កាលពីល្ងាចថ្ងៃទី២១ ខែសីហាម្សិលមិញនេះ បងប្រុសរបស់តារាចម្រៀងចំណូលថ្មី ខេង សម្ផស្ស បានធ្វើអត្តឃាតដោយចង.ក ដោយមិនដឹងមូលហេតុ ។ ក្រោយពីទទួលដំណឹងនេះខេង សម្ជស្ស…
កាលពីល្ងាចថ្ងៃទី២១ ខែសីហាម្សិលមិញនេះ បងប្រុសរបស់តារាចម្រៀងចំណូលថ្មី ខេង សម្ផស្ស បានធ្វើអត្តឃាតដោយចង.ក ដោយមិនដឹងមូលហេតុ ។ ក្រោយពីទទួលដំណឹងនេះខេង សម្ជស្ស ស្ទើរទប់ស្មារតីមិនបាន ហើយមិននឹកស្មានថា បងប្រុសច្បងរបស់នាងគិតខ្លីបែបនេះសោះ ។
កញ្ញា ខេង សម្ផស្ស ដែលខិតខំច្រៀងតាមហាងពេលយប់យកប្រាក់ទ្រទ្រង់គ្រួសារបាននិយាយទាំងអួលដើមកថា នាងមានបងប្អូន៥នាក់ ប្រុស៣ ស្រី២ បងប្រុសដែលស្លាប់ជាកូនទី១ មានឈ្មោះ ខេង ចន្ទ្រា ។ ចំពោះមូលហេតុរូបនាងមិនសូវជាដឹងច្រើនទេដោយសារតែបងប្រុសបានបែកផ្ទះរស់នៅជាមួយប្រពន្ធ ហើយឮថា ឈ្លោះគ្នាប្រពន្ធទៅស្រុក៤-៥ ថ្ងៃក៏កើតហេតុចងក នេះតែម្តង ។
សម្ផស្ស ដែលមានម្តាយជាស្ត្រីមេម៉ាយ និងមានជំងឺផងនោះបានឲ្យដឹងទៀតថា បងប្រុសរបស់នាងធ្វើសំណង់ ហើយស្លាប់ក្នុងទីតាំងសំណង់ ស្ថិតក្បែរផ្សារទំនើបអ៊ីអន២ ។ មកទល់ពេលនេះសពតម្កល់ធ្វើបុណ្យនៅវត្តទឹកថ្លា រាជធានីភ្នំពេញ ។ ដោយសារតែនាងមានជីវភាពលំបាកទើបមានអ្នកសិល្បៈមួយចំនួនបានរៃអង្គាសប្រាក់ និងអង្ករយកមកចូលបុណ្យ ដើម្បីជួយសម្រាលទុក្ខ ។ សព្វថ្ងៃ ខេង សម្ផស្ស ជាតារាចម្រៀងនៅក្នុងផលិតកម្មរបស់លោក ហេង ឡុង និងចន ច័ន្ទលក្ខិណា ៕ កែសម្រួលដោយ ៖ សុឃាក់
ចែករំលែកព័តមាននេះ