CDC សម្រេចចុះបញ្ជីក្រុមហ៊ុនវិនិយោគនៅកម្ពុជាជាមួយទំហំទឹកប្រាក់២៥លានដុល្លារ អាមេរិក
- ភ្នំពេញ
រាជធានីភ្នំពេញ ៖ ក្រុមប្រឹក្សាអភិវឌ្ឍន៍ កម្ពុជា ហៅកាត់ថា (CDC) នៅថ្ងៃចន្ទ ទី ១៩ សីហា…
រាជធានីភ្នំពេញ ៖ ក្រុមប្រឹក្សាអភិវឌ្ឍន៍ កម្ពុជា ហៅកាត់ថា (CDC) នៅថ្ងៃចន្ទ ទី ១៩ សីហា…
រាជធានីភ្នំពេញ ៖ ក្រុមប្រឹក្សាអភិវឌ្ឍន៍ កម្ពុជា ហៅកាត់ថា (CDC) នៅថ្ងៃចន្ទ ទី ១៩ សីហា ២០១៩នេះបានអោយដឹងថា ក្រុមប្រឹក្សាអភិវឌ្ឍន៍កម្ពុជាបានសម្រេចចុះបញ្ជីក្រុមហ៊ុនវិនិយោគចំនួន៦ ដើម្បីឱ្យវិនិយោគិនអាចវិនិយោគនៅកម្ពុជាដែលនឹងអាចបង្កើតការងារជូនប្រជាជនកម្ពុជាចំនួន ៩៩៨ កន្លែង ។ នេះបើយោងតាមសេចក្តីប្រកាសព័ត៌មានរបស់ CDC ។
តាមប្រភពដដែលបានបញ្ជាក់អោយដឹងថា ក្រុមហ៊ុនទាំង៦ ដែលក្រុមប្រឹក្សាអភិវឌ្ឍន៍កម្ពុជាសម្រេចចុះបញ្ជី មានទឹកប្រាក់សរុបប្រមាណជាង២៥លានដុល្លារអាមេរិក រួមមានក្រុមហ៊ុនផលិតបារី AMAMOKE TOBACO ( CAMBODIA ) មានទីតាំងវិនិយោគនៅក្នុងតំបន់សេដ្ឋកិច្ចក្រុងព្រះសីហនុ មានទុនវិនិយោគចំនួន ៥លានដុល្លារអាមេរិក និងអាចបង្កើតការងារប្រមាណ ៦៧កន្លែង នៅពេលគម្រោងនេះ ចាប់ផ្ដើមដំណើរការ ។
នៅក្នុងសេចក្តី ប្រកាសនោះបានបន្ថែមថាគម្រោងរោងចក្រផលិតអេប៉ុងគ្រប់ប្រភេទ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេមបូឌាន ចេជាង ហ្គ័រជី មានទុនវិនិយោគចំនួន ២,១ លាន ដុល្លារអាមេរិក និងអាចបង្កើតការងារបានចំនួន ១៤១កន្លែង ក៏ត្រូវបានក្រុមប្រឹក្សាសម្រេចចេញវិញ្ញាបនបត្រជូនរួចហើយដែរ ។ ដោយឡែកគម្រោងបង្កើតរោងចក្រផលិតកេសកាតុង មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសតាយសេង បាវិត ខេត្តស្វាយរៀង, មានទុនវិនិយោគប្រមាណ ២,៦លានដុល្លារអាមេរិក និងអាចបង្កើតការងារបានចំនួន ២១០នាក់ក៏បានចុះបញ្ជីជាស្ថាពរដូចគ្នា ។
ចំណែកគម្រោងបីផ្សេងទៀតរួមមាន ១ គម្រោងបង្កើតរោងចក្រផលិតខ្សែភ្លើង និងខ្សែកាប មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ស្វាយរៀង ហ្គីហ្គា រីសស៍ ខេត្តស្វាយរៀង មានទុនវិនិយោគប្រមាណ ៣,២លានដុល្លារអាមេរិក និងអាចបង្កើតការងារបានចំនួន ២៤៣កន្លែង ។ ទី២ គម្រោងបង្កើតរោងចក្រកែច្នៃដែក មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ មានទុនវិនិយោគចំនួន ៦លានដុល្លារអាមេរិក និងអាចបង្កើតការងារបានចំនួន ៨៤កន្លែង និងទី៣ គម្រោងបង្កើតរោងចក្រផលិតអំពូលភ្លើង អំពូលលម្អ និងគ្រឿងបង្គុំអំពូលភ្លើងគ្រប់ប្រភេទ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសតាយសេង បាវិត ខេត្តស្វាយរៀង, មានទុនវិនិយោគប្រមាណ ៧,៤លានដុល្លារអាមេរិក និងអាចបង្កើតការងារបានចំនួន ៣៩៤នាក់ ។
យោងតាមប្រសាសន៍សម្ដេចតេជោ ហ៊ុន សែន នាយករដ្ឋមន្ត្រីកម្ពុជាបានអោយដឹងថា រយៈពេលមួយឆមាសឆ្នា ២០១៩ កម្ពុជាទទួលបានគម្រោងវិនិយោគចំនួន ១៥៣គម្រោង ដែលមានទុនវិនិយោគប្រមាណ៥,២ពាន់លានដុល្លារអាមេរិក បើធៀបនឹងរយៈពេលដូចគ្នាឆ្នាំ ២០១៩ មានកំណើន៤៨គម្រោង និងទុនវិនិយោគកើនឡើង២ពាន់លានដុល្លារអាមេរិក ៕ កែសម្រួលដោយ ៖ សុឃាក់
ចែករំលែកព័តមាននេះ