រាជធានីភ្នំពេញ ៖ នៅក្នុងកិ្ចចប្រជុំជាផ្លូវការនៃសន្និសីទលើកទី៧ គណៈកម្មធិការកិច្ចការ បរទេសនៃរដ្ឋសភាប្រទេសទាំងបីកម្ពុជា-ឡាវ-វៀតណាម ស្តីពីតួនាទីរបស់រដ្ឋសភាក្នុងការជម្រុញ និងអនុវត្តន៍កិច្ចព្រមព្រៀងសហប្រតិបត្តិការរវាងប្រទេសទាំង៣ កម្ពុជា-ឡាវ-វៀតណាម ក្នុងតំបន់អភិវឌ្ឍន៍ត្រីកោណកម្ពុជាបានស្នើដល់ភាគីឡាវធ្វើការទប់ស្កាត់កុំឲ្យមានការនាំគ្រឿងញៀនឆ្លងកាត់ប្រទេសកម្ពុជា ។…
រាជធានីភ្នំពេញ ៖ នៅក្នុងកិ្ចចប្រជុំជាផ្លូវការនៃសន្និសីទលើកទី៧ គណៈកម្មធិការកិច្ចការ បរទេសនៃរដ្ឋសភាប្រទេសទាំងបីកម្ពុជា-ឡាវ-វៀតណាម ស្តីពីតួនាទីរបស់រដ្ឋសភាក្នុងការជម្រុញ និងអនុវត្តន៍កិច្ចព្រមព្រៀងសហប្រតិបត្តិការរវាងប្រទេសទាំង៣ កម្ពុជា-ឡាវ-វៀតណាម ក្នុងតំបន់អភិវឌ្ឍន៍ត្រីកោណកម្ពុជាបានស្នើដល់ភាគីឡាវធ្វើការទប់ស្កាត់កុំឲ្យមានការនាំគ្រឿងញៀនឆ្លងកាត់ប្រទេសកម្ពុជា ។
នេះ បើតាមលោកឈាង វុន ប្រធានគណៈកម្មការកិច្ចការបរទេសសហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា ។ តាមការឲ្យដឹងក្នុងកិច្ចសម្ភាសន៍ជាមួយអ្នកសារព័ត៌មាន កាលពីល្ងាចថ្ងៃទី១៩ សីហា នៅអាកាសយានដ្ឋានអន្តរជាតិភ្នំពេញលោកឈាង វុនបានអះអាងថា ក្នុងកិច្ចប្រជុំភាគីកម្ពុជាក៏បានស្នើឲ្យភាគីឡាវធ្វើការទប់ស្កាត់កុំមានការឆ្លងកាត់គ្រឿងញឿនចូលកម្ពុជាផងដែរ ។
លោកបញ្ជាក់ថា ៖«យើងបានជម្រាបគាត់ច្បាស់ថា គ្រឿងញៀនបានឆ្លងកាត់ពីឡាវមកខេត្តស្ទឹងត្រែង ហើយយើងចាប់បានជាញឹកញាប់នឹងមានចំនួនច្រើន ។ អីញ្ចឹងស្នើភាគីឡាវទប់ស្កាត់ខាងគាត់កុំឲ្យឆ្លងមកខាងយើង ។ ព្រោះនេះជារឿងធំណាស់ ដែលយើងកំពុងតែបង្ក្រាប ដើម្បីធ្វើយ៉ាងណាឲ្យប្រជាពលរដ្ឋមានសុភាពល្អ ។ ការប្រើប្រាស់គ្រឿងញៀនបានដាច់ ទាំងសុខភាព និងថវិការថែមទៀត» ។ លោកថា ការស្នើសុំ ស្នើទៅសភាឡាវ គឺធ្វើយ៉ាងណាទប់ស្កាត់ និងជំរុញឲ្យរាជរដ្ឋាភិបាល ព្រមទាំងអាជ្ញាធរឡាវធ្វើការទប់ស្កាត់កុំឲ្យគ្រឿងញៀនចូល ។
លោកឈាង វុន ក៏បានឲ្យដឹងថា ក្នុងកិច្ចប្រជុំនោះដែរភាគីឡាវក៏បានលើកឡើងពីបញ្ហាព្រំដែនផងដែរ ។ ព្រោះថា បញ្ហាព្រំដែនកម្ពុជាឡាវកំពុងមានភាស្មុគស្មាញដោយភាគីឡាវស្នើសុំឲ្យមានការដោះស្រាយដោយសន្តិវិធី និងអហិង្សាដោយកុំប្រើទ័ព ។ លោកជាការឆ្លើយតបវិញលោកឈាង វុន បញ្ជាក់ថា ៖«ខ្ញុំឆ្លើយតបទៅវិញ ហើយឲ្យគាត់យកគិតថា និងជជែកជាមួយរាជរដ្ឋាភិបាលរបស់គាត់ថា ថ្នាក់ដឹកនាំនៃរដ្ឋាភិបាលទាំងពីរ ជាពិសេសនោះ សម្តេចតេជោ បានបញ្ជាក់ថា តំបន់ដែលមិនទាន់ដោះស្រាយបាន (តំបន់ដែលប្រទាញប្រទង់គ្នា) សុំកុំឲ្យមានសកម្មភាពអ្វី គឺត្រូវរង់ចាំការដោះស្រាយសិន ។ ប៉ុន្តែភាគីឡាវបានចលតទ័ព អីចឹងជាកំហុសភាគីឡាវ» ។ លោកក៏បានលើកឡើងថា ភាគីកម្ពុជាចង់បានការដោះស្រាយដោយសន្តិវិធីណាស់ ប៉ុន្តែចំពោះការចល័តទ័ពនេះភាគីកម្ពុជាយើងក៏មិនត្រូវបណ្តោយឲ្យឡាវ គម្រាមដោយមិនគោរពតាមកិច្ចព្រមព្រៀងជាមួយគ្នានោះទេ ។
លោក ឈាង វុន ក៏បានសង្កត់ធ្ងន់ទៅកាន់ភាគីវៀតណាម និងឡាវថា រឿងទឹកដីក៏ដូចជា រឿងសញ្ជាតិដែរវា គឺជាចំណុចរស៊ើប និងក្តៅខ្លាំងណាស់ បើភាគីណាមួយហ៊ានលះប ង់នោះសត្រូវនយោបាយ និងចោទប្រកាន់ថា ក្បត់ជាតិ ។ ដូច្នេះជំហររបស់សម្តេចតេជោ ហ៊ុន សែន គឺការពារដាច់ខាតមិនឲ្យបាត់បង់ទឹកដីទទេនោះទេ ។ ចំណែកសញ្ជាតិវិញក៏មិនឲ្យគេបំពាន់យកសញ្ជាតិយើងនោះទេ ។ បើតាមលោកឈាង វុន បានឲ្យដឹងថា កិច្ចប្រជុំ CLV ក៏មានភាពតានតឹងគ្នាផងដែរចំពោះ ភាគីដែលចូលប្រជុំ ៕ កែសម្រួលដោយ ៖ សុឃាក់
ចែករំលែកព័តមាននេះ