ប្រធាន La Liga ថា Neymar និង Ronaldo មិនសំខាន់ដូចកីឡាករ១រូបនេះទេ
តាមប្រភពព័ត៌មាន Goal បានឱ្យដឹងថា ប្រធាន La Liga លោក Javier Tebas បាននិយាយថា…
តាមប្រភពព័ត៌មាន Goal បានឱ្យដឹងថា ប្រធាន La Liga លោក Javier Tebas បាននិយាយថា…
តាមប្រភពព័ត៌មាន Goal បានឱ្យដឹងថា ប្រធាន La Liga លោក Javier Tebas បាននិយាយថា ទាំង Neymar និង Cristiano Ronaldo មិនសូវសំខាន់សម្រាប់លីគដូចនឹង Lionel Messi ទេ បើទោះបីជាលោកចង់បាន Neymar មកកាន់អេស្ប៉ាញវិញក៏ដោយ ។
Neymar ត្រូវបានគេឃើញថា ចង់មកលេងនៅអេស្ប៉ាញវិញយ៉ាងខ្លាំង ដោយមិនបានទៅលេងក្នុងការប្រកួត PSG ដល់ទៅបីដងតាំងពីចូលរដូវកាលថ្មីមក។ ការដែលអាចត្រឡប់មកវិញរបស់ Neymar គឺពិតជាអាចទៅរួច ដោយសារតែ Barcelona ក៏ចង់បាន ហើយ Real Madrid ក៏ចង់បាន ។
លោក Tebas បាននិយាយថា លោកចង់ឃើញ Neymar ត្រឡប់មកកាន់ក្លិបអេស្ប៉ាញវិញ មិនថាក្លិបណានោះទេ។ តែលោកបានបញ្ជាក់ថា វត្តមានរបស់ Neymar មិនសូវសំខាន់ដូច Messi នោះទេ សម្រាប់ភាពល្បីល្បាញរបស់លីគទៅកាន់ឆាកអន្តរជាតិ។
ប្រធាន La Liga រូបនេះបានប្រាប់សារព័ត៌មាន Marca ថា៖ «ពិតណាស់ ខ្ញុំចង់ឃើញ Neymar ត្រឡប់មកវិញ ។ ជាមួយនឹងគុណភាពដែលគេមាន គេស្ថិតនៅក្នុងកីឡាករកំពូលបីនាក់លើលោក។ គេពិតជាសំខាន់សម្រាប់លីគ ប្រសិនបើគេត្រឡប់មកវិញ»។
លោកបានបន្តថា៖«កីឡាករដូចជា Neymar ឬសូម្បីតែ Cristiano Ronaldo ក៏មិនសូវសំខាន់ដូច Lionel Messi នោះទេ ព្រោះ Messi គឺជាបេតិកភ័ណ្ឌសម្រាប់ La Liga» ៕
ប្រភព ៖ goal , កែសម្រួលដោយ ៖ សំណាង
ចែករំលែកព័តមាននេះ