រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា យុវតីម្នាក់រួមជាមួយឪពុកជិះម៉ូតូមួយគ្រឿងធ្វើដំណើរពីស្រុកមុខកំពូលទៅក្រុងតាខ្មៅដើម្បីមើលឈ្មោះត្រៀមប្រឡងបាក់ឌុប ត្រូវរថយន្តដឹកឥដ្ឋមួយគ្រឿងបុក បណ្តាលឱ្យស្លាប់យុវតីជាកូននៅចំណុចស្តុបមួយកន្លែង ។ គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១២ថ្ងៃត្រង់ថ្ងៃទី១៨ សីហា នៅចំណុចស្តុបផ្លូវជាតិលេខ៦…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា យុវតីម្នាក់រួមជាមួយឪពុកជិះម៉ូតូមួយគ្រឿងធ្វើដំណើរពីស្រុកមុខកំពូលទៅក្រុងតាខ្មៅដើម្បីមើលឈ្មោះត្រៀមប្រឡងបាក់ឌុប ត្រូវរថយន្តដឹកឥដ្ឋមួយគ្រឿងបុក បណ្តាលឱ្យស្លាប់យុវតីជាកូននៅចំណុចស្តុបមួយកន្លែង ។
គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១២ថ្ងៃត្រង់ថ្ងៃទី១៨ សីហា នៅចំណុចស្តុបផ្លូវជាតិលេខ៦ កែងមហាវិថីឈ្នះឈ្នះ នៅក្នុងសង្កាត់បាក់ខែង ខណ្ឌជ្រោយចង្វា រាជធានីភ្នំពេញ ។
ជនរងគ្រោះដែលស្លាប់ឈ្មោះអ៊ុយ លីលី ភេទស្រី អាយុ១៨ឆ្នាំ ជាសិស្សនៅវិទ្យាល័យសិរីមង្គលរកាកោង មានទីលំនៅភូមិរកាកោង ឃុំរកាកោង១ ស្រុកមុខកំពូល ខេត្តកណ្តាល ។ រីឯឪពុករបស់ជនរងគ្រោះមិនស្គាល់អត្តសញ្ញាណនោះទេ ។ ទាំងពីរនាក់ឪពុកនិងកូនជិះម៉ូតូមួយគ្រឿងម៉ាកហុងដា ធុនសេ១២៥ ពាក់ស្លាកលេខ ភ្នំពេញ ១AQ-៧០៧០ ។
ចំណែករថយន្តដឹកឥដ្ឋមួយគ្រឿងម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ ៣D-២៧៧៥ បើកបរដោយអ្នកបើកបរឈ្មោះអេង ទិត្យ ភេទប្រុស អាយុ២២ឆ្នាំ មានលំនៅភូមិព្រៃស្បូវ ឃុំនរាយ ស្រុកឈូក ខេត្តកំពត ត្រូវបានសមត្ថកិច្ចឃាត់ខ្លួន ។
តាមសេចក្តីរាយការណ៍បានបន្តថា មុនពេលកើតហេតុ យុវតីរងគ្រោះនិងឪពុកជិះម៉ូតូមួយគ្រឿងធ្វើដំណើរពីស្រុកមុខកំពូល គោលបំណងទៅក្រុងតាខ្មៅ ដើម្បីមើលឈ្មោះត្រៀមប្រឡងបាក់ឌុបនៅថ្ងៃទី១៩ សីហា ។ លុះធ្វើដំណើរមកដល់ចំណុចស្តុបខាងលើ ក៏បានឈប់ស្តុបដែលមានយានយន្តជាច្រើនទៀតកំពុងឈប់ស្តុបផងដែរ ពេលនោះស្រាប់តែមានរថយន្តដឹកឥដ្ឋមួយគ្រឿងបើកបុកពីក្រោយ បណ្តាលឱ្យកិនយុវតីរងគ្រោះស្លាប់នៅនឹងកន្លែងកើតហេតុតែម្តង ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ