ខេត្តបន្ទាយមានជ័យ ៖ មន្ត្រីសាខាកាំកុងត្រូល បានចុះណែនាំដល់ម្ចាស់ម៉ាតនិងស្តង់តូបលក់ដូទំនិញត្រូវបិទតំលៃ និងកាលបរិច្ឆេទឱ្យបានច្បាស់លាស់ ហើយបើរកឃើញលើកក្រោយ នឹងចាត់វិធានការតាមច្បាប់ការចុះពិនិត្យទំនិញធ្វើឡើង នៅថ្ងៃទី១៣ សីហា នៅក្រុងសិរីសោភ័ណ និងស្រុកព្រះនេត្រព្រះ ។
លោក ដុំ វណ្ណឌី អនុប្រធានមន្ទីពាណិជ្ជកម្មខេត្តបន្ទាយមានជ័យបានប្រាប់ថា ជាការណែនាំពីរដ្ឋមន្ត្រីក្រសួងពាណិជ្ជកម្ម ហើយមន្ត្រីជំនាញបានសហការជាមួយមន្ត្រីសាខាកាំកុងត្រូលខេត្តបន្ទាយមានជ័យបានចុះពិនិត្យតាមស្តារម៉ាត ស្តង់ និងតូបលក់ទំនិញក្នុងក្រុងសិរីសោភ័ណនិងស្រុកព្រះនេត្រព្រះ ដើម្បីធ្វើការពិនិត្យរកទំនិញខូចគុណភាព និងហួសកាលបរិច្ឆេទ ដែលប៉ះពាល់ដល់សុខាភាពប្រជាពលរដ្ឋដែលទិញទៅបរិភោគ ។
លោកបានបញ្ជាក់ថា នៅពេលចុះពិនិត្យទំនិញរកឃើញមានទំនិញមួយចំនួនតូច ដែលហួសកាលបរិច្ឆេទនិងផុតកំណត់ដែលប្រឈមប៉ះពាល់សុខភាពដល់អ្នកបរិភោគដែលត្រូវដកហូតមានទឹកក្រូចដបជ័រ និងទំនិញហូបចុកមួយចំនួនទៀតត្រូវបានធ្វើកិច្ចសន្យានិងណែនាំបើមានលើកក្រោយទៀតអនុវត្តតាមច្បាប់។
ប្រធានសាខាកាំកុងត្រូលខេត្តបន្ទាយមានជ័យបានប្រាប់ថា ក្រោយពេលដែលមន្ត្រីជំនាញចុះពិនិត្យតាមស្តាម៉ាតនិងស្តង់តូបមួយចំនួនមានលក់ទំទិញជាគ្រឿងបរិភោគមួយចំនួនមិនមានឃើញបិតតំលៃនិងការបរិច្ឆេតឡើយហើយលើកនេះជាការណែនាំបើឃើញលើកក្រោយទៀតត្រូវចាត់វិធានការតមច្បាប់។ ព្រោះទំនិញដែលត្រូវដាក់លក់ត្រូវមានបិតតំលៃនិងថ្លៃផលិតនិងថ្លៃផុតកំណត់ការប្រើប្រាស់និងបរិភោគដើម្បីការពារអ្នកទិញទៅបរិភោគដែលជាទំនិញខូចគុណភាពធ្វើអោយប៉ះពាល់សុខភាពអ្នកហូប។ (សម្រួលដោយ៖ ស្រីណា)
ចែករំលែកព័តមាននេះ