គម្រោងខុនដូ Parc 21 ដ៏ប្រណីតសាងសង់ឡើងសម្រាប់អ្នកស្វែងរកផ្ទះក្នុងក្តីសុបិន !
- ភ្នំពេញ
រាជធានីភ្នំពេញ ៖ នៅថ្ងៃទី១២ ខែសីហា ឆ្នាំ ២០១៩ ក្រុមហ៊ុន JV Parc Residence…
រាជធានីភ្នំពេញ ៖ នៅថ្ងៃទី១២ ខែសីហា ឆ្នាំ ២០១៩ ក្រុមហ៊ុន JV Parc Residence…
រាជធានីភ្នំពេញ ៖ នៅថ្ងៃទី១២ ខែសីហា ឆ្នាំ ២០១៩ ក្រុមហ៊ុន JV Parc Residence Co.,Ltd. បានរៀបចំពិធីបញ្ចុះបឋមសិលាបើកការដ្ឋានសាងសង់ខុនដូ Parc 21 Residence ដ៏ប្រណីតបំផុតដែលមានកម្ពស់ ២០ ជាន់ ស្ថិតនៅក្នុងតំបន់ដ៏មានសក្តានុពលនាកណ្តាលទីក្រុងភ្នំពេញ ។
គម្រោង Parc 21 Residence មានទីតាំងស្ថិតនៅតំបន់សាកលពាណិជ្ជកម្មកណ្តាលរាជធានីភ្នំពេញ ដែលបានអភិវឌ្ឈន៍ដោយក្រុមហ៊ុន JV Parc Residence Co.,Ltd.ដ៏គួរឱ្យចាប់អារម្មណ៍បំផុត ។ ការអភិវឌ្ឍន៍គម្រោងថ្មីនេះ គឺជាជម្រើសដ៏ល្អសម្រាប់អ្នកដែលកំពុងស្វែងរកផ្ទះក្នុងក្តីសុបិនរបស់ពួកគាត់ ។
Parc21 Residence មិនត្រឹមតែជាតំបន់ពាណិជ្ជកម្មកណ្តាលក្រុងនោះទេ ថែមទាំងជាតំបន់ដែលមានសក្តានុពលខ្ពស់សម្រាប់អ្នកវិនិយោគដែលនឹងទទួលបាននូវប្រាក់ចំណេញខ្ពស់ ។ ជាមួយនឹងទិដ្ឋភាពជុំវិញទីក្រុងដ៏អស្ចារ្យ ភាពងាយស្រួល,សុវត្ថិភាពសន្តិសុខ, ខុនដូប្រណីត, ភាពឯកជន និងរបៀបរស់នៅប្រកបដោយផាសុកភាព និងភាពស៊ីវិល័យ ។
ទីតាំងសំខាន់ៗដែលនៅក្បែរ Parc 21 Residence ពិតជាទីតាំងដ៏ល្អក្នុងការធ្វើដំណើរទៅមកពីខុនដូ គឺមានភាពងាយស្រួលស្ទើរតែគ្មានការរំខាន ដោយមានជម្រើសជាច្រើនតាមរយៈផ្លូវម៉ៅសេទុង, មហាវិថីមុន្នីវង្ស ទៅកាន់មហាវិថីព្រះនរោត្តម ។
លើសពីនេះទៅទៀត មានកន្លែងបរិភោគអាហារដ៏ល្អបំផុត ទីកន្លែងកម្សាន្ត និងជាជម្រើសដ៏ល្អក្នុងការដើរទិញទំនិញប្រចាំថ្ងៃក្នុងទីក្រុងដោយចំណាយពេលត្រឹមតែ ១០ នាទីប៉ុណ្ណោះសម្រាប់ផ្សារទំនើបអ៊ីអនម៉ល ១ ដែលជាផ្សារទំនើបឈានមុខគេរបស់ប្រទេសកម្ពុជា ហើយមានតំបន់សំខាន់ៗដូចជា ផ្សារបឹងកេងកង ១, ផ្សារទួលទំពូង, កោះពេជ្រ ជាមួយនឹងភោជនីយដ្ឋានជាច្រើន ហាងទំនិញលក់រាយ, សាលារៀន, ធនាគារ, ទូរអេធីអឹម, ផ្សារ, សណ្ឋាគារ, ហាងកាហ្វេ និងគ្រឿងបរិក្ខារផ្សេងៗទៀត ដែរនៅក្បែរខុនដូ Parc21 Residence ។
Parc 21 Residence ដែលមានកម្ពស់ ២០ ជាន់មានចំនួន ១១០ បន្ទប់ ហើយខុនដូនេះមានបន្ទប់ចំនួន ៤ប្រភេទ ដូចជាប្រភេទ Penthouse មាន ៣ បន្ទប់គេងដែលមានទំហំចាប់ពី ១៤៧ រហូតដល់ ១៧៤ ម៉ែត្រការ៉េ, Penthouse មាន ២ បន្ទប់គេងទំហំ ៧៤ ម៉ែត្រការ៉េ, ២ បន្ទប់គេងមានទំហំ ៦២ ម៉ែត្រការ៉េ, ១ បន្ទប់គេងមានទំហំចាប់ពី ៣៣ រហូតទៅដល់ ៤៥ ម៉ែត្រការ៉េ និងបន្ទប់ស្ទូឌីយោទំហំ ២៩ ម៉ែត្រការ៉េ ។ ជាន់ក្រោមដី និងជាន់ផ្ទាល់ដីដែលមានទីធ្លាសម្រាប់ចតរថយន្ត និងជាន់ទី ១ មានការិយាល័យបុគ្គលិក និងចំណតម៉ូតូ, ជាន់ទី ២ មានបន្ទប់ទទួលភ្ញៀវ, មីនីម៉ាត, ហាងកាហ្វេ និងសាឡន ជាដើម ។
សូមបញ្ជាក់ផងដែរលក្ខណៈពិសេសរបស់ខុនដូ Parc21 Residence មានដូចជាផ្តល់ការរស់នៅបែបស៊ីវិល័យនៅក្នុងជីវិតដែលរួមមា ន៖ អាងហែលទឹក (Infinity pool), ជណ្តើរយន្ត ២, ជណ្តើរជើងសុវត្ថិភាព, កន្លែងចតរថយន្ត ចាខូស៊ី (Jacuzzi), កន្លែងហាត់ប្រាណ, កន្លែងលំហែកាយ Mini Bar club ស្តាប់ភ្លេង បន្ទប់រង់ចាំ និងបន្ទប់ពិធីការ ។
ចំពោះសន្តិសុខសុវត្ថិភាពរបស់អ្នករស់នៅក៏ត្រូវបានធានាផងដែរ ជាមួយនឹងការបំពាក់ជូននូវប្រព័ន្ធការពារអគ្គិភ័យ, បំពង់ពន្លត់អគ្គិភ័យ និងកាមេរ៉ាសុវត្ថិភាព ២៤ ម៉ោង (CCTV) ។ ផ្តល់ជូនសេវាកម្មគ្រប់គ្រងទ្រព្យសម្បត្តិ ផ្តល់ភាពងាយស្រួលដល់អ្នករស់នៅដែលកម្រជួប និងគម្រោងអភិវឌ្ឍដ៏ល្អឥខ្ចោះនេះ ។
ចំពោះការរចនា និងគុណភាពនៃសំណង់ គឺគម្រោង PARC 21 Residence របស់ក្រុមហ៊ុន JV Parc Residence Co. , Ltd. បានសហការរួមគ្នារវាងជនជាតិសិង្ហបុរី, ជនជាតិហុងកុង និងជនជាតិកម្ពុជា ។ គម្រោងនេះ ត្រូវបានបង្កើតឡើង និងស្ថាបនាដោយស្ថាបត្យករជំនាញ ព្រមទាំងវិស្វករដែលមានបទពិសោធន៍ជាច្រើនឆ្នាំក្នុងវិស័យសំណង់ ។ សំណង់ត្រូវបានអ្នកជំនាញត្រួតពិនិត្យគុណភាពគ្រប់ដំណាក់កាលនៃការសាងសង់ ដើម្បីផ្តល់នូវគុណភាពសម្រាប់ការរស់នៅដល់អតិថិជនទាំងអស់ ។
អ្វីដែលធ្វើឱ្យអតិថិជនកាន់តែចាប់អារម្មណ៍បន្ថែមទៀតនោះ គឺ Parc 21 Residence នឹងមានផ្តល់ជូននូវសម្ភារដែលរួមមាន៖ ទូចង្ក្រានបាយប្រភេទឈើ, សម្ភារបន្ទប់ទឹក, ទូសម្លៀកបំពាក់ប្រវែង ១.២ ម៉ែត្រ, សំយាបមុខផ្ទះ (វ៉េរង់ដា), ប្រព័ន្ធអ៊ីនធើរណេត និង វ៉ាយហ្វាយ ព្រមទាំងប្រព័ន្ធទូរទស្សន៍ខ្សែកាបថែមទៀតផង ។ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ