រាជធានីភ្នំពេញ ៖ ជាថ្មីម្តងទៀត អ្នកនាំពាក្យគណបក្សប្រជាជនកម្ពុជាបានលោក សុខ ឥសានបានអះអាងលោក សម រង្ស៊ី បានកំពុងភ័យ និងរវើររវាយទើបនិយាយសន្យាលើកពេលរហូតក្នុងការចូលស្រុកវិញ ។ ការបញ្ជាក់ថា របស់អ្នកនាំពាក្យគណបក្សកាន់អំណាចនេះ បន្ទាប់លោក សម រង្ស៊ី បានប្រកាសមិនប្រាកដប្រជាក្នុងការសម្រេចចូលស្រុកវិញ ។
យ៉ាងណាក្តីលោក សុខ ឥសាន អ្នកនាំពាក្យគណបក្សកាន់អំណាចបានចំអកទៅកាន់លោកសម រង្ស៊ី នៅថ្ងៃទី១៥ សីហា យ៉ាងដូច្នេះថា ៖ ការមិនប្រាប់ពេលវេលាជាក់លាក់ក្នុងការចូលស្រុក ដើម្បីទុកឲ្យម្តេចហ៊ុន សែន ដេកភ័យនោះ មិនដែលមានអ្នកកំពុងកាន់អំណាចក្នុងដៃដេកភ័យខ្លាច អ្នករត់ចោលស្រុកទេ ។ ផ្ទុយទៅវិញមានតែអ្នករត់ចោលស្រុកទេ ដែលដេកភ័យមិនហ៊ានចូលមកក្នុងស្រុក ភូតកុហក់ និងបោកប្រាស់រហូត» ។
លោកបន្តថា សារនយោបាយរបស់ទណ្ឌិ សម រង្ស៊ី មេឧទ្ទាមក្រៅច្បាប់ គឺជារឿងបោកប្រាស់ដដែលៗដែលគ្មានឥទ្ធិពលអ្វីដល់ប្រជាជនកម្ពុជាក្នុងស្រុកឡើយ ។ ពេលមុនទណ្ឌិតរត់ចោលស្រុកឈប់និយាយក្នុងខែកញ្ញា តែពេលនេះ បណ្ឌិតមេឧទ្ទាមបានប្រើពាក្យដាច់ឆ្នាំ២០១៩ទៀតហើយ ដែលពាក្យនេះ គឺបោកមហាបោក ។ អ្នកនាំពាក្យដដែលបានហៅយុទ្ធសាស្ត្រថ្មីរបស់ទណ្ឌិតមេឧទ្ទាមក្រៅច្បាប់ គឺអត់ហ៊ានចូលស្រុកដោយសារខ្លាចជាប់គុក ។ មិនប្រាប់ពេលវេលាជាក់លាក់ពីការចូលស្រុក គឺគ្រាន់តែជាក្បួនភូតបន្តប៉ុណ្ណោះ ដោយសារខ្លួនឯងកំពុងច្របូកច្របល់មិនហ៊ានចូលស្រុក ។
ជិតដល់ថ្ងៃសន្យាចូលស្រុករបស់ទណ្ឌិតមេឧទ្ទាមក្រៅច្បាប់មជ្ឈដ្ឋានប្រឆាំងគ្រប់ផ្នែកបាន ខិតខំលោងការភូតកុហក់របស់មេឧទ្ទាមដែលមិនហ៊ានចូលស្រុក ។ លោកបញ្ជាក់ថា «ឃ្លោកលិចអម្បែងអណ្តែតក្នុងការធ្វើនយោបាយទណ្ឌិតរត់ចោលស្រុកដែលជាកូនជនក្បត់ជាតិមានត្រកូលជាអភិជនរៀនបានសញ្ញាប័ត្រខ្ពស់នៅស្រុកបារាំងបែរជាធ្វើនយោបាយជាង២៥ឆ្នាំហើយចាញ់អស់ខោអស់អាវរត់ចោលស្រុក ។
ចំណែកសម្តេច តេជោហ៊ុន សែន ដែលជាកូនកសិករក្រីក្ររៀនបានត្រឹមមធ្យមសិក្សាបែរជាធ្វើនយោបាយបានជ័យជំនះបន្តបន្ទាប់បានឡើងធ្វើជាមេដឹកនាំប្រទេសរាប់ទសវត្សរ៍នៅតែត្រូវបានប្រជាជនកម្ពុជាគាំទ្រតទៅទៀត ៕ កែសម្រួលដោយ ៖ សុឃាក់
ចែករំលែកព័តមាននេះ