មានមនុស្សមិនតិចទេដែលស្វែងរកនូវមង្គលតែមិនដឹងធ្វើយ៉ាងណាម៉េច ក៏ចេះតែដើររកគ្រប់ទីកន្លែង ។ តាមពិតទៅមង្គលដែលនាំឲ្យយើងមានសេចក្ដីសុខពិតប្រាកដនោះ គឺមិនចាំបាច់ទៅរកនៅទីណាឆ្ងាយនោះទេ វាស្ថិតនៅតែជាមួយខ្លួនយើងហ្នឹងឯង ។ មង្គលនោះមាន៣៨ ប្រការនោះគឺ ១-កិរិយាមិនសេពគប់នូវបុគ្គលពាលទាំងឡាយ…
មានមនុស្សមិនតិចទេដែលស្វែងរកនូវមង្គលតែមិនដឹងធ្វើយ៉ាងណាម៉េច ក៏ចេះតែដើររកគ្រប់ទីកន្លែង ។ តាមពិតទៅមង្គលដែលនាំឲ្យយើងមានសេចក្ដីសុខពិតប្រាកដនោះ គឺមិនចាំបាច់ទៅរកនៅទីណាឆ្ងាយនោះទេ វាស្ថិតនៅតែជាមួយខ្លួនយើងហ្នឹងឯង ។
មង្គលនោះមាន៣៨ ប្រការនោះគឺ ១-កិរិយាមិនសេពគប់នូវបុគ្គលពាលទាំងឡាយ ២-កិរិយាសេពគប់នូវបុគ្គលជាបណ្ឌិតទាំងឡាយ ៣-កិរិយាបូជាដល់បុគ្គលដែលគួរបូជាទាំងឡាយ ៤-កិរិយានៅក្នុងប្រទេសដ៏សមគួរ ៥-ភាវៈនៃបុគ្គលបានធ្វើបុណ្យទុកហើយក្នុងកាលមុន ៦-កិរិយាតម្កល់ខ្លួនដោយប្រពៃ ៧-ភាវៈនៃបុគ្គលបានស្ដាប់ បានរៀនហើយដោយច្រើន ៨-សេចក្ដីឆ្លៀវឈ្លាសក្នុងហត្ថកម្មរបស់អ្នកបួស និងគ្រហស្ថ ៩-វិន័យដែលបុគ្គលសិក្សាដោយប្រពៃ ១០-វាចា វាចាដែលបុគ្គលសិក្សាដោយប្រពៃ ។
១១-កិរិយាបម្រើនូវមាតា ១២-កិរិយាបម្រើនូវបិតា ១៣-សេចក្ដីសង្គ្រោះដល់បុត្រ និងភរិយា ១៤-ការងារទាំងឡាយដែលមិនច្របូកច្របល់ ១៥-កិរិយាបរិច្ចាគទា ១៦-កិរិយាប្រព្រឹត្តនូវធម៌ ១៧-សេចក្ដីសង្គ្រោះដល់ញាតិទាំងឡាយ ១៨-ការងារទាំងឡាយដែលមិនមានទោស ១៩-កិរិយាមិនត្រេកអរក្នុងបាប និងកិរិយាវៀរចាកបាប ២០-សេចក្ដីសង្រួមចាកកិរិយាផឹកនូវទឹកស្រវឹង ។
២១-សេចក្ដីមិនប្រមាទក្នុងធម៌ទាំងឡាយ ២២-សេចក្ដីគោរពចំពោះបុគ្គលដែលមិនគួរគោរព ២៣-កិរិយាប្រព្រឹត្តបន្ទាបខ្លួន ២៤-សេចក្ដីត្រេកអរចំពោះរបស់ដែលមាន ២៥-ភាវៈនៃបុគ្គលអ្នកដឹងនូវឧបការៈដែលបុគ្គលអ្នកដទៃធ្វើហើយដល់ខ្លួន ២៦-កិរិយាស្ដាប់នូវធម៌តាមកាល ២៧-សេចក្ដីអត់ធន់ ២៨-ភាវៈនៃបុគ្គលដែលគេប្រដៅបានដោយងាយ ២៩-កិរិយាបានឃើញ បានជួបនូវសមណៈទាំងឡាយ ៣០-ធម្មសាកច្ឆា គឺកិរិយាសន្ទនាទៅវិញទៅមកតាមធម៌តាមកាល ។
៣១-សេចក្ដីព្យាយាមដុតនូវបាបធម៌ ៣២-កិរិយាប្រព្រឹត្តនូវធម៌ដ៏ប្រសើរ ៣៣-កិរិយាឃើញនូវអរិយសច្ចទាំងឡាយ ៣៤-កិរិយាធ្វើឲ្យជាក់ច្បាស់នូវព្រះនិព្វាន ៣៥-ចិត្តរបស់បុគ្គលឯណាដែលលោធម៌ទាំងឡាយពាល់ត្រូវហើយមិនរំភើបញាប់ញ័រ ៣៦-មិនមានសេចក្ដីសោក ៣៧-មានធូលី គឺរាគៈទៅប្រាសហើយ និង៣៨-ជាចិត្តក្សេមក្សាន្ត ។
មង្គលទាំង៣៨ប្រការនេះនឹងនាំឲ្យអ្នកប្រតិបត្តិតាមបានសុខចម្រើនយ៉ាងពិតប្រាកដមិនថាបុគ្គលរស់នៅកន្លែងណាទេឲ្យតែចេះសាងនូវមង្គលទាំងអស់នេះនឹងរមែងបានសេចក្ដីសុខពិតប្រាកដជាក់ជាមិនខាន ។ (ដោយសាន សារិន) ស្រង់ពីមង្គលសូត្រ
ចែករំលែកព័តមាននេះ