ពិភពលោកនេះមិនខ្វល់ថា អ្នកជោគជ័យ ឬបរាជ័យទេ ព្រោះលើលោកមានមនុស្សល្អជាច្រើនដែលបរាជ័យ ហើយមានមនុស្សអាក្រក់ជាច្រើន ដែលជោគជ័យយ៉ាងហោចណាស់ក៏ក្នុងមួយផ្នែកនៃជីវិតរបស់ពួកគេដែរ ។ តថភាព គឺមនុស្សដែលប្រឆាំង និងប្រកួតប្រជែងជាមួយនឹងអ្នកមានច្រើនជាងអ្នកដែលគាំទ្រអ្នក…
ពិភពលោកនេះមិនខ្វល់ថា អ្នកជោគជ័យ ឬបរាជ័យទេ ព្រោះលើលោកមានមនុស្សល្អជាច្រើនដែលបរាជ័យ ហើយមានមនុស្សអាក្រក់ជាច្រើន ដែលជោគជ័យយ៉ាងហោចណាស់ក៏ក្នុងមួយផ្នែកនៃជីវិតរបស់ពួកគេដែរ ។
តថភាព គឺមនុស្សដែលប្រឆាំង និងប្រកួតប្រជែងជាមួយនឹងអ្នកមានច្រើនជាងអ្នកដែលគាំទ្រអ្នក ។ មានតែអ្នកទេដែលខ្វល់ខ្វាយពីភាពជោគជ័យរបស់ខ្លួន ដូច្នេះអ្នកត្រូវតែយកចិត្តទុកដាក់ខ្លាំងពីវាព្រោះមិនមាននរណាដែលចាំការពារអ្នក និងមើលថែអ្នកជារៀងរាល់ពេលរហូតដល់អ្នកសម្រេចគោលដៅក្នុងជីវិតទេ ។ ទាំងនេះ គឺជាដំបូន្មានដ៏មានតម្លៃរបស់លោក Grant Cardone ដែលជាមហាសេដ្ឋីមូយរូប និងជាម្ចាស់ក្រុមហ៊ុនចំនួនបួនផងដែរ ។
លោកបានប្រាប់ថា ប្រសិនបើអ្នកចង់សម្រេចគោលដៅធំៗក្នុងជីវិតអ្នកត្រូវតែបំពេញការងារច្រើនជាងអ្វីដែលអ្នកត្រូវធ្វើ និងអ្នកត្រូវទទួលបានអ្វីច្រើនជាងតម្រូវការចាំបាច់ក្នុងជីវិតដូចជា លំនៅដ្ឋាន អាហារ សម្លៀកបំពាក់ និងការធ្វើដំណើរ ។ អ្នកត្រូវការច្រើនជាងនេះ ដើម្បីអាចជោគជ័យ ។
ដូច្នេះអ្វីដែលអ្នកត្រូវធ្វើ គឺគិត និងសរសេរទុកពីអ្វីដែលជាតម្រូវការចាំបាច់របស់អ្នក0x017d7 ហើយតើភាពជោគជ័យសម្រាប់អ្នកមានរូបរាងយ៉ាងដូចម្តេច ? ប្រាកដណាស់ លើលោកនេះក៏មិនមានផ្លូវកាត់សម្រាប់មនុស្ស ដើម្បីដើរទៅរកភាពជោគជ័យដែរ ។ អ្នកអាចដើរទៅសួរមហាសេដ្ឋីរូបណាក៏ពួកគេប្រាប់អ្នកដូចគ្នាដែរ គឺអ្នកត្រូវតែខិតខំប្រឹងប្រែងខ្លាំង និងអ្នកត្រូវតែមានការប្តេជ្ញាខ្ពស់ ។
មិនថា អ្នកធ្វើអ្វីទេ អ្នកត្រូវតែខិតខំធ្វើវាឲ្យអស់ពីសមត្ថភាព ។ អ្នកនឹងត្រូវធ្វើការច្រើនម៉ោង និងនឿយហត់ ប៉ុន្តែអ្នកគ្មានផ្លូវចៀសផុតវាជាដាច់ខាត ប្រសិនបើអ្នកចង់ជោគជ័យ ។
លោក Cardone បាននិយាយម្តងហើយម្តងទៀតថា ភាពជោគជ័យពិតប្រាកដតម្រូវឲ្យអ្នកព្យាយាមឈោងចាប់អ្វីដែលខ្ពស់ជាងតម្រូវការចាំបាច់របស់អ្នក ហើយវាតម្រូវឲ្យអ្នកខិតខំប្រឹងប្រែង និងមានការប្តេជ្ញាខ្ពស់ ៕ កែសម្រួលដោយ ៖ សុឃាក់
ចែករំលែកព័តមាននេះ