លោក Richard Branson ជាមហាសេដ្ឋីដែលរស់នៅលើកោះឯកជនផ្ទាល់ខ្លួន និងជាប្រធានក្រុមហ៊ុន Virgin បានក្លាយជាអាជីវករជោគជ័យមួយរូប ទោះជាលោកបានបញ្ឈប់ការសិក្សាលឿនក៏ពិតមែនក្តី ។ ម្តងហើយម្តងទៀត…
លោក Richard Branson ជាមហាសេដ្ឋីដែលរស់នៅលើកោះឯកជនផ្ទាល់ខ្លួន និងជាប្រធានក្រុមហ៊ុន Virgin បានក្លាយជាអាជីវករជោគជ័យមួយរូប ទោះជាលោកបានបញ្ឈប់ការសិក្សាលឿនក៏ពិតមែនក្តី ។
ម្តងហើយម្តងទៀត លោក Branson តែងតែជំរុញដល់អ្នកដទៃឲ្យជឿជាក់លើខ្លួនឯងមិនថាស្ថិតក្នុងស្ថានការណាទេ ។ លោក គឺជាឧទាហរណ៍មួយបង្ហាញថា រឿងអ្វីក៏អាចកើតមានឡើងដែរ ។ ពេលលោកនៅជាកុមារ លោកមានជំងឺ Dyslexia ដែលបង្កភាពលំបាកដល់លោកក្នុងការរៀនសូត្រ ហើយមិនមាននរណាដែលគិតថា លោកអាចក្លាយទៅជាអ្នកដឹកនាំក្រុមហ៊ុនចម្រៀង និងហ្គេមដ៏ធំមួយទេ ។ លោកបានចែករំលែកគន្លឹះមួយសម្រាប់អ្នកដែលទើបតែចាប់ផ្តើមការងារ ឬអាជីវកម្មរបស់ពួកគេ គឺកុំចុះចាញ់ ។
លោកបាននិយាយថា «មានពេលជាច្រើនដែលមនុស្សដទៃមើលរំលងគំនិតរបស់លោក ។ មិត្តភក្តិ ក្រុមគ្រួសារ មនុស្សដែលខ្ញុំគោរព និងធនាគារជាដើម មនុស្សដទៃមិនមើលឃើញសក្តា នុពលដែលខ្ញុំមើលឃើញទេ ។ តែវាមិនរារាំងខ្ញុំទេ ។ ព្រោះតែអ្នកដទៃមិនជឿជាក់លើគំនិតរបស់អ្នកពីដំបូងមិនមានន័យថា វាគ្មានតម្លៃទេ ។ ក្នុងករណីខ្ញុំវិញ វាធ្វើឲ្យខ្ញុំចង់ជោគជ័យកាន់តែខ្លាំងឡើង» ។ លោកគិតថា មនុស្សម្នាក់ៗតែងតែមានឱកាសលើកទីពីរក្នុងជីវិត ហើយប្រសិនបើអ្នកបោះបង់អ្នកនឹងមិនដឹងទេថា អ្នកអាចសម្រេចបានអ្វីនៅទីបញ្ចប់ ។
លោក Branson ក៏រៀនសូត្រពីកំហុសឆ្គងរបស់លោកដែរ ។ បន្ទាប់ពីលោកបរាជ័យនៅសាលារៀនលោកបានធ្វើឲ្យភាពទន់ខ្សោយរបស់លោកក្លាយជាចំណុចខ្លាំង របស់លោកវិញដោយលោកចាប់ផ្តើមស្រលាញ់អ្វីដែលមានភាពងាយស្រួលដែលបានក្លាយជាគោលការណ៍សំខាន់របស់ក្រុមហ៊ុនលោក ។
លោក Branson ជឿជាក់ថា នរណាក៏អាចកសាងអនាគតដែលខ្លួនចង់បានដែរ ។ លោកបានបកស្រាយថា «មិនមាននរណាអាចជោគជ័យលើកទីមួយទេ គឺយើងត្រូវរៀនសូត្រពីកំហុសឆ្គងរបស់ពួកយើង ។ ពួកយើងគួរតែមានឱកាសទីពីរក្នុងជីវិត» ៕ កែសម្រួលដោយ ៖ សុឃាក់
ចែករំលែកព័តមាននេះ