ប្រទេសចិន ៖ បើយោងតាមផ្នែកត្រួតពិនិត្យទឹកជំនន់ខេត្ត ZHEJIANG ចិន បានគូសបញ្ជាក់ឱ្យដឹងថា នាព្រឹកថ្ងៃទី១២ ខែសីហា ឆ្នាំ២០១៩នេះ តុល្យការនៃជនរងគ្រោះដោយព្យុះឈ្មោះ LEKIMA ក្នុងខេត្តនោះ អ្នកស្លាប់ឡើងដល់៤៤នាក់ ហើយមនុស្ស១៦នាក់បាត់ខ្លួន។
ព្យុះ LEKIMA ជាព្យុះទី៩ ហើយខ្លាំងបំផុតប្រចាំឆ្នាំ បង្កការប៉ះពាល់ដល់ប្រជាជនខេត្តZHEJIANG ៦,៦៨លាននាក់ ក្នុងនោះ១,២៦លាននាក់ត្រូវជម្លៀសចេញ។ ព្យុះនោះបង្កការខូចខាតដំណាំដាំដុះ២៣៤.០០០ហិកតា នាំឲ្យមានការខាតបង់ខាងសេដ្ឋកិច្ច ដោយផ្ទាល់ប្រមាណជា២៤,២២ពាន់លានយន់ប្រមាណជា៣,៤ពាន់លានដុល្លារ។
ព្យុះទីហ្វុង LEKIMAប ានបោកបក់មកដល់ដែនដីនាថ្ងៃទី១០ សីហា វេលាម៉ោង១និង៤៥នាទីរំលងអាធ្រាត ក្នុងទីក្រុងវេនលីញខេត្ត ZHEJIANG ហើយវាយប្រហារលើតំបន់ឆ្នេរសមុទ្រនៃទីក្រុងគីញដាវខេត្តសានដុង ពេលវាបន្តការបោកបក់នាថ្ងៃទី១១សីហា។ ក្នុងខេត្តសានដុងព្យុះនោះបណ្ដាលឲ្យមនុស្សស្លាប់៥នាក់និងបាត់ខ្លួន៧នាក់ ព្រមទាំងប៉ះពាល់ដល់មនុស្ស១,៦៦លាននាក់ និងនាំឲ្យមានការជម្លៀសមនុស្សចេញ្១៨៣.៨០០នាក់ ក្នុងតុល្យការនាថ្ងៃទី១២ ខែសីហានេះ។
គួររំលឹកថា ព្យុះទីហ្វុង សម្លាប់មនុស្សយ៉ាងតិច១៨នាក់ និង១៤នាក់ទៀតបាត់ខ្លួន ៕ (កែសម្រួលដោយ ៖ បុប្ផា)
ចែករំលែកព័តមាននេះ