បុរសស្ត្រីណាដែលបានសន្សំបុណ្យកុសលទុកល្អហើយដោយការសង្រួមកាយ វាចា ចិត្ត ការទូន្មានខ្លួន គោរពក្នុងព្រះសង្ឃ បម្រើមាតាបិតាជាដើម បុរសស្ត្រីនោះចាត់ថាបាននូវកំណប់ទ្រព្យដ៏ប្រពៃ និងជាអ្នកបានសុខចម្រើនក្នុងលោកទាំងពីរ ។ កំណប់ទ្រព្យគឺសេចក្តីល្អដែលបុគ្គលបានសន្សំទុកល្អហើយ…
បុរសស្ត្រីណាដែលបានសន្សំបុណ្យកុសលទុកល្អហើយដោយការសង្រួមកាយ វាចា ចិត្ត ការទូន្មានខ្លួន គោរពក្នុងព្រះសង្ឃ បម្រើមាតាបិតាជាដើម បុរសស្ត្រីនោះចាត់ថាបាននូវកំណប់ទ្រព្យដ៏ប្រពៃ និងជាអ្នកបានសុខចម្រើនក្នុងលោកទាំងពីរ ។
កំណប់ទ្រព្យគឺសេចក្តីល្អដែលបុគ្គលបានសន្សំទុកល្អហើយ កាលបើជីវិតត្រូវលះលោកនេះទៅហើយ បដិវិញ្ញាណរមែងកាន់យកនូវកំណប់ទ្រព្យ គឺបុណ្យនោះទៅជាមួយ បុណ្យនឹងឯងហើយជាអ្នកជូនដំណើរយើងទៅកាន់បរលោកនាយ ។
កំណប់ទ្រព្យគឺកុសលកម្មនេះមិនអាចកើតមានជាទូទៅដល់ពួកជនដទៃឡើយ អ្នកណាធ្វើ អ្នកនោះនឹងបានប្រាកដ ជារបស់ដែលចោរលួចទៅមិនបាន ភ្លើងឆេះមិនរលាយ។ កំណប់ទ្រព្យគឺបុណ្យណាជាប់តាមខ្លួនទៅបាន បុគ្គលគួរសន្សំនូវកំណប់ទ្រព្យនោះដោយប្រពៃចុះ ។
កំណប់ទ្រព្យគឺបុណ្យនោះឲ្យនូវសេចក្តីប្រាថ្នាគ្រប់យ៉ាងដល់ទេវតានិងមនុស្សទាំងឡាយ ពួកទេវតានិងមនុស្សទាំងឡាយប្រាថ្នានូវផលណាៗ ផលទាំងពួងនោះ រមែងសម្រេចដូចក្តីបំណង ។
បុរសស្ត្រីជាអ្នកមានសម្បុរផូរផង់ មានសំឡេងពីរោះ ទ្រង់ទ្រាយល្អ រូបល្អ ជាអធិបតី មានយសបរិវារ ផលទាំងអស់រមែងបានដោយកំណប់ទ្រព្យ គឺបុណ្យនោះឯង ។
បុញ្ញសម្បទាទាំងអស់នេះឲ្យសម្រេចប្រយោជន៍ដ៏ធំ ដោយប្រការដូច្នេះ ព្រោះហេតុនោះ អ្នកប្រាជ្ញទាំងឡាយ លោកសរសើរនូវភាពនៃបុគ្គលជាអ្នកមានបុណ្យធ្វើទុកមកហើយ ។
ចែករំលែកព័តមាននេះ