កាលពីឆ្នាំ១៩៩៨ លោកមហាសេដ្ឋី Warren Buffett ថា បានសួរទៅក្រុមនិស្សិតមកពី ពីសាកលវិទ្យាល័យ Florida ថា តើអ្នកចង់រស់នៅជីវិតដែលមានសុមង្គលជាងនេះទេប្រសិនបើអ្នកអាចចាប់ផ្តើមជីវិតសាជាថ្មី ?
លោកបានឆ្លើយថា លោកចង់មានហ្ស៊ែនដែលអនុញ្ញាតឲ្យលោករស់នៅដល់អាយុ១២០ឆ្នាំ ។ វាអាចជាចម្លើយលេងសើចមួយ ប៉ុន្តែនេះក៏បង្ហាញថា លោកពិតជាពេញចិត្ត និងជីវិតដែលលោកមានសព្វថ្ងៃ និងមិនចង់ធ្វើការផ្លាស់ប្តូរអ្វីដែរ ។ លោកបានទទួលស្គាល់ថា លោកពិតជាសំណាងណាស់ ដែលទទួលបានជីវិតដូចលោក ។ តែលោកក៏បានទទួលស្គាល់ថា មនុស្សគ្រប់រូបមិនមានសំណាងល្អដូចលោកទេ ព្រោះវាអាស្រ័យលើបរិស្ថានដែលមនុស្សរស់នៅ ។
លោក Buffett បានចែករំលែកថា លោក Bill Gates ធ្លាប់និយាយថា ប្រសិនបើលោក Buffett ចាប់កំណើតប្រមាណ៣លានឆ្នាំមុន លោកប្រហែលជាក្លាយជាចំណីរបស់សត្វហើយ ព្រោះលោកមិនអាចរត់បានលឿនឡើងដើមឈើ ឬធ្វើអ្វីដើម្បីការពារខ្លួនឡើយ។
លោកបានបញ្ចប់ម៉ោងរបស់លោក ដោយជំរុញដល់មនុស្សគ្រប់គ្នាដែលចូលរួមឲ្យគិតពីសុភមង្គលដែលអាចកើតឡើងបានដូចជា នៅជិតមនុស្សដែលអ្នកចូលចិត្តជាដើម ។ លោកបានបន្តថា លោកធ្វើការតែជាមួយមនុស្សដែលលោកចូលចិត្តទេ ហើយលោកនឹងបដិសេធក្នុងការធ្វើការជាមួយមនុស្សដែលលោកមិនចូលចិត្ត បើទោះជាពួកគេអាចរកលុយឲ្យលោកបានរាប់រយលានដុល្លារក៏ដោយ ។
លោកបានបន្តថា «ខ្ញុំជំរុញឲ្យអ្នកធ្វើការងារដែលអ្នកស្រលាញ់ ។ អ្នកប្រហែលជាមិនប្រក្រតីទេ ប្រសិនបើអ្នកបន្តធ្វើការងារដែលអ្នកមិនចូលចិត្ត ដើម្បីធ្វើឲ្យប្រវត្តិរូបរបស់អ្នកល្អមើល» ។
អ្នកប្រហែលជាគិតថា វាអាចកើតមានបានព្រោះលោក Buffett ជាមហាសេដ្ឋី ប៉ុន្តែគួរបញ្ជាក់ផងដែរថា លោកបានធ្វើការដែលលោកស្រលាញ់តាំងពីមុនលោកក្លាយជាអ្នកជោគជ័យមួយរូបម្ល៉េះ ៕ កែសម្រួលដោយ ៖សុឃាក់
ចែករំលែកព័តមាននេះ