ប្រទេសកុងហ្គោ ៖ បើតាមអ្នកវិភាគបាននិយាយថា សង្គ្រាមពាណិជ្ជកម្មរវាងសហរដ្ឋអាមេរិក និងចិន គឺជាផ្នែកមួយដែលធ្វើឱ្យមានការផ្លាស់ប្តូរទៅលើក្រុមហ៊ុនរ៉ែយក្សរបស់អង់គ្លេស និងស្វីស Glencore បង្ខំចិត្តបិទអណ្តូងរ៉ែនៅសាធារណរដ្ឋប្រជាធិបតេយ្យកុងហ្គោ និងកន្លែងរុករករ៉ែទង់ដែងនៅក្នុងប្រទេសហ្សំបៀ ដែលធ្វើឱ្យមានការបាត់បង់ការងារប្រហែល ៤៤០០ កន្លែង។
ក្រុមហ៊ុន Glencore គឺជាអ្នកធ្វើពាណិជ្ជកម្មទំនិញកំពុងដាក់អណ្តូងរ៉ែម៉ាន់ដាដារបស់ខ្លួននៅក្នុងប្រទេសកុងហ្គោ ដែលជាអ្នកផលិតលោហៈធាតុកូបាល់ធំជាងគេបំផុតនៅលើពិភពលោក និងជាប្រទេសក្រីក្របំផុតមួយនៅលើពិភពលោក ដោយសារតែការធ្លាក់ចុះនៃតម្លៃលោហៈកូបាល់។
អណ្តូងរ៉ែដែលផលិតលោហៈប្រហែល ១ ភាគ ៥ នៃលោហៈត្រូវបានប្រើដើម្បីផលិតអាគុយសម្រាប់ទូរស័ព្ទចល័តនិងឡានអគ្គិសនី បានផ្តល់ការងារដល់មនុស្សប្រមាណ ៣០០០ នាក់។ ប្រទេសនេះបានបង់ពន្ធចំនួន ៦០០ លានដុល្លារអាមេរិក កាលពីឆ្នាំមុន ឬមួយភាគដប់ នៃថវិការបស់រដ្ឋាភិបាលកុងហ្គោ។
អង្គភាពជីករ៉ែនៅហ្សំបៀរបស់ក្រុមហ៊ុន Glencore ក៏កំពុងបិទកន្លែងរុករករ៉ែទង់ដែងចំនួន ២ កន្លែងនៅរោងចក្រ Nkana របស់ខ្លួន ដែលប្រហែលជាធ្វើឲ្យ មនុស្ស ១៤០០ នាក់បាត់បង់ការងារធ្វើ។ ស្ពាន់មានចំនួនច្រើនជាងពីរភាគបី នៃប្រាក់ចំណូលនាំចេញរបស់ប្រទេស និងមួយភាគបីនៃប្រាក់ចំណូលពន្ធ។
សេដ្ឋកិច្ចរបស់អាហ្វ្រិកផ្សេងទៀត ក៏កំពុងធ្លាក់ចុះផងដែរ ពីការធ្លាក់ចុះនៃឧស្សាហកម្មដែលប្រើប្រាស់ទំនិញដែលពួកគេលក់។ សង្គ្រាមពាណិជ្ជកម្មរយៈពេល ១៣ ខែ គឺមួយផ្នែកទទួលខុសត្រូវចំពោះការចុះខ្សោយតម្រូវការសម្រាប់ទំនិញដែលរោងចក្រជីករ៉ែបានផលិត។
ប្រធានាធិបតីអាមេរិកដូណាល់ត្រាំប្រមូលពន្ធ ២៥% លើផលិតផលចិន ២៥០ពាន់លានដុល្លារ និងក្រុងប៉េកាំងបានយកពន្ធសងសឹកលើទំនិញអាមេរិក ១១០ពាន់លានដុល្លារវិញ ដែលធ្វើឱ្យមានផលប៉ះពាល់ដល់តម្លៃទំនិញខ្លះ ជាពិសេសទៅលើទង់ដែងនិងកូបាល់។
គួរបញ្ជាក់ផងដែរថា តម្លៃនៃកូបាល់ ដែលជាវត្ថុធាតុដើមចាំបាច់នៅក្នុងអាគុយ បានធ្លាក់ចុះពីជាង ៩០០០០ដុល្លារអាមេរិក ក្នុងមួយតោន កាលពីដើមឆ្នាំមុន មកត្រឹមតែប្រហែល ២៨០០០ដុល្លារអាមេរិក ក្នុងមួយតោន៕ (កែសម្រួលដោយ ៖ បុប្ផា)
ចែករំលែកព័តមាននេះ