ខេត្តប៉ៃលិន ៖ មានករណីធ្វើអត្តឃាតដោយឯងមួយតែមិនបានសម្រេចដែលបានកើតឡើងដោយបុរសម្នាក់បានយកកាំភ្លើងច្នៃបាញ់ខ្លួនឯង ។ ហេតុការណ៍នេះបានកើតឡើងកាលពីវេលាម៉ោង៣និង៣០នាទីរសៀលថ្ងៃទី១៤ ខែសីហា ឆ្នាំ២០១៩ នៅចំណុចក្បាលចំការរបស់ឈ្មោះ ប្រាក់ គា ស្ថិតក្នុងភូមិកូនខ្លុង សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។
តាមប្រភពព័ត៌មានបានឱ្យដឹងថា បុរសម្នាក់បានឈ្លោះប្រកែកគ្នាជាមួយប្រពន្ធជារៀងរាល់ថ្ងៃ លុះថ្ងៃកើតហេតុស្រាប់តែទាញយកកាំភ្លើងឆ្នុកបាញ់ខ្លួនឯង បណ្តាលអោយចំក្បាលពោះត្រង់ចំណុចរន្ធផ្ចិតធ្លាយទៅផ្នែកខាងក្រោយខ្នងបន្ទាប់ពីមានការឈ្លោះប្រកែកគ្នាក្នុងគ្រួសារ ។
ប្រភពបន្តទៀតថា ជនរងគ្រោះមាន ឈ្មោះ ចក់ តឿ ហៅផាត ភេទប្រុស អាយុ៣៨ឆ្នាំ មុខរបរកសិករ មានទីលំនៅបច្ចុប្បន្នភូមិ-សង្កាត់ខាងលើ ។
ករណីខាងលើនេះគឺកម្លាំងជំនាញផ្នែកព្រហ្មទណ្ឌកោសល្យវិច្ច័យ ប៉ុស្តិ៍នគរបាលរដ្ឋបាលសង្កាត់អូរតាវ៉ៅ សហការជាមួយកម្លាំងការិយាល័យជំនាញនៃស្នងការដ្ឋាននគរបាលខេត្តប៉ៃលិន ចុះទៅពិនិត្យមើលកន្លែងកើតហេតុ ចំណែកជនរងគ្រោះគឺត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យខេត្តបាត់ដំបង ៕
កែសម្រួលដោយ ៖ សំណាង
ចែករំលែកព័តមាននេះ