Florentino Perez ឆេះដុំរឿងអតីតប្រធាន FIFA ថា Messi ខ្លាំងជាង Ronaldo
តាមប្រភពព័ត៌មាន The Sun បានឱ្យដឹងថា ប្រធានក្លិបអធិរាជស Real Madrid លោក Florentino Perez…
តាមប្រភពព័ត៌មាន The Sun បានឱ្យដឹងថា ប្រធានក្លិបអធិរាជស Real Madrid លោក Florentino Perez…
តាមប្រភពព័ត៌មាន The Sun បានឱ្យដឹងថា ប្រធានក្លិបអធិរាជស Real Madrid លោក Florentino Perez ធ្លាប់ទូរស័ព្ទទៅកាន់លោក Sepp Blatter អតីតប្រធាន FIFA ទាមទារឱ្យលោកធ្វើការសុំអភ័យទោសសម្រាប់ការនិយាយថា Lionel Messi ខ្លាំងជាង Cristiano Ronaldo ។
អតីតប្រធាន FIFA លោក Blatter ដែលបច្ចុប្បន្នមានអាយុ៨៣ឆ្នាំ ពេលនេះគឺជាសមាជិកកិត្តិយសនៅក្លិប Real Madrid ។ លោកបានបង្ហើបពីទំនាក់ទំនងជូរចត់របស់លោកជាមួយនឹងប្រធានក្លិបបច្ចុប្បន្នលោក Perez ។
កាលពីលោកធ្វើជាប្រធាន FIFA លោកធ្លាប់បានប្រកាសជាសាធារណៈថា Messi គឺល្អជាង Ronaldo ដែលនៅក្លិប Real Madrid ។ ពេលនោះហើយ ដែលធ្វើឱ្យលោកមានទំនាស់ជាមួយនឹងក្លិបរបស់ Ronaldo ។
លោក Blatter បានប្រាប់អ្នកសារព័ត៌មានថា«ខ្ញុំបានប្រាប់សិស្សរបស់ខ្ញុំនៅក្នុងសន្និសីទក្នុងសាកលវិទ្យាល័យ Oxford ថា ទាំង Messi និង Ronaldo គឺសុទ្ធតែល្អ តែ Messi គឺជាកូនដែលម្តាយគ្រប់រូបចង់បាន ខណៈដែល Ronaldo គឺដូចជាមនុស្សយន្ត ។ ពេលនោះទាំង Ronaldo និង ប្រធានក្លិប Real Madrid បច្ចុប្បន្ន សុទ្ធតែមិនសប្បាយចិត្ត ។ Florentino មានការខឹងសប្បារយ៉ាងខ្លាំង!»
លោកបានបន្តថា លោក Perez ថាឱ្យគាត់ថា «ហេតុអ្វីបានជាអ្នកនិយាយបែបនេះ ខណៈដែលអ្នកគឺជាសមាជិកកិត្តិយសរបស់ក្លិប Real Madrid?» ។ លោក Blatter ក៏បានតបវិញថា លោកនិយាយតាមការចូលចិត្តរបស់លោកទេ ។ ក្រោយឮការឆ្លើយតបបែបនេះ ភ្លាមៗនោះលោក Perez កាន់តែឆេះដុំមួយកម្រិតទៀត ដូចយកសាំងចាក់លើភ្លើងដែលកំពុងឆេះ ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ