មនុស្សមាននិយមន័យនៃភាពជោគជ័យខុសៗគ្នា ។ មនុស្សមួយចំនួនគិតថា វាទាក់ទងនឹងចំនួនលុយដែលអ្នកមាន ខណៈដែលមនុស្សមួយចំនួនទៀតគិតថា វាទាក់ទងនឹងសេរីភាពដែលពួកគេមានជាដើម ។ តែអ្វីដែសំខាន់ គឺតើអ្នកមានសមត្ថភាពក្នុងការសម្រេចបានអ្វីដែលអ្នកចង់បាន ឬទេ?…
មនុស្សមាននិយមន័យនៃភាពជោគជ័យខុសៗគ្នា ។ មនុស្សមួយចំនួនគិតថា វាទាក់ទងនឹងចំនួនលុយដែលអ្នកមាន ខណៈដែលមនុស្សមួយចំនួនទៀតគិតថា វាទាក់ទងនឹងសេរីភាពដែលពួកគេមានជាដើម ។ តែអ្វីដែសំខាន់ គឺតើអ្នកមានសមត្ថភាពក្នុងការសម្រេចបានអ្វីដែលអ្នកចង់បាន ឬទេ? មិនថា វាជាការឡើងតំណែង ឬការមានទ្រព្យសម្បត្តិស្តុកស្តម្ភឡើយ ។
ប៉ុន្តែដោយសារតែភាពជោគជ័យពិបាកនឹងមើលឃើញនឹងភ្នែកទទេ មានមនុស្សតិចណាស់ ដែលយកពេលវេលា ដើម្បីបង្កើតផែនការច្បាស់លាស់មួយ ដែលអាចជួយឲ្យពួកគេទទួលបានភាពជោគជ័យ ។ ប្រសិនបើអ្នកមិនចង់ស្ថិតក្នុងក្រុមមនុស្សនេះទេ ខាងក្រោមនេះ គឺជាអ្វីដែលអ្នកដែលមានអាយុខ្ទង់២០ គួរតែធ្វើ ដើម្បីក្លាយទៅជាមនុស្សជោគជ័យ ៖
១. មើលថែសុខភាពផ្លូវចិត្តរបស់អ្នក ៖ ជីវិតរបស់អ្នកនឹងកាន់តែរវល់ទៅៗ ដូច្នេះអ្នកមិនត្រូវគិតថា អ្នកនឹងចាប់ផ្តើមមើលថែសុខភាពផ្លូវចិត្តរបស់អ្នក បន្ទាប់ពីអ្នកបានជោគជ័យ ឬនៅពេលអនាគតទេ ។ សុខភាពផ្លូវចិត្ត គឺជាផ្នែកមួយដ៏សំខាន់នៃជីវិត ហើយប្រសិនបើអ្នកមិនមើលថែវាឲ្យបានដិតដល់ទេវានឹងបង្កការប៉ះពាល់ដល់ការងារ និងអាជីវកម្មរបស់អ្នកដែរ ។
អ្នកគួរតែទុកពេលប្រមាណពី៥ ទៅ១០នាទីជារៀងរាល់ថ្ងៃ ដើម្បីមើលថែសុខភាពរបស់ខ្លួន និងធ្វើឲ្យវាក្លាយទៅជាទម្លាប់ប្រចាំថ្ងៃរបស់អ្នកផងដែរ ។
២. ចំណាយពេលជាមួយមនុស្សដែលមានអាយុច្រើនជាងអ្នក ៖ អ្នកមិនរៀនសូត្រពីមនុស្សដែលស្ថិតក្នុងស្ថានការស្រដៀងគ្នានឹងអ្នកទេ ។ អ្នកគួរតែរៀននៅជិតមនុស្សដែលមានបទពិសោធន៍ច្រើនជាងអ្នក អ្នកដែលធ្លាប់ឆ្លងកាត់ស្ថានការរបស់អ្នក និងអ្នកដែលស្ថិតក្នុងដំណាក់កាលមួយទៀតនៃជីវិត ។ ប្រសិនបើអ្នកមានអាយុខ្ទង់២០ឆ្នាំ អ្នកគួរតែចំណាយពេលច្រើនជាងមុនជាមួយអ្នកដែលមានអាយុខ្ទង់៣០ទៅ៤០ឆ្នាំ និង៥០ឆ្នាំជាដើម ។ ពួកគេជាមនុស្សដែលមានចម្លើយច្រើន មិនមែនមិត្តភក្តិអ្នកដែលមានអាយុ២៥ឆ្នាំទេ ។
៣. បោះបង់មិត្តភក្តិដែលមិនដើរទៅមុខ ៖ មនុស្សដែលនៅជុំវិញអ្នកឆ្លុះបញ្ចាំងពីអ្នក ។ នៅដំណាក់កាលណាមួយ អ្នកត្រូវតែដឹងពីទិសដៅជីវិតរបស់មនុស្សជុំវិញខ្លួនអ្នក និងពេលវេលាដែលអ្នកចង់ចំណាយលើមនុស្សទាំងនោះ ។ នេះមិនមានមានន័យថា អ្នកត្រូវតែកាត់ផ្តាច់ទំនាក់ទំនងជាមួយពួកគេទាំងស្រុងទេ តែវាមានន័យថា អ្នកមិនចាំបាច់ត្រូវវិនិយោគពេល និងកម្លាំងលើទំនាក់ទំនងទាំងនោះដែរ ជាពិសេសនៅពេលដែលវាអាចបង្កការប៉ះពាល់ដល់ជីវិតរបស់អ្នក ៕ កែសម្រួលដោយ ៖ សុឃាក់
ចែករំលែកព័តមាននេះ