សហគ្រិនដែលគ្រប់គ្រងអាជីវកម្មដោយខ្លួនឯងតែងតែយល់ច្បាស់ថា កិច្ចការក្នុងអាជីវកម្មត្រូវការការសហការគ្នារវាងបុគ្គលិកដែលធ្វើការឲ្យអ្នក ។ ហើយវាមិនមែនជារឿងងាយស្រួលទេ ជាពិសេសនៅពេលដែលអាជីវកម្មរបស់អ្នកកាន់តែលូតលាស់ ។ ដើម្បីធានាថាបុគ្គលិកទាំងអស់យល់ច្បាស់ពីការងារ និងផែនការអាជីវកម្ម អ្នកដឹកនាំតែងតែធ្វើការប្រជុំ ។…
សហគ្រិនដែលគ្រប់គ្រងអាជីវកម្មដោយខ្លួនឯងតែងតែយល់ច្បាស់ថា កិច្ចការក្នុងអាជីវកម្មត្រូវការការសហការគ្នារវាងបុគ្គលិកដែលធ្វើការឲ្យអ្នក ។ ហើយវាមិនមែនជារឿងងាយស្រួលទេ ជាពិសេសនៅពេលដែលអាជីវកម្មរបស់អ្នកកាន់តែលូតលាស់ ។ ដើម្បីធានាថាបុគ្គលិកទាំងអស់យល់ច្បាស់ពីការងារ និងផែនការអាជីវកម្ម អ្នកដឹកនាំតែងតែធ្វើការប្រជុំ ។ ប៉ុន្តែការប្រជុំមិនតែងតែមានប្រសិទ្ធិភាពទេ ហើយពេលខ្លះវាប្រៀបបានជាការខ្ជះខ្ជាយពេលវេលាមួយទៅវិញ ។
ដូច្នេះតើមានវិធីសាស្ត្រអ្វីដែលជួយធ្វើឲ្យកិច្ចប្រជុំក្នុងស្ថាប័នការងារ ឬអាជីវកម្មរបស់អ្នកកាន់តែមានប្រសិទ្ធិភាព និងត្រូវការពេលវេលាតិចជាងមុន ? ខាងក្រោមនេះ គឺជាគន្លឹះប្លែកៗដែលត្រូវបានចែករំលែកដោយមហាសេដ្ឋី និងអ្នកជោគជ័យពេលដែលពួកគេចូលរួមការប្រជុំ ៖ ១. លោក Larry Page ៖ លោក Larry Page ដែលជាសហស្ថាបនិក និងអតីតនាយកប្រតិបត្តិក្រុមហ៊ុន Google តែងតែនិយាយថា អ្នកមិនត្រូវរងចាំប្រជុំហើយសិន ទើបធ្វើការសម្រេចចិត្តទេ ។ លោកធ្លាប់ផ្ញើអ៊ីមែលទៅកាន់បុគ្គលិកទាំងអស់ក្នុងក្រុមហ៊ុនលោកថា រាល់ការសម្រេចចិត្តមិនគួររងចាំកិច្ចប្រជុំទេ ។ ប្រសិនបើវាជាការសម្រេចចិត្តដែលសំខាន់ និងត្រូវការមតិយោបល់ពីអគ្គប្រជុំនោះបុគ្គលិកគួរតែរៀបចំកិច្ចប្រជុំភ្លាមៗ ។
២. លោក Mark Parker៖ លោក Mark Parker ជានាយកប្រតិបត្តិរបស់ក្រុមហ៊ុន Nike ហើយលោកជាមនុស្សដែលដើរចូលបន្ទប់ប្រជុំជាមួយនឹងសៀវភៅគូររូបមួយដែលលោកគូផលិតផលថ្មីៗសម្រាប់ក្រុមហ៊ុន ។ ក្នុងការប្រជុំមួយកាលពីឆ្នាំ ២០០៩ លោក Parker ចំណាយពេលប្រជុំទាំងមូលគូរម៉ូដស្បែកជើងថ្មីលើសៀវភៅរបស់លោក ។ លោក Parker បានបកស្រាយថា ការគូររូបជួយដល់ការប្រមូលគំនិត និងស្វែងរកចំណុចកណ្តាលរវាងការច្នៃម៉ូដ និងតម្រូវការក្នុងអាជីវកម្ម និងទីផ្សារ ។
៣. លោក Jeff Bezos៖ លោក Jeff Bezos ដែលជាស្ថាបនិក នាយកប្រតិបត្តិ និងអគ្គនាយកក្រុមហ៊ុន Amazon ចូលចិត្តជំរុញឲ្យមនុស្សប្រកែកគ្នាក្នុងបន្ទប់ប្រជុំ ។ ទម្លាប់នេះត្រូវបានចែងក្នុងគោលការណ៍ភាពជាអ្នកដឹកនាំប្រចាំក្រុមហ៊ុនដែលមានអត្ថន័យដូចតទៅ ៖ «អ្នកដឹកនាំមានកាតព្វកិច្ចក្នុងការប្រឆាំង និងការសម្រេចចិត្តដោយមានការគោរពរាល់ពេលដែលពួកគេមិនយល់ស្រប បើទោះជាធ្វើដូច្នេះបង្កភាពតានតឹង ឬនឿយហត់ពិតមែនក្តី» ៕ កែសម្រួលដោយ ៖ សុឃាក់
ចែករំលែកព័តមាននេះ