សហគ្រិនដែលជោគជ័យត្រូវលះបង់ជាច្រើន ដើម្បីបង្កើតបានអាជីវកម្មដែលជោគជ័យ មិនថា ពេលវេលា ឬកម្លាំងទេ ។ ដោយហេតុដូចនេះសហគ្រិនជាច្រើនជួបបញ្ហាសុខភាពផ្លូវចិត្តដែលប៉ះពាល់ដល់ការងារ និងអាជីវកម្ម ។ ការខិតខំធ្វើការ…
សហគ្រិនដែលជោគជ័យត្រូវលះបង់ជាច្រើន ដើម្បីបង្កើតបានអាជីវកម្មដែលជោគជ័យ មិនថា ពេលវេលា ឬកម្លាំងទេ ។ ដោយហេតុដូចនេះសហគ្រិនជាច្រើនជួបបញ្ហាសុខភាពផ្លូវចិត្តដែលប៉ះពាល់ដល់ការងារ និងអាជីវកម្ម ។ ការខិតខំធ្វើការ ដើម្បីយកឈ្នះដៃគូប្រកួតប្រជែងជាអ្វីដែលសហគ្រិនត្រូវតែធ្វើ ប៉ុន្តែការថែរក្សាសុខភាពផ្លូវកាយ និងផ្លូវចិត្តក៏សំខាន់ដែរ ។ ខាងក្រោមនេះ គឺជាវីធីសាស្ត្រដែលសហគ្រិនជោគជ័យអនុវត្ត ដើម្បីឈានមុខដៃគូប្រកួតប្រជែង ខណៈដែលអាចមើលថែខុសភាពផ្លូវចិត្ត ៖
១. អ្នកស្រី Heidi Zak ៖ ជានាយកប្រតិបត្តិរបស់ក្រុមហ៊ុន ThirdLove បាននិយាយថា អ្នកស្រីតែងតែចូលដំណេក និងក្រោកពីដំណេកនៅម៉ោងដដែលជារៀងរាល់ថ្ងៃមិនថា អ្នកស្ថិតក្នុងស្ថានការបែបណាទេ ។ សម្រាប់អ្នកស្រីម៉ោងដែលអ្នកស្រីចូលដំណេក គឺម៉ោង ១០និង៣០នាទីយប់ និងក្រោកនៅម៉ោង៦និង៣០នាទីព្រឹកជារៀងរាល់ថ្ងៃ ។ លើសពីនេះទៅទៀត អ្នកស្រីមិនផ្ញើអ៊ីម៉ែល ឬទទួលទូរស័ព្ទនៅពេលយប់អធ្រាត្រទេ ។ ជីវិតតែងតែបន្តទៅមុខរហូត ដូច្នេះប្រសិនបើអ្នកមិនមានទម្លាប់ចូល និងក្រោកពីដំណេកច្បាស់លាស់ទេ អ្នកងាយនឹងធ្លាក់ខ្លួនឈឺ និងស្ត្រេសផងដែរ ។
២. អ្នកស្រី Sam Radocchia ៖ ជាសហស្ថាបនិកក្រុមហ៊ុន Chronicled ផ្តល់យោបល់ឲ្យសហគ្រិនដទៃរៀននិយាយថាទេ ។ ការនិយាយថាទេ គឺសំខាន់ព្រោះសហគ្រិនអាចកាត់ព្រំដែនច្បាស់លាស់ និងធ្វើការសម្រេចចិត្តដោយមានប្រសិទ្ធិភាព ។ មនុស្សភាគច្រើនពិបាកក្នុងការនិយាយថាទេ ព្រោះពួកគេខ្លាចបាត់បង់ឱកាស ដូច្នេះពួកគេតែងតែទទួលយកការងារទាំងអស់ដែលមាន ។ ប៉ុន្តែការធ្វើដូច្នេះមានតែធ្វើឲ្យអ្នកធ្វើការងារជ្រុល និងប៉ះពាល់ដល់ប្រសិទ្ធិភាពការងាររបស់អ្នក និងអាជីវកម្មអ្នកទាំងមូល ។ លើសពីនេះទៅទៀតអ្នកអាចធានាថា រាល់ការសម្រេចចិត្តធ្វើការងាររបស់អ្នក គឺសុទ្ធតែជាការសម្រេចចិត្តដែលស័ក្កិសមនឹងអ្នក ។
៣. លោក Michael de la Maza ៖ ជាសហស្ថាបនិករបស់ DemingWay.com បានឲ្យដឹងថាពេលដែលអ្នកចាប់ផ្តើមចេះមើលថែខ្លួនឯងអ្នកនឹងអាចទទួលបានភាពជោគជ័យនៅរយៈពេលវែង ។ ជាពិសេសបន្ទាប់ពីធ្វើការនឿយហត់អស់មួយសប្តាហ៍ពេញហើយ អ្នកគួរតែចាប់ផ្តើមមើលថែខ្លួនឯងវិញ ដើម្បីជួយឲ្យអ្នកមានកម្លាំងចាប់ផ្តើមសប្តាហ៍ថ្មី ៕ កែសម្រួលដោយ ៖ សុឃាក់
ចែករំលែកព័តមាននេះ