូនស្រីទី១ មានវ័យកាន់តែធំធាត់ឡើង តារាសម្តែងនិយមភាពក្រមិចក្រមើមអ្នកនាង សារ៉ាយ សក្ខណា ស្រាប់តែចង់បានកូនម្នាក់ទៀត ប្រសិនបើស្វាមីឯកភាពដោយនាងយោងលើហេតុផលទាន់អាយុនៅក្មេងមានលទ្ធភាពបង្កកំណើត ហើយមានកូនចៅច្រើនងាយស្រួលនៅពេលចាស់ ។
ជាការពិតមនុស្សស្រីគ្រប់រូបសុទ្ធសឹងតែចង់បានជីវិតគូដែលផ្អែមល្ហែម និងមានបុរសដែលចេះយកចិត្តទុកដាក់ចំពោះក្រុមគ្រួសារ ។ ជាក់ស្ដែងតារាសម្ដែងស្រី សារ៉ាយ សក្ខណា បានធ្វើឲ្យហ្វេនៗមិនសរសើរមិនបានពីចំណងស្នេហ៍របស់នាង ។ ក្នុងនោះអ្នកនាងបានរៀបការជាមួយស្វាមីដែលជាអាណិកជន ហើយបានទៅរស់នៅសហរដ្ឋអាមេរិក និងមាន កូនស្រីដ៏គួរឲ្យស្រលាញ់ម្នាក់ចំណងដៃ ។
បើក្រឡេកមើលជីវិតស្នេហារបស់នាងបានធ្វើឲ្យមហាជនមានការច្រណែនជាខ្លាំង គឺស្វាមីរបស់នាងបានថ្នាក់ថ្នមមិនឲ្យទាស់ចិត្តឡើយ ជាពិសេសបើទោះបីជាម្ចាស់បេះដូងរបស់នាងរវល់បែបណាក៏តែងឆ្លៀតពេលវេលាសម្រាប់នាង និងកូនស្រីជានិច្ច ។
សក្ខណា ធ្លាប់និយាយកន្លងមកថា «នាងចង់ពពោះកូនទី២ ចេះស្រម៉ៃថា បើបានកូនប្រុសមួយទៀត ក៏ពិសេសស្រណុកកូនស្រីដំបូងមានដៃគូគ្នា ហើយទាន់យើងនៅក្មេង ។ នាងក៏យល់ថា អាស្រ័យលើចិត្តស្វាមីប៉ុណ្ណោះ បើគាត់ឯកភាពនាងសុខចិត្ត ។
ប៉ុន្តែបើមើលលើភាពមមាញឹកការងារមិនទាន់ដឹងថា អាចសម្រេចផែនការ ឬអត់ ? ។ ម្យ៉ាងស្វាមីក៏ហត់ណាស់ដែរ រឿងជួយគ្រួសារមើលបីបាច់កូនស្រី បើពពោះអាចថា គាត់លំបាកចាំពិភាក្សាសិន ។ តាមគម្រោង សារ៉ាយ សក្ខណា នឹងទៅអាមេរិកវិញ នៅខែកញ្ញាខាងមុខ ដោយមួយជើងនេះនាងមកកម្ពុជាមិនខាតនោះទេ ព្រោះនៅតែពេញនិយមដោយបានថតសម្អាងការ ឡើងច្រៀងតាមកញ្ចក់ទូរទស្សន៍ និងសម្តែងភាពយន្តដុំ ៕ កែសម្រួលដោយ ៖ សុឃាក់
ចែករំលែកព័តមាននេះ