ខេត្តកំពត ៖ ប្រភពព័ត៌មានពីនគរបាលចរាចរផ្លូវគោកបានឲ្យដឹងថា រថយន្តធុនធំដឹកស្ករ.សមួយគ្រឿងបានក្រឡាប់ចាក់ស្ករ.សចោលក្នុងស្នាមភ្លោះផ្លូវ រីឯអ្នកបើកបរក្រោយពីជួបឧប្បត្តិហេតុខាងលើបានរត់គេចខ្លួនបាត់បន្សល់ទុករថយន្តនៅកន្លែងកើតហេតុ ។ ហេតុការនេះកើតឡើងកាលពីវេលាម៉ោង១១និង១៥នាទីយប់ ថ្ងៃទី១១ ខែសីហា ឆ្នាំ២០១៩…
ខេត្តកំពត ៖ ប្រភពព័ត៌មានពីនគរបាលចរាចរផ្លូវគោកបានឲ្យដឹងថា រថយន្តធុនធំដឹកស្ករ.សមួយគ្រឿងបានក្រឡាប់ចាក់ស្ករ.សចោលក្នុងស្នាមភ្លោះផ្លូវ រីឯអ្នកបើកបរក្រោយពីជួបឧប្បត្តិហេតុខាងលើបានរត់គេចខ្លួនបាត់បន្សល់ទុករថយន្តនៅកន្លែងកើតហេតុ ។ ហេតុការនេះកើតឡើងកាលពីវេលាម៉ោង១១និង១៥នាទីយប់ ថ្ងៃទី១១ ខែសីហា ឆ្នាំ២០១៩ លើកំណាត់ផ្លូវជាតិលេខ៣ កំពត-វាលរេញ ត្រង់ចំណុចមុខវត្តព្រែកត្នោតស្ថិត ក្នុងភូមិព្រែកត្នោត ឃុំព្រែកត្នោត ស្រុកទឹកឈូ ខេត្តកំពត ចន្លោះគីឡូម៉ែត្រលេខ១៧៦និង១៧៧ ។
ប្រភពបានបន្តថា រថយន្តដែលជួបហេតុការក្រឡាប់ដោយខ្លួនឯងនេះ ពណ៌ខៀវពាក់ ផ្លាកលេខ ភ្នំពេញ 3C-3955 ធ្វើចរាចរពីទីរួមខេត្តកំពតឆ្ពោះទៅកាន់ខេត្តព្រះស៊ីហនុ លុះដល់ចំណុចខាងលើមិនដឹងជាមូលហេតុអ្វីក៏ស្រាប់តែក្រឡាប់ខ្លួនឯងតែម្តង ។
តាមការសន្និដ្ឋានពីប្រជាពលរដ្ឋថា អាចបណ្តាលមកពីផ្លូវពិបាកផង និងបើកបរទំនងជាងងុយ ដេកផងពីព្រោះម៉ោងជាង១១យប់ទៅហើយ ។ ក្នុងហេតុការនេះពុំបណ្តាលឲ្យមានមនុស្សរងគ្រោះថ្នាក់ឡើយ គ្រាន់តែខូចខាតស្ករ.ស និងរថយន្តតែប៉ុណ្ណោះ រីឯអ្នកបើកបរក្រោយពីកើតហេតុបានចុះ រត់គេចខ្លួនបាត់ស្រមោលចោលរថយន្តតែម្តងសមត្ថកិច្ចកំពុងជូនដំណឹងទៅរកប្រធានក្រុមហ៊ុនឲ្យមកស្ទូចរថយន្តរបស់ខ្លួនចេញពីកន្លែងកើតហេតុ ៕
កែសម្រួលដោយ ៖ សំណាង
ចែករំលែកព័តមាននេះ