ខេត្តឧត្តរមានជ័យ ៖ សេចក្តីរាយការណ៍បានបន្តឱ្យដឹងថា តាមចម្លើយសារភាពសង្ឃមួយអង្គ ព្រះនាម ឆាយ ឡុង ព្រះជន្ម២៧វស្សា បានប្រាប់សមត្ថកិច្ចថា ខ្លួនពិតជាបានវាយសម្លាប់ជនរងគ្រោះឈ្មោះដាត់…
ខេត្តឧត្តរមានជ័យ ៖ សេចក្តីរាយការណ៍បានបន្តឱ្យដឹងថា តាមចម្លើយសារភាពសង្ឃមួយអង្គ ព្រះនាម ឆាយ ឡុង ព្រះជន្ម២៧វស្សា បានប្រាប់សមត្ថកិច្ចថា ខ្លួនពិតជាបានវាយសម្លាប់ជនរងគ្រោះឈ្មោះដាត់ ហាត់ ជាអ្នករត់ម៉ូតូឌុបស្លាប់ពិតប្រាកដមែន ដោយបានវាយត្រង់កញ្ចឹង.កជាច្រើនញញួរ ហើយប្រព្រឹត្ត
តែអង្គឯងទេ ។ ចំពោះមូលហេតុដោយសារខឹងជនរងគ្រោះទារលុយជំពាក់ជាង៣០លានរៀល និងដឹងថា ខ្លួនមានស្រីស្នេហ៍ផងនោះ ទើបសម្លាប់បំបិទមាត់តែម្តង ។
ចម្លើយបានបន្តថា ពេលវាយសម្លាប់ជនរងគ្រោះរួចហើយ ខ្លួនបានដោះខោ(ជនរងគ្រោះ)មកស្លៀក ហើយដោះស្បង់ចេញ និងពាក់មួកសុវត្ថិភាពរបស់ជនរងគ្រោះជិះម៉ូតូមកទិញការ៉ុងចំនួន៣យកទៅច្រកសាកសព និងបានដឹកយកចោលក្នុងព្រៃចម្ងាយ៦គីឡូម៉ែត្រ ពីកន្លែងវាយសម្លាប់រួច ទើបជិះម៉ូតូមកស្ពានផ្តួលម៉ូតូចោល និងដោះខោអាវចេញរួចស្លៀកស្បង់ចីវរវិញ រួចខលហៅប្អូនប្រុសឲ្យមកឌុបទៅវត្តដីថ្មី ក្នុងវេលាម៉ោង៨យប់ថ្ងៃទី១៣ សីហា នោះ ។
ក្រោយទទួលបានចម្លើយសារភាពទាំងអស់មក សមត្ថកិច្ចបាននាំសង្ឃអង្គនេះទៅកន្លែងកើតហេតុ ស្រាប់តែឃើញសាកសពជនរងគ្រោះមែន ដូចដែលតាមចម្លើយសារភាពជាក់ស្តែង ។ សមត្ថកិច្ចនគរបាលជំនាញបានស្នើសុំមន្ទីរធម្មការនិមន្តព្រះសង្ឃអនុគុណ ដើម្បីធ្វើពិធីផ្សឹកតាមបែបព្រះពុទ្ធសាសនាទាំងយប់ រួចធ្វើការឃាត់ខ្លួនជនសង្ស័យ ។
សូមរំលឹកថា បុរសម្នាក់បានបាត់ខ្លួនពីផ្ទះអស់រយៈពេល៣ថ្ងៃមកហើយ ដោយប្រពន្ធ និងកូនៗ រួមទាំងសាច់ញាតិខំដើររក តែមិនឃើញនោះទេ ស្រាប់តែត្រូវប្រជាពលរដ្ឋប្រទះឃើញតែម៉ូតូជនរងគ្រោះ ដោយមានជាប់ទាំងអាវប្រឡាក់ឈាមទៀត បង្ករឱ្យការភ្ញាក់ផ្អើល កាលពីព្រឹកថ្ងៃទី១៥ សីហា នៅចំណុចក្បែរគល់ស្ពានអូរជីក តាមបណ្តោយផ្លូវជាតិលេខ៦៧B ស្ថិតក្នុងភូមិអូរជញ្ជៀន ឃុំអន្លង់វែង ស្រុកអន្លង់វែង ។
សេចក្តីរាយការណ៍បន្តថា ជនរងគ្រោះដែលបាត់ពីផ្ទះខាងលើឈ្មោះ ផាត់ ហាត់ ភេទប្រុស អាយុ៦៨ឆ្នាំ ជិះម៉ូតូម៉ាក C125 ស៊េរី២០១៥ ពាក់ស្លាកលេខ ឧត្តរមានជ័យ 1B. 28950 រស់នៅភូមិ-ឃុំកើតហេតុខាងលើ ។ នៅរសៀលថ្ងៃទី១៦ សីហា កម្លាំងគរបាលខេត្តឧត្តរមានជ័យ បានធ្វើការឃាត់ខ្លួនព្រះចៅអធិការមួយអង្គគង់នៅវត្តដីធ្លី ស្រុកអន្លង់វែង ពាក់ព័ន្ធថាបានសម្លាប់អ្នករត់ម៉ូតូឌុប ។
ទាក់ទិន និងការឃាត់ខ្លួនព្រះចៅអធិការវត្តអង្គនោះ ត្រូវបានសមត្តកិច្ចបង្ហើបឲ្យដឹងថា កាលពីថ្ងៃទី១៣ សីហា ឆ្នាំ២០១៩ មានករណីឃាតកម្មមួយសម្លាប់អ្នករត់ម៉ូតូឌុបចោលសាកសពនៅគុម្ពោធព្រៃ ជិតស្ពានអន្លង់វែង ស្រុកអន្លង់វែង ខេត្តឧត្តរមានជ័យ ។ លុះថ្ងៃទី១៤ សីហា សមត្តកិច្ចទទួលបានពាក្យបណ្តឹងពីប្រជាពលរដ្ឋ ដែលជាក្រុមគ្រួសារជនរងគ្រោះ ដែលបានបាត់ប្តីរបស់គាត់ពេលចេញទៅរត់ម៉ូតូឌុប ហើយមិនឃើញត្រឡប់មកផ្ទះវិញ ។
សមត្ថកិច្ចបន្តថា ក្រោយកើតមានអំពើឃាតកម្មនោះ លោកឧត្តមសេនីយ៍ត្រី ឡឹក សុខា ស្នងការរង ខេត្តឧត្តរមានជ័យ ដោយបានការណែនាំពីលោកឧត្តសេនីយ៍ទោ ម៉ែន លី ស្នងការ នគរបាលខេត្តឲ្យបើកការស៊ើបអង្កេតលើករណីនេះ រហូតដល់រសៀលថ្ងៃទី១៦ សីហា សមត្ថកិច្ចបានស្រាវជ្រាវ និងឈានដល់ការកំណត់មុខសញ្ញាលើករណីឃាតកម្មនោះ ដែលជនសង្ស័យជាឃាតករប្រព្រឹត្តបទល្មើសឃាតកម្ម គឺព្រះសង្ឃជាចៅអធិការវត្តដីធ្លី ព្រះនាម ឆាយ ឡុង ព្រះជន្មាយុ២៧ព្រះវស្សា ទើបសមត្ថកិច្ចបានទៅឃាត់ខ្លួនព្រះចៅអធិការវត្តនោះ ។ (សម្រួលដោយ៖ ស្រីណា)
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ