សហរដ្ឋអាមេរិក ៖ មិនដល់១ខែផងក្រោយការចាកចេញពីសន្ធិសញ្ញាស្ដីពីអាវុធនុយក្លេអ៊ែររយៈមធ្យមហៅសន្ធិសញ្ញាINF ការប្រណាំងប្រជែងគ្រឿងសព្វាវុធបានចាប់ផ្ដើមឡើងវិញរួចហើយ ដោយសហរដ្ឋអាមេរិកប្រកាសនាថ្ងៃទី១៩សីហាថា បានធ្វើប្រកបដោយជោគជ័យការបាញ់សាកល្បងដំបូងរបស់ខ្លួនមីស៊ីលរយៈមធ្យម ចាប់តាំងពីសង្គ្រាមត្រជាក់មក។
ក្នុងសេចក្ដីប្រកាសមួយមន្ទីរប៉ង់តាហ្គោនបញ្ជាក់ថា ការសាកល្បងដោយជោគជ័យនោះត្រូវបានធ្វើកាលពីថ្ងៃទី១៨សីហាចេញពីកោះសាននីកូឡាស់ ក្នុងដែនទឹករដ្ឋកាលីហ្វ័រនីញ៉ានាវេលាម៉ោង១៤និង៣០នាទីម៉ោងក្នុងស្រុក។ មីស៊ីលនោះបានបាញ់ចេញពីជើងទម្រនៅលើដី ហើយទៅធ្លាក់ចំគោលដៅ ក្រោយពីហោះហើរក្នុងចម្ងាយ៥០០គីឡូម៉ែត្រ។ បណ្ដាទិន្នន័យដែលប្រមូលបាន និងបណ្ដាមេរៀននៃការបាញ់សាកល្បងនោះ អាចផ្ដល់ដល់ក្រសួងការពារប្រទេសអាមេរិក បណ្ដាព័ត៌មានចាំបាច់នានាសម្រាប់អភិវឌ្ឍន៍អាវុធរយៈមធ្យមថ្មីៗ។
ក្នុងសេចក្ដីប្រការរបស់ខ្លួនក្រសួងការពារប្រទេសអាមេរិកបញ្ជាក់ថា មីស៊ីលនោះជាប្រភេទមីស៊ីលបណ្ដែតវាយប្រហារពីដីទៅដីធុនTOMAHAWKប្រភេទថ្មី។ ការបាញ់សាកល្បងធ្វើឡើងដោយកងម៉ារីន ដោយរួមសហការជាមួយការិយាល័យសមត្ថភាពយុទ្ធសាស្ត្ររបស់មន្ទីរប៉ង់តាហ្គោន។ បណ្ដារូបភាពចេញផ្សាយដោយកងទ័ពអាមេរិក បង្ហាញមីសីុលនោះបាញ់ចេញពីក្បែរច្រាំងមួយ ចេញពីប្រព័ន្ធបាញ់បង្ហោះMARK41។
សហរដ្ឋអាមេរិកបានដាក់ពង្រាយចាប់តាំងពីយូរមកហើយបណ្ដាមីស៊ីលបណ្ដែតរយៈមធ្យម នៅលើនាវាហើយជាទូទៅបាញ់ចេញពីប្រព័ន្ធMARK41។ អ្វីដែលថ្មីនោះការបាញ់សាកល្បងលើកនេះគឹប្រព័ន្ធបាញ់បង្ហោះធុននេះដាក់តាំងនៅលើដី។ មីស៊ីលដែលបាញ់សាកកាលពីថ្ងៃទី១៨សីហា ជាមីស៊ីលធម្មតាតែរាល់មីស៊ីលក្រោយមកអាចបំពាក់ដោយក្បាលគ្រាប់នុយក្លេអ៊ែរ៕ (កែសម្រួលដោយ ៖ បុប្ផា)
ចែករំលែកព័តមាននេះ