ខេត្តកំពត ៖ សមត្ថកិច្ចចរាចរផ្លូវគោកស្នងការខេត្តបានឲ្យដឹងថា មនុស្សប្រុសពីរនាក់ត្រូវបានស្លាប់ម្នាក់ និងរងរបួសធ្ងន់ម្នាក់ ខណៈអ្នកទាំងពីរជិះម៉ូតូឌុបគ្នា ក្នុងទិសដៅពីត្បូងទៅជើង មិនបានប្រុងប្រយ័ត្នក៏ទៅ បុកគូថរថយន្តមួយគ្រឿងដែលឈប់ស្ងៀមនៅក្បែរចិញ្ចើមផ្លូវក្នុងទិសដៅពីត្បូងទៅជើងដែរ បណ្តាលឲ្យ…
ខេត្តកំពត ៖ សមត្ថកិច្ចចរាចរផ្លូវគោកស្នងការខេត្តបានឲ្យដឹងថា មនុស្សប្រុសពីរនាក់ត្រូវបានស្លាប់ម្នាក់ និងរងរបួសធ្ងន់ម្នាក់ ខណៈអ្នកទាំងពីរជិះម៉ូតូឌុបគ្នា ក្នុងទិសដៅពីត្បូងទៅជើង មិនបានប្រុងប្រយ័ត្នក៏ទៅ បុកគូថរថយន្តមួយគ្រឿងដែលឈប់ស្ងៀមនៅក្បែរចិញ្ចើមផ្លូវក្នុងទិសដៅពីត្បូងទៅជើងដែរ បណ្តាលឲ្យ រងគ្រោះអ្នកបើកម៉ូតូស្លាប់នៅនឹងកន្លែង អ្នករួមដំណើរ ជាមួយបានរងរបួសធ្ងន់ត្រូវបានដឹកទៅសង្គ្រោះនៅ មន្ទីរពេទ្យបង្អែកខេត្តកំពត ។
ម្ចាស់រថយន្តក្រោយពីឃើញជួបហេតុការដូច្នេះបានរត់គេចខ្លួនបាត់មុនសមត្ថកិច្ចទៅដល់កន្លែងកើតហេតុ ។ ហេតុការនេះ បានកើតឡើងកាលពីវេលាម៉ោង០៥និង៥០នាទីល្ងាច ថ្ងៃទី១២ ខែសីហា ឆ្នាំ២០១៩ លើផ្លូវជាតិលេខ៣ត្រង់ ចំណុចគីឡូម៉ែត្រលេខ១៥១-១៥២ ស្ថិតក្នុងភូមិអណ្តូងខ្មែរ សង្កាត់អណ្តូងខ្មែរ ក្រុងកំពត ខេត្តកំពត ។
ម៉ូតូម៉ាក Nex ពណ៌ស ពាក់ផ្លាកលេខ កំពត 1P-9125 បើកបរដោយឈ្មោះ សឹម រីយ៉ើ ភេទប្រុស អាយុ២០ឆ្នាំ (ស្លាប់) និងដឹកអ្នករួមដំណើរម្នាក់ឈ្មោះ ហាំម៉ាត់ យ៉ាស់យ៉ើ ភេទប្រុស អាយុ២៤ឆ្នាំ អ្នកទាំងពីររស់នៅ ភូមិបឹងតាព្រាម សង្កាត់ត្រើយកោះ ក្រុងកំពត ។
ចំណែករថយន្តដែលត្រូវម៉ូតូបុកគូថពីក្រោយនោះពណ៌ស ពាក់ផ្លាកលេខ ភ្នំពេញ 3D-6758 មិនស្គាល់អត្តសញ្ញាណអ្នកបើកបរ ពីព្រោះក្រោយមានហេតុការម្ចាស់បានគេចខ្លួនបាត់ បន្សល់ទុករថយន្តនៅកន្លែងកើតហេតុ ។ ម៉ូតូខូចខាតធ្ងន់ រីឯរថយន្តខូចខាតស្រាល ហើយត្រូវបានសម ត្ថកិច្ចនាំយកទៅរក្សាទុកនៅអធិការដ្ឋាននគរបាលក្រុងកំពតរង់ចាំដោះស្រាយគ្នាតាមផ្លូវច្បាប់នៅពេលក្រោយ ៕
កែសម្រួលដោយ ៖ សំណាង
ចែករំលែកព័តមាននេះ