ប្រទេសស៊ីរី ៖ ស៊ីរីកាលពីថ្ងៃទី២៤ សីហា បានប្រមូលផ្ដុំកងកម្លាំងបន្ថែមនៅខេត្តអុីដលីប ដើម្បីបន្តការវាយលុករបស់ខ្លួនប្រឆាំងពួកជីហាដ និងពួកឧទ្ទាមក្នុងខេត្តនោះ ដែលកងកម្លាំងរដ្ឋាភិបាលហាក់ចង់ រុលទៅមុខសំដៅទៅទីក្រុងMAARET AL…
ប្រទេសស៊ីរី ៖ ស៊ីរីកាលពីថ្ងៃទី២៤ សីហា បានប្រមូលផ្ដុំកងកម្លាំងបន្ថែមនៅខេត្តអុីដលីប ដើម្បីបន្តការវាយលុករបស់ខ្លួនប្រឆាំងពួកជីហាដ និងពួកឧទ្ទាមក្នុងខេត្តនោះ ដែលកងកម្លាំងរដ្ឋាភិបាលហាក់ចង់ រុលទៅមុខសំដៅទៅទីក្រុងMAARET AL NOOMANE ។
ការវាយលុកនេះកាន់តែសំខាន់ដែលខេត្តអុីដលីប ជាតំបន់មួយក្នុងចំណោមតំបន់ចុងក្រោយនៅស៊ីរី ដែលស្ថិតក្នុងដៃពួកជីហាដនិងពួកឧទ្ទាម និងគេចផុតពីការគ្រប់គ្រងនៃរបបក្រុងដាម៉ាស់នៅឡើយ ។
អ្នកកាសែតបរទេសមួយក្រុមដែលកងទ័ពស៊ីរីនាំទៅ នាថ្ងៃទី២៤ សីហា បានចូលទៅក្នុងទីក្រុង KHAN CHEIKHOUN ដែលកងទ័ពស៊ីរីទើបវាយរំដោះយកបាននៅខេត្តអុីដលីប ហើយបានឃើញផ្សែងហុយដោយសារការទម្លាក់គ្រាប់បែកដែលនៅបន្ត ៣ថ្ងៃក្រោយការដណ្ដើមយកបានទីក្រុងនេះដែលស្ងាត់ជ្រងំ ដោយសារប្រជាជនភៀសខ្លួនចេញអស់ ។
តាមដងវិថីមួយចំនួនបណ្ដារថក្រោះឬរថយន្តកាំមីញ៉ុងធុនតូច ដឹកកងទាហានត្រូវបានដាក់
ពង្រាយ ។ ទង់ជាតិស៊ីរីត្រូវបានបង្ហូតក្នុងក្រុង ។ ជួយទ្រទ្រង់ដោយកងយន្តហោះរុស្ស៊ី កងទ័ពស៊ីរីអាចបើកការវាយលុកលើដី ក្រោយការទម្លាក់គ្រាប់់បែកខ្លាំងក្លារយៈពេល៤ខែ ប្រឆាំងខេត្តអុីដលីប និងបណ្ដាតំបន់ជិតខាង ក្នុងខេត្តអាឡែប ហាម៉ានិងឡាតាគីយ៉េដែលត្រួតត្រា
ដោយពូកជីហាដ ។
អង្គការសិទ្ធិមនុស្សស៊ីរី OSDH មានប្រភពព័ត៌មានច្រើនក្នុងប្រទេសគូសបញ្ជាក់ថា កងទ័ពស៊ីរីប្រមូលកម្លាំងបន្ថែមនៅភាគខាងជើងក្រុង KHAN CHEIKHOUN ត្រៀមសម្រាប់វាយរុលទៅមុខ ឆ្ពោះទៅកាន់ក្រុង MAARET AL NOOMANE ។ ចំណែកកងយន្តហោះបានបន្តវាយប្រហារប្រឆាំងបណ្ដាភូមិស្ថិតនៅជុំវិញក្រុងនេះ។
ស៊ីរីក៏វាយដណ្ដើមយកបានមូលដ្ឋានជាច្រើននាភាគខាងជើងខេត្តហាម៉ា ។ ក្នុងតំបន់ម៉ូរេកនាភាគខាងជើងខេត្តហាម៉ា ក្រុងអ្នកកាសែតបរទេស បានឃើញប៉ុស្តិ៍សង្កេតការណ៍របស់កងទ័ពតួកគីឡោមព័ទ្ធដោយកងទ័ពស៊ីរី ។ នៅព្រំដែននៃខេត្តអុីដលីប តួកគីដែលពឹងផ្អែកលើពួកឧទ្ទាមដែលពេលនេះកាន់តែចុះខ្សោយ មានប៉ុស្តិ៍សង្កេតការណ៍ចំនួន១២កន្លែង ក្នុងខេត្តអុីដលីប និងហាម៉ា ។ ការឡោមព័ទ្ធប៉ុស្តិ៍សង្កេតការណ៍តួកគីបានបង្កើនភាពតានតឹង ៕
កែសម្រួលដោយ ៖ សំណាង
ចែករំលែកព័តមាននេះ