សហរដ្ឋអាមេរិក ៖ យោងតាមសារព័ត៌មានអាមេរិកជាច្រើនថា ប៉ូលិសច្រើននាក់រងរបួសកាលពីថ្ងៃទី១៤សីហា ដោយសារការបាញ់ប្រហារក្នុងសង្កាត់NICETOWN TIOGAហ្វ៊ីឡាដែលហ្វីយ៉ាសហរដ្ឋអាមេរិក។
អ្នកនាំពាក្យម្នាក់របស់ប៉ូលិសមូលដ្ឋានលោកERIC GRIPPលើកឡើងថា ការបាញ់ប្រហារនោះបណ្ដាលឲ្យប៉ូលិស៦នាក់រងរបួស តែលោកមិនបញ្ជាក់ឡើយថា តើការបាញ់ប្រហារនេះធ្វើឡើងដោយខ្មាន់កាំភ្លើងម្នាក់ឬច្រើននាក់ឡើយ។ លោកបន្តថាសម្រាប់ពេលនេះគេមិនទាន់ដឹងថា តើការបាញ់ប្រហារកើតមានតាមរបៀបណានៅឡើយ។ ប៉ូលិសដំបូងបានទទួលសេចក្ដីរាយការណ៍ពីរឿងមួយទាក់ទិននឹងគ្រឿងញៀន។
កាសែតTHE PHILADELPHIA INQUIRERនិយាយថា មានខ្មាន់កាំភ្លើងម្នាក់ស្ថិតនៅលើដំបូលផ្ទះមួយ។ គេធ្វើសកម្មភាពវាយប្រហារដូចក្នុងសង្គ្រាមដូច្នោះដែរ។ ចំណែកបណ្ដារូបភាពតាមទូរទស្សន៍បង្ហាញពីការដាក់ពង្រាយកងកម្លាំងប៉ូលិស ក្នុងតំបន់ដែលជម្លៀសមនុស្សចេញ ជាមួយរថយន្តប្រមាណជា៥០គ្រឿង៕ (កែសម្រួលដោយ ៖ បុប្ផា)
ចែករំលែកព័តមាននេះ