ខេត្តកំពង់ធំ ៖ សេចក្តីរាយការណ៍ឱ្យដឹងថា បុរសប្តីមានជម្លោះជាមួយប្រពន្ធរហូតប្រើអំពើហិង្សាយកកាំបិតទៅកាប់នាងរហូតស្លាប់ ។ រួចហើយខ្លួនឯងក៏ចង.សម្លាប់ខ្លួនដែរនៅក្បែរសពប្រពន្ធស្ថិតក្នុងខ្ទមផ្ទះមួយកន្លែង ដែលបានបង្កកាលពីវេលា០៤ និង៣០នាទីរសៀលថ្ងៃទី២១ សីហា ក្នុងភូមិគូរ ឃុំចុងដូង ស្រុកបារាយណ៍ ខេត្តកំពង់ធំ ។ ពិតជារឿងគួរឱ្យសោកស្តាយខ្លាំងណាស់ ដែលករណីអស់ទាំងនេះ នៅតែមានឡើង ដែលដឹងថា នៅពេលដែលធ្វើហើយ មិនមែនទទួលអ្វី ក្រៅពីសល់វិប្បដិសារីធ្លាក់លើកូនយើងតែប៉ុណ្ណោះ ។
បើតាមលោកវរសេនីយ៍ទោ កែ កញ្ចនា អធិការរងនគរបាលស្រុកបារាយ ណ៍យោងប្រពន្ធពីឪពុកជនរងគ្រោះប្រាប់ថា កូនស្រីគាត់ឈ្មោះ មុំ សុខណា អាយុ២២ឆ្នាំ រស់នៅភូមិ-ឃុំកើតហេតុ បានស្លាប់នៅលើផ្ទះរបស់ខ្លួន ដោយសារតែប្តីកាប់ជាច្រើនកន្លែង ។ រីឯជនសង្ស័យជាកូនប្រសាឈ្មោះ ស៊ុន សុគាន់ អាយុ៣៨ឆ្នាំ។
លោកឪពុកបន្តថា កន្លងមក ពួកគេទាំង២នាក់ឧស្សាហ៍ឈ្លោះគ្នាញឹកញាប់ណាស់ ហើយអ្នកជិតខាងប្រាប់គាត់ដែរថា ទាំង២នាក់នេះមានជម្លោះគ្នាលើផ្ទះតាំងពីយប់ថ្ងៃទី២០ សីហា ម្លេ៉ះ ហើយឮស្នូរវាយ និងសម្រែកប្រពន្ធស្រែកឲ្យជួយផងៗ ។ តែគ្មានអ្នកណាចាប់អារម្មណ៍ជួយទេ ដោយសារគ្រួសារនេះឈ្លោះគ្នាស្ទើររាល់ថ្ងៃទៅហើយ ហើយម្នាក់ៗមិននឹងស្មានថា អាចឈានដល់សម្លាប់គ្នាយ៉ាងដូច្នេះសោះ ។
លោកអធិការរងបានបញ្ជាក់ដែរថា បុរសជាប្តីរូបនេះ ធ្លាប់ប្រើប្រាស់ថ្នាំញៀន និងប្រចណ្ឌប្រពន្ធខ្លាំង ណាស់ ហើយត្រូវសមត្ថកិច្ចចាប់ឃុំខ្លួនម្តងហើយ ។ (សម្រួលដោយ៖ ស្រីណា)
ចែករំលែកព័តមាននេះ