ក្រុងហុងកុង ៖ ប៉ូលិសហុងកុងម្នាក់កាលពីថ្ងៃទី២៥ សីហា បានបាញ់យ៉ាងតិចក៏មួយលើកដែរនូវកាំភ្លើងរបស់ខ្លួន ហើយប៉ូលិសបានប្រើជាលើកដំបូងដែរ កាណុងបាញ់ទឹកប្រឆាំងពួកបាតុកររ៉ាឌីកាល់ ។ នេះជាការបាញ់កាំភ្លើងលើកដំបូងក្នុងអតីតដែនដីអាណានិគមអង់គ្លេសនោះ ដែលកំពុងរងការក្រឡុកដោយបាតុកម្មស្និទ្ធលទ្ធិប្រជាធិបតេយ្យ…
ក្រុងហុងកុង ៖ ប៉ូលិសហុងកុងម្នាក់កាលពីថ្ងៃទី២៥ សីហា បានបាញ់យ៉ាងតិចក៏មួយលើកដែរនូវកាំភ្លើងរបស់ខ្លួន ហើយប៉ូលិសបានប្រើជាលើកដំបូងដែរ កាណុងបាញ់ទឹកប្រឆាំងពួកបាតុកររ៉ាឌីកាល់ ។ នេះជាការបាញ់កាំភ្លើងលើកដំបូងក្នុងអតីតដែនដីអាណានិគមអង់គ្លេសនោះ ដែលកំពុងរងការក្រឡុកដោយបាតុកម្មស្និទ្ធលទ្ធិប្រជាធិបតេយ្យ ។
នាយប៉ូលិសហុងកុងម្នាក់លោក Leung Kwok Win ថ្លែងទៅកាន់ក្រុមអ្នកកាសែតថា តាមដែលខ្ញុំដឹងសហសេវិកម្នាក់បានបាញ់កាំភ្លើង រូបគេជាប៉ូលិសស្លៀកពាក់ឯកសណ្ឋានម្នាក់ដែលបានបាញ់កាំភ្លើង ។ ការបាញ់នោះកើតមាន ខណៈមានការប៉ះទង្គិចគ្នាយ៉ាងខ្លាំងរវាងពួកបាតុករ និងប៉ូលិសនៅ Tsuen Wan ចម្ងាយប្រមាណជា១០គីឡូម៉ែត្រពីកណ្ដាលក្រុង ។ គេមិនអាចដឹងថាតើការបាញ់នោះសំដៅលើអ្វីទេ ប៉ុន្តែនេះជាលើកទីមួយនៃការផ្ទុះអាវុធចាប់តាំងពីកើតមានបាតុកម្មនៅហុងកុង៣ខែមកហើយ ។
បាតុករច្រើនពាន់នាក់កាលពីថ្ងៃទី២៥សីហា បាននាំគ្នាដើរហែក្បួនក្នុងភាពស្ងៀមស្ងាត់ក្រោមដំណក់ទឹកភ្លៀង ឆ្ពោះទៅកាន់សង្កាត់ Tsuen Wan ។ ប៉ុន្តែពួកអ្នកតវ៉ារ៉ាឌីកាល់បន្ទាប់មកបានធ្វើរបាំងរាំងផ្លូវ និងគប់របស់របរផ្សេងៗព្រមទាំងដបសាំងដុតសំដៅប៉ូលិស។ ក្រោយពីបាញ់ឧស្ម័នបង្ហូរទឹកភ្នែកតែពុំបានលទ្ធផលដូចការគ្រោងទុក ប៉ូលិសបានប្រើកាណុងបាញ់ទឹកប្រឆាំងពួកបាតុករ ៕
កែសម្រួលដោយ ៖ សំណាង
ចែករំលែកព័តមាននេះ