រាជធានីភ្នំពេញ ៖ The Point ដែលជាមជ្ឈមណ្ឌលសហគមន៍ធុរកិច្ច និងអគារការិយាល័យ ដែលមានទីតាំងទល់មុខនឹងស្ថានទូតចិន ស្ថិតនៅលើមហាវិថីម៉ៅសេទុង បានចាប់ផ្តើមសម្ពោធបើកដំណើរការបណ្តោះអាសន្ន កាលពីថ្ងៃទី២១…
រាជធានីភ្នំពេញ ៖ The Point ដែលជាមជ្ឈមណ្ឌលសហគមន៍ធុរកិច្ច និងអគារការិយាល័យ ដែលមានទីតាំងទល់មុខនឹងស្ថានទូតចិន ស្ថិតនៅលើមហាវិថីម៉ៅសេទុង បានចាប់ផ្តើមសម្ពោធបើកដំណើរការបណ្តោះអាសន្ន កាលពីថ្ងៃទី២១ ខែសីហាជាមួយនឹងវត្តមានហាង ល្បីៗមួយចំនួន ដើម្បីបម្រើដល់ភាពស៊ីវីល័យ និងភាពរីករាយដល់ការរស់នៅការបំពេញការងារ និងធុរកិច្ចរបស់ប្រជាជនកម្ពុជាយើង ។
ហាងល្បីៗដូចជា ហាងកាហ្វេ Starbuck ហាងកាហ្វេ Park Cafe ហាងតែ Heekcaa បានបង្អួតខ្លួន នៅផ្នែកខាងមុខនៃមជ្ឈមណ្ឌល The Point ដើម្បីបម្រើដល់ប្រជាជនកម្ពុជាគ្រប់រូប ។ គួរអោយចាប់អារម្មណ៍បន្ថែមដែរនោះផ្សារទំនិញប្រើប្រាស់របស់ផ្សារអ៊ីអនជប៉ុនក៏បានបើកបម្រើការលក់ដូរទំនិញជាច្រើនមុខផងដែរ ។
លោក លោក ផូរ សុធារៈ អគ្គនាយកក្រុមហ៊ុន 3DS Property Management ដែលបានសាងសង់មជ្ឈមណ្ឌលសហគមន៍ធុរកិច្ច និងអគារការិយាល័យ The Point បាននិយាយថា វត្តមានមនុស្សជាច្រើននៅក្នុងឱកាសបើកដំណើរបណ្តោះអាសន្ននេះ ជាសក្ខីភាពដ៏ច្បាស់លាស់មួយដែលថា The Point នឹងក្លាយជាមជ្ឈមណ្ឌលសហគមន៍ធុរកិច្ច និងអគារការិយាល័យដំបូងគេដែលទទួលបានការគាំទ្រខ្លាំងពីធុរជន និងប្រជាពលរដ្ឋគ្រប់រូប ។ លោកបាននិយាយបន្តទៀតថា «The Point សាងសង់ឡើង ដើម្បីធ្វើអោយជីវិតរស់នៅ និងធុរកិច្ចកាន់តែស៊ីវីល័យ កាន់តែងាយស្រួល និងកាន់តែសប្បាយរីករាយ ។ រាល់សេចក្តីត្រូវការចាំបាច់ទាំងអស់របស់ប្រជាជន និងធុរជនត្រូវបានយកមកដាក់ក្នុងបេះដូងរបស់ The Point» ។
មនុស្សម្នាជាច្រើនបានចាប់ផ្តើមនាំគ្នាមកកាន់ផ្សារទំនើប The Point ដើម្បីទទួលទានកាហ្វេ និងបរិភោគអាហារនៅហាង Starbuck និង Park Cafe ព្រមទាំងទទួលទានតែ Heekcaa ផងដែរ ។ អ្នកខ្លះទៀតក៏នាំគ្នាមកទិញទំនិញនៅផ្សារទំនិញរបស់ផ្សារទំនើបអ៊ីអន ។
ចាន់ ជេស្តា យុវជនអាយុ២៥ឆ្នាំ បាននិយាយថា លោកចូលចិត្តមកទទួលទានកាហ្វេ និង បរិភោគអាហារ The Point ដោយសារតែវាមានភាពងាយស្រួលហើយមានការរចនាដ៏ស្រស់ស្អាត និងបៃតង ។ លោកក៏បានប្រាប់ដល់មិត្តភក្តិរបស់លោកអោយមកជួបជុំគ្នានៅទីនេះផងដែរ ។
គួរបញ្ជាក់ថា The Point កន្លងមកបានទទួលពានរង្វាន់លំដាប់ថ្នាក់ពិភពលោក ដោយសារតែ រចនាបទល្អឯក និងបៃតងដែលគិតគូរដល់បរិស្ថានហើយវាក៏ត្រូវបានទទួលស្គាល់ផងដែរចំពោះគុណភាពសំណង់ខ្ពស់ និងរឹងមាំដែលធានាដល់សុវត្ថិភាព ។ ការសាងសង់ធ្វើឡើងដោយគិតគូរគ្រប់ទិដ្ឋភាព ដោយរួមទាំងច្បាប់ទម្លាប់ត្រឹមត្រូវ ស្តង់ដាគុណភាព សុវត្ថិតភាព និងបរិស្ថាន ។ ការមកទស្សនាដោយផ្ទាល់ភ្នែកនឹងធ្វើអោយដឹងច្បាស់ពីសម្រស់ភាពអស្ចារ្យ គុណភាពសំណង់ និងភាពបៃតងរបស់ The Point ។
មជ្ឈមណ្ធលសហគមន៍ធុរកិច្ច និងអគារការិយាល័យ The Point ជាមជ្ឈមណ្ឌលដ៏ទំនើបថ្មីមួយ សម្រាប់ការធ្វើការងារការិយាល័យការសម្រាកកម្សាន្ត និងការទិញទំនិញគ្រប់មុខក៏ដូចជា ការទទួលទានអាហារដ៏ឈ្ងុយឆ្ងាញ់ជាច្រើន ។ The Point នឹងធ្វើអោយការរស់នៅ និងការបំពេញការងាររបស់អ្នករស់នៅ និងធុរជននៅក្រុងភ្នំពេញ កាន់តែមានភាពងាយស្រួល និងសប្បាយរីករាយដោយសារតែសំណង់អគារការិយាល័យដ៏ស្រស់ស្អាត ដែលមានរចនាបទទាក់ទាញនិងហាងទំនិញជាច្រើនសម្រាប់បម្រើសេចក្តីត្រូវការរបស់អ្នកធ្វើការ និងអ្នករស់នៅភ្នំពេញ ។ វានឹងធ្វើអោយមានការកែប្រែកាន់តែប្រសើរសម្រាប់ការរស់នៅ ការបំពេញការងារ និងធុរកិច្ច ។
សូមបញ្ជាក់ថា The Point គឺជាគម្រោងអគារការិយាល័យ និងផ្សារសហគមន៍ដំបូងគេបង្អស់ដែលត្រូវបានវិនិយោគរួមគ្នា ដោយវិនិយោគិនក្នុងស្រុក និងវ័យក្មេង ។ អគារការិយាល័យនេះបានបោះទុនវិនិយោគប្រមាណ៧លានដុល្លារអាមេរិក ដោយមិនទាន់រាប់បញ្ចូលតម្លៃដីសាងសង់ឡើយ ។ គម្រោងនេះនឹងចូលរួមចំណែកក្នុងការផ្គត់ផ្គង់តម្រូវការអគារិយាល័យនៅកម្ពុជា និងជាបណ្តុំនៃផ្សារ និងហាងទំនើបៗជាច្រើន ។ The Point ក៏ចូលរួមចំណែកផងដែរដល់ការផ្តល់ការងារដល់មនុស្សជាច្រើន និងចូលរួមដល់ការធ្វើអោយសេដ្ឋកិច្ចកម្ពុជាកាន់តែរីកចម្រើន ៕ កែសម្រួលដោយ ៖ សុឃាក់
ចែករំលែកព័តមាននេះ