ខេត្តឧត្តរមានជ័យ ៖ អ្នកខ្លះបានអះអាងថា បុរសម្នាក់នេះកើតមានជម្ងឺសរសៃប្រាសាទ អ្នកខ្លះទៀតថាបុរសរូបនេះផឹកស្រាស្រវឹងហើយរវើយរវាយស្រែកតែផ្តេសផ្តាសរត់បាត់ពីផ្ទះបន្ទាប់មកស្រាប់តែប្រទះឃើញចង.កធ្វើអត្តឃាតខ្លួនដោយយកខ្សែអង្រឹងចង.កជាប់នឹងដើមឈើ ការប្រទះឃើញនេះនៅវេលាម៉ោង៧ព្រឹកថ្ងៃទី១៨ ខែសីហា ឆ្នាំ២០១៩ ស្ថិតនៅចម្ងាយពីផ្លូវជាតិលេខ៦៧B ៣០០ម៉ែត្រក្នុងភូមិស្លែងព័រ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ។ ជនរងគ្រោះឈ្មោះ ឡោត សុគា ភេទប្រុស អាយុ២១ឆ្នាំ មុខរបរកម្មករ រស់នៅភូមិកើតហេតុខាងលើ ។
ក្រុមគ្រួសារជនរងគ្រោះបានឱ្យដឹងថា មុនពេលកើតហេតុនៅវេលាម៉ោង៥ល្ងាចថ្ងៃទី១៧ សីហា ជនរងគ្រោះបានផឹកស៊ីជាមួយបងប្អូន និងអ្នកជិតខាង ខណៈនោះពេលស្រវឹងបានស្រែកថា ប៉ូលិសមកហើយនាំគ្នារត់ ជនរងគ្រោះរត់បណ្តើរស្រែកបណ្តើរ ពេលនោះបងប្អូនក៏នាំគ្នារត់ទៅចាប់ដែរតែចាប់មិនបានក៏រត់បាត់ទៅទោះជាដើរុករកក៏រកមិនឃើញ តែអ្នកខ្លះមនុស្សនេះកើតជម្ងឺសរសៃប្រាសាទ តែទោះជាមានការអះអាងបែបណារបុរសរូបនេះត្រូវបានគេប្រទះឃើញចង.កដោយយកខ្សែអង្រឹងចងជាប់នឹងដើមឈើស្លាប់បាត់បង់ជីវិតបាត់ទៅហើយបានបង្កការភ្ញាក់ផ្អើលទាំងព្រឹក ។
ទាក់ទិននឹងព័ត៌មានបុរសដែលធ្វើអត្តឃាតខ្លួននេះប៉េអឹមស្រុកអន្លង់វែងបានឱ្យដឹងថា ក្រោយពីបានទទួលនូវព័ត៌មានលើករណីអត្តឃាតខ្លួននោះកម្លាំងបេអឹមស្រុកបានចុះទៅកន្លែងកើតហេតុរួមមានប៉ូលិស គ្រូពេទ្យ និងក្រុមអាជ្ញាធរចូលរួមពិនិត្យផងដែរដើម្បីធ្វើការសនិ្នដ្ឋានឃើញថា ជនរងគ្រោះពិតជាបានធ្វើអត្តឃាតខ្លួនឯងដោយពិតប្រាកដមែន ។ យោងតាមការពិនិត្យ និងយោងទៅលើការសាកសួរពីសាក្សី សាកសពជនរងគ្រោះត្រូវបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ៕
កែសម្រួលដោយ ៖ សំណាង
ចែករំលែកព័តមាននេះ