ទាល់ពេក Neymar ដល់ថ្នាក់សុំឱ្យសំណព្វចិត្ត Messi ជួយ
តាមប្រភពព័ត៌មាន The Sunday Times បានឱ្យដឹងថា កីឡាករប្រេស៊ីល Neymar Jr. បានសុំឱ្យអតីតមិត្តរួមក្រុមសំណព្វចិត្ត Lionel…
តាមប្រភពព័ត៌មាន The Sunday Times បានឱ្យដឹងថា កីឡាករប្រេស៊ីល Neymar Jr. បានសុំឱ្យអតីតមិត្តរួមក្រុមសំណព្វចិត្ត Lionel…
តាមប្រភពព័ត៌មាន The Sunday Times បានឱ្យដឹងថា កីឡាករប្រេស៊ីល Neymar Jr. បានសុំឱ្យអតីតមិត្តរួមក្រុមសំណព្វចិត្ត Lionel Messi បញ្ចុះបញ្ចូលក្លិបអ្នកមានបុណ្យ Barcelona ឱ្យខ្លួនបានចូលទៅក្លិបចាស់វិញ។
Neymar បានធ្វើឱ្យពិភពលោកមានការភ្ញាក់ផ្អើលយ៉ាងខ្លាំងកាលពីឆ្នាំ២០១៧ ដោយការចាកចេញពីក្លិប Barcelona ទៅកាន់ក្លិបអ្នកមានបារាំង PSG ក្នុងតម្លៃថ្លៃជាងគេបំផុតសម្រាប់កីឡាករបាល់ទាត់។ តែអ្វីៗបានក្លាយទៅជាទឹកខ្មេះសម្រាប់រូបគេ ព្រោះវាមិនដូចជាអ្វីដែលធ្លាប់បានគិត។
ក្លិបដែល Neymar ចង់ទៅលេងនៅពេលនេះ គឺក្លិបចាស់ Barcelona តែខាងក្លិបបច្ចុប្បន្ន PSG ចង់លក់ទៅឱ្យក្លិបអធិរាជស Real Madrid ។ Messi បានព្យាយាមនិយាយចាក់មនោគមទៅកាន់ថ្នាក់ដឹកនាំក្លិប Barca ដើម្បីបាន Neymar មកលេងនៅក្លិបវិញ ។
សារព័ត៌មាន The Times បាននិយាយថា Messi បានព្យាយាមអស់ជាច្រើនខែ ដើម្បីធ្វើយ៉ាងណាឱ្យមិត្តចាស់អាចត្រឡប់មកវិញ តែ Real Madrid ត្រូវបានគេគ្រប់គ្នាគិតថា មានឱកាសអាចយក Neymar បានច្រើនជាង Barcelona ។ កន្លងមក Barcelona ខំរកលុយមកទិញ Neymar ដែរ តែដោយសារតែលក់ Philippe Coutinho មិនចេញទៅឱ្យអង់គ្លេស ទើបបានជាគ្មានលុយគ្រប់ទៅយក Neymar ពីដៃរបស់ PSG។
គួរបញ្ជាក់ផងដែរថា Neymar ធ្លាប់បានប្រាប់យ៉ាងច្បាស់ថា គេពិតជាចង់ចាកចេញពិតមែន។ ពេលនេះក្លិបបារាំងក៏បានទុក Neymar ចោលមិនឱ្យឡើងប្រកួតទៀត ដោយពឹងផ្អែកលើមូលហេតុផ្លូវការថា Neymar មានរបួស ៕
ប្រភព ៖ dailystar , កែសម្រួលដោយ ៖ សំណាង
ចែករំលែកព័តមាននេះ