រាជធានីភ្នំពេញ ៖នៅក្នុងពិភពសិល្បៈតារាសម្តែងមួយចំនួនត្រូវមហាជន ក៏ដូចជាផលិតករយល់ថាសម្ដែងរួមគ្នាសមណាស់ ។ ដូច្នេះហើយទស្សនិកជនចង់ឲ្យពួកគេស្រលាញ់គ្នាក្រៅឆាកទៀតផង ។ តើមានតារាណាខ្លះក្លាយជាគូស្នេហ៍នឹងគ្នា ? តារាសម្តែងលោកលឹម ជាឡាយ…
រាជធានីភ្នំពេញ ៖នៅក្នុងពិភពសិល្បៈតារាសម្តែងមួយចំនួនត្រូវមហាជន ក៏ដូចជាផលិតករយល់ថាសម្ដែងរួមគ្នាសមណាស់ ។ ដូច្នេះហើយទស្សនិកជនចង់ឲ្យពួកគេស្រលាញ់គ្នាក្រៅឆាកទៀតផង ។ តើមានតារាណាខ្លះក្លាយជាគូស្នេហ៍នឹងគ្នា ?
តារាសម្តែងលោកលឹម ជាឡាយ និងគៀត សុវណ្ណាឡាង អ្នកគាំទ្រកំពុងតាមដានយ៉ាងយកចិត្តទុកដាក់ថាតើក្រោយពេលលេចឮថាសាងស្នេហាក្រៅឆាកជាមួយគ្នានោះវិវឌ្ឍទៅដល់ណាហើយ។ សុវណ្ណាឡាង និងលឹមជាឡាយ ជួបគ្នានៅក្នុងខ្សែភាពយន្តក្នុងតំណែងជាតួឯកច្រើនរឿងមកហើយ ដោយប្រភេទរឿងខ្លះមានទាំងការឌឺដងដាក់គ្នាលែបខាយពាក្យសំដី ក៏ដូចជាកាច់កុងគ្នា ។ លើសពីនេះមានឈុតឆាកខ្លះទៀតក៏បញ្ចូលអារម្មណ៍ ផ្អែមល្ហែមតាមសាច់រឿង។
ដៃគូសម្តែង១គូនេះអ្នកគាំទ្រចង់ឲ្យពួកគេស្រលាញ់គ្នាក្រៅឆាក ។ ទោះជាយ៉ាងណាក្ដីពួកគេក៏បានបង្ហាញតម្រុយស្នេហ៍ជាមួយគ្នាដែរ។ជាពិសេសណាឡាង មិនបានច្រានចោលជាឡាយឡើយ ដោយនិយាយថា«ជាបុគ្គលមានសមត្ថភាព ពូកែស៊ូទ្រាំ អត់ធ្មត់ការងារ បើសិនជានារីណាបានគាត់ជាគូអនាគតពិតជាសំណាង ឆ្លងកាត់ការអង្កេតពេលមើលគាត់បំពេញការងារថាជាប្រភេទមនុស្សបែបម៉េចនាងខ្ញុំយល់ច្បាស់»។
ចំណែកប្រុសស្អាតស្រីស្អាតខាត់ វៃហាំង និងសុិន យូប៊ិន វិញក៏ពន្លកស្នេហ៍កើតចេញពីការសម្តែងភាពយន្តរួមគ្នាដែរ ។ ពួកគេកាន់តែផ្អើមល្ហែមនឹងគ្នា ក្រោយពេលដែលគេចំអន់ថាស្រឡាញ់គ្នា ។ ការចំអន់នេះ យូរៗទៅស្រាប់តែបង្កើតចំណងស្នេហ៍ជាមួយគ្នា ។ អ្នកទាំងពីរតែងតែបង្ហោះរូបភាពផ្អែមល្ហែម ស្និទ្ធស្នាលគ្នា ជាបន្តបន្ទាប់ ។ តាំងពីស្រឡាញ់គ្នាមកការងារសម្ដែងរបស់ពួកគេហក់ឡើងជាងមុន ។ ភាគច្រើនផលិតករហៅថតរួមគ្នា ធ្វើឲ្យពួកគេកាន់តែបានឱកាសយល់ចិត្តថ្លើមគ្នាទ្វេឡើង ។
តារាភាពយន្ត១គូនេះមិនទាន់សម្រេចចិត្តចូលរោងការទេ ដោយទុកពេលសន្សំប្រាក់ឲ្យបានច្រើនសិន ។
រវាងតារាចម្រៀងវ័យក្មេងលោកថៃ អតិជាតិបុត្រ បានបង្ហាញភាពផ្អែមល្ហែមខ្លាំងជាមួយ ស្រីស្រស់ ដួងម៉ានិច ជាតារាសម្ដែង ។ ភាពផ្អែមល្ហែមនេះបានធ្វើឲ្យអ្នកគាំទ្រពួកគេសង្ស័យថា«ជាស្នេហាខុសជំនាន់ដែលទើបនឹងដុះពន្លកឡើង»។
ភាពផ្អែមល្ហែមនេះបានលេចចេញឡើងក្រោយពីពួកគេបានបង្ហាញមុខក្នុងដំណើរកម្សាន្តរួមគ្នាមួយនៅមជ្ឈមណ្ឌលកម្សាន្តនាស្រុកកៀនស្វាយ ខេត្តកណ្តាល ។ មុនពេលលេចចេញភាពផ្អែមល្ហែមនេះគេបានឃើញស្រីស្រស់ដួង ម៉ានិច ពោលពាក្យឯកាខ្លាំង ប៉ុន្តែមិនបានប៉ុន្មានថ្ងៃផងស្រាប់តែលេចចេញរូបភាពផ្អែមល្ហែមជាមួយតារាចម្រៀងវ័យក្មេងស្រស់សង្ហាម្ចាស់បទ«គ្រាស្នេហ៍» ថៃ អតិជាតិបុត្រ ៕ (កែសម្រួលដោយ ៖ បុប្ផា)
ចែករំលែកព័តមាននេះ