ខេត្តសៀមរាប ៖ សេចក្តីរាយការណ៍បន្តឱ្យដឹងលើរថយន្តបញ្ចូលហ្គាសដាក់ស៊ីទែន ដើម្បីទុកលក់ចែកចាយ ហើយខុសបច្ចេកទេសផ្ទុះលាន់ដូចគ្រាប់ផ្លោងចេញអណ្តាតភ្លើងឆេះឡើងសន្ធោសន្ធៅនេះ បើតាមប្រភពពីសមត្ថកិច្ចបញ្ជាក់ថា «មូលហេតុនៃការផ្ទុះឆេះគឺបណ្តាលមកពីតៃកុងឡានដឹកហ្គាសបញ្ចូលខុសបច្ចេកទេស ហើយវាលេចហ្គាសតាមស៊ីយ៉ូធំ ។ ខណៈពេលនោះ…
ខេត្តសៀមរាប ៖ សេចក្តីរាយការណ៍បន្តឱ្យដឹងលើរថយន្តបញ្ចូលហ្គាសដាក់ស៊ីទែន ដើម្បីទុកលក់ចែកចាយ ហើយខុសបច្ចេកទេសផ្ទុះលាន់ដូចគ្រាប់ផ្លោងចេញអណ្តាតភ្លើងឆេះឡើងសន្ធោសន្ធៅនេះ បើតាមប្រភពពីសមត្ថកិច្ចបញ្ជាក់ថា «មូលហេតុនៃការផ្ទុះឆេះគឺបណ្តាលមកពីតៃកុងឡានដឹកហ្គាសបញ្ចូលខុសបច្ចេកទេស ហើយវាលេចហ្គាសតាមស៊ីយ៉ូធំ ។ ខណៈពេលនោះ ក៏ត្រូវបានតៃកុងឡានយកកៅស៊ូទៅរឹត ប៉ុន្តែរឹតវាហើយនៅតែមិនជិតហើយធ្លាយចេញក្រៅកាន់តែខ្លាំង ពេលនោះទើបអ្នកបើកឡានដឹកហ្គាសរត់ទៅបញ្ឆេះឡានចេញ វិញ ស្រាប់តែវាផ្ទុះឡើងលាន់ដូចគ្រាប់ផ្លោងបែបនេះតែម្តង និងធ្វើឱ្យមានមនុស្សជាច្រើនបានរងរបួសធ្ងន់-ស្រាល រហូតមានអ្នកស្លាប់ម្នាក់ផងដែរ ។
សូមរំលឹកថា ហេតុការណ៍ខាងលើកើតឡើង នៅវេលាម៉ោង១ និង១៥នាទីរសៀលថ្ងៃទី១៤ សីហា ហើយរលត់ទៅវិញ នៅវេលាម៉ោង៣និង៣០នាទីរសៀលថ្ងៃដដែលស្ថិតនៅតាមបណ្តោយផ្លូវលោកតាណឺយមុខអតីតមន្ទីរពេទ្យនាគទេព ក្នុងភូមិបន្ទាយចាស់ សង្កាត់ស្លក្រាម ក្រុងសៀមរាប ខេត្តសៀមរាប ។ ប្រភពបន្តថា ករណីផ្ទុះហ្គាសនេះ បានបណ្តាលឱ្យមនុស្ស ប្រុស-ស្រីរងរបួសធ្ងន់-ស្រាលចំនួន១៤នាក់ (ស្រី៤នាក់) ក្នុងនោះមានជនបរទេសជាគ្រូបង្រៀន នៅសាលាអាយឃ្យូ( IQ ) ស្រី២នាក់ និងស្លាប់ស្រីម្នាក់ ជា អ្នកលក់ហ្គាស ហើយត្រូវជាប្អូនស្រី ម្ចាស់ស្ថានីយហ្គាស ពេលបញ្ជូនទៅដល់ព្រំដែនកម្ពុជា-ថៃ តាមច្រកទ្វារអូស្មាច់ បង្កឱ្យមានការកកស្ទះចរាចរណ៍ពេញផ្លូវ និងភ្ញាក់ផ្អើលពេញក្រុងសៀមរាប ។
បន្ទាប់ពីផ្ទុះស៊ីទែនហ្គាស ផ្ទះអ្នកជិតខាងរងការខូចខាត បែកកញ្ចក់ខ្ទេចនៅក្នុងផ្ទះ និងដំបូលផ្ទះ ខណៈពេលដែលហ្គាសផ្ទុះ រួចក៏ឃើញតៃកុងឡានបានជួយទាញស៊ីយោបាញ់ទឹកដែរ ប៉ុន្តែដោយសារសន្ទុះនៃហ្គាសវាខ្លាំង ធ្វើឱ្យវាឆាបឆេះកាន់តែខ្លាំង ទើបពួកគាត់នាំគ្នារត់យកប្រះអាយុ តែគេចមិនផុតពីរបួសទៀត ។ ចំណែកអ្នកជាប់របងផ្ទះ និងអ្នកជិតខាង ក៏នាំគ្នាទាញឥវ៉ាន់រៀងៗចេញពីក្នុងផ្ទះខ្លួនចេញពីផ្ទះ។ ផ្ទះពលរដ្ឋនៅពីខាងមុខ (ឆ្លងផ្លូវចម្ងាយ៣០ម៉ែត្រ) អស់កញ្ចក់ទ្វារមុខទាំងស្រុង និងចំហៀងផ្ទះ (ចម្ងាយ១០ម៉ែត្រ)អស់បង្អួចកញ្ចក់២ផ្ទាំង និងខាងក្រោយស្ថានីយ (ចម្ងាយ៥០ម៉ែត្រ)ប៉ះចំក្បឿងដំបូលផ្ទះបែកអស់ជាច្រើនដុំ និងឆេះម៉ូតូសង់ឌ្រីម ពណ៌ខ្មៅរបស់កូនជាងធ្វើស្លាកយីហោអស់ចំនួន២គ្រឿង នៅខាងមុខស្ថានីយហ្គាស ។
បើតាមលោកឧត្តមសេនីយ៍ត្រី ភឹង សម្បត្តិ ស្នងការរងទទួលការិយាល័យបង្កា ពន្លត់អគ្គិភ័យ និងសង្គ្រោះ នៃស្នងការនគរបាលខេត្តបានប្រាប់ថា បើនិយាយពីមូលហេតុ និងការខូចខាត នៅមិនទាន់ដឹងទំហំនៃទឹកប្រាក់អស់ប៉ុន្មាននៅឡើយទេ ត្រឹមតែដឹងថា មានការខូចខាតច្រើនមែនទែន ព្រោះកម្លាំងយើងកំពុងតាមដាន និងស្រាវជ្រាវរកមូលហេតុនៃការឆេះនេះ ហើយកម្លាំងយើងសហការជាមួយអាជ្ញាធរមូលដ្ឋាន និងស៊ើបសួរអ្នកជុំវិញផ្ទះកើតហេតុ ដើម្បីស្រង់សតិ ផ្ទះដែលត្រូវខ្ទេចមានដូចជា ផ្ទុះកញ្ចក់ផ្ទះនៅខាងមុខឆ្លងផ្លូវចម្ងាយប្រមាណ៣០ម៉ែត្រ និងផ្ទះឆ្លងផ្លូវនៅពីចំហៀង ផ្ទុះកញ្ចក់បង្អួចអស់២ផ្ទាំង និង ដំបូលផ្ទះនៅខាងក្រោយស្ថានីយ៍បញ្ចូលហ្គាស ព្រមទាំងសម្ភារៈជាច្រើនទៀត ។
លោកបានបញ្ជាក់ថា ក្នុងប្រតិបត្តិការជួយសង្គ្រោះនិងពន្លត់ ករណីឆេះកាហ្គាស់បញ្ចូលហ្គាសរថយន្ត នៅតាមបណ្តោយផ្លូវលោកតាណឺយនោះ ប្រើប្រាស់រថយន្តពន្លត់អគ្គិភ័យ សរុប អស់ចំនួន ១២ឡាន ក្នុងនោះមាន៖រថយន្តពន្លត់អគ្គិភ័យរបស់ស្នងការខេត្ត ចំនួន៣ឡាន ប្រើទឹកអស់៧ឡាន ,រថយន្ត ពន្លត់អគ្គិភ័យរបស់ព្រលានយន្តហោះអន្តរជាតិសៀមរាបចំនួន១ឡាន ប្រើទឹកអស់១ឡាន,រថយន្តពន្លត់អគ្គិភ័យ កងរាជអាវុធហត្ថខេត្ត ចំនួន៥ឡាន ប្រើទឹកអស់១៥ឡាន ,រថយន្តពន្លត់អគ្គិភ័យរបស់ភូមិវប្បធម៌ ចំនួន២ឡាន់ប្រើទឹកអស់៣ឡាន និង រថយន្តពន្លត់អគ្គិភ័យរបស់ស្នងការពិសេចចំនួន១ឡាន ប្រើទឹកអស់១ឡាន ទើបជួយបន្លត់បានជោគជ័យនៅវេលាម៉ោង៣និង៣០នាទីរសៀលថ្ងៃដដែល ។
សូមបញ្ជាក់ថា បើតាមការប៉ាន់ស្មានរបស់សមត្ថកិច្ចជំនាញបានសន្និដ្ឋានជាបឋមថា ទំហំនៃការខូចខាត អស់ប្រមាណជាង២០ម៉ឺនដុល្លារ ព្រមទាំងហ្គាសផងដែរ ។ (សម្រួលដោយ៖ ស្រីណា)
ចែករំលែកព័តមាននេះ