រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង១១និង៣០នាទីព្រឹកថ្ងៃទី១៤ ខែសីហា ឆ្នាំ២០១៩ មានករណីបុរសជាកម្មករសំណង់ម្នាក់ធ្លាក់ពីលើអគារការដ្ឋានសំណង់កម្ពស់៧ជាន់ បណ្តាលឱ្យស្លាប់បាត់បង់ជីវិតភ្លាមៗនៅក្បែរចំណតរថយន្តបាត់ដំបង ខាងលិចផ្សារថ្មី ក្នុងសង្កាត់ផ្សារថ្មីទី២…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង១១និង៣០នាទីព្រឹកថ្ងៃទី១៤ ខែសីហា ឆ្នាំ២០១៩ មានករណីបុរសជាកម្មករសំណង់ម្នាក់ធ្លាក់ពីលើអគារការដ្ឋានសំណង់កម្ពស់៧ជាន់ បណ្តាលឱ្យស្លាប់បាត់បង់ជីវិតភ្លាមៗនៅក្បែរចំណតរថយន្តបាត់ដំបង ខាងលិចផ្សារថ្មី ក្នុងសង្កាត់ផ្សារថ្មីទី២ ខណ្ឌដូនពេញ។
បុរសរងគ្រោះជាកម្មករសំណង់ខាងលើមិនត្រូវបានស្គាល់អត្តសញ្ញាណឡើយ ។
តាមសេចក្តីរាយការណ៍បានបន្តថា ករណីខាងលើនេះកំពុងតែបង្កការភ្ញាក់ផ្អើលយ៉ាងខ្លាំង ហើយក៏មានកម្លាំងមានសមត្ថកិច្ចមូលដ្ឋានបានចុះមកដល់កន្លែងកើតហេតុផងដែរ។ ពាក់ពន្ធ័នឹងករណីខាងលើនេះដែរ គេមិនទាន់ដឹងពីមូលហេតុច្បាស់នៅឡើយទេ ដោយកម្លាំងសមត្ថកិច្ចខណ្ឌដូនពេញទើបតែចុះមកដល់កន្លែងកើតហេតុ និងចូលទៅខាងក្នុងរបងអគារការដ្ឋានសំណង់ខាងលើ ដើម្បីធ្វើការត្រួតពិនិត្យ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ