មនុស្សលោកទាំងអស់ដែលកើតមកហើយរមែងចម្រើនវ័យវឌ្ឍនាការជាកំលោះ ក្រមុំ មានរូបសម្រស់ស្រស់ស្អាត សម្បុរស្រស់ថ្លា តែមិនយូរប៉ុន្មានរូបសម្រស់ដ៏ស្រស់ឆើតឆាយនោះក៏ចាប់ផ្តើមរោយស្រពោន ស្រកស្រុតជាធម្មតាមិនអាចជម្នះនឹងលោកនេះបានឡើយ ។ ប៉ុន្តែអំពើល្អវិញកាលបើមនុស្សបានធ្វើហើយរមែងចម្រើនកើនឡើងជារឿយៗទៅតាមកាលវេលា ដោយមិនចេះស្រកស្រុតអាប់អន់សោះឡើយ។ ពេលវេលាកាន់តែយូរវែងឆ្ងាយ…
មនុស្សលោកទាំងអស់ដែលកើតមកហើយរមែងចម្រើនវ័យវឌ្ឍនាការជាកំលោះ ក្រមុំ មានរូបសម្រស់ស្រស់ស្អាត សម្បុរស្រស់ថ្លា តែមិនយូរប៉ុន្មានរូបសម្រស់ដ៏ស្រស់ឆើតឆាយនោះក៏ចាប់ផ្តើមរោយស្រពោន ស្រកស្រុតជាធម្មតាមិនអាចជម្នះនឹងលោកនេះបានឡើយ ។
ប៉ុន្តែអំពើល្អវិញកាលបើមនុស្សបានធ្វើហើយរមែងចម្រើនកើនឡើងជារឿយៗទៅតាមកាលវេលា ដោយមិនចេះស្រកស្រុតអាប់អន់សោះឡើយ។
ពេលវេលាកាន់តែយូរវែងឆ្ងាយ ការកសាងគុណធម៌កាន់តែបានច្រើន សេចក្តីចម្រើនក្នុងផ្លូវសុខក៏កើនឡើងជាភិយ្យោភាព គឺចម្រើនតាំងពីលោកនេះរហូតដល់លោកខាងមុខ ។
ហេតុនោះទើបព្រះពុទ្ធសាសនាបានទូន្មានជារឿយៗឲ្យយើងពិចារណាប្រព្រឹត្តតែអំពើជាកុសល កុំប្រមាទ និងព្យាយាមធ្វើតែសេចក្តីល្អ កសាងគុណធម៌ដើម្បីសេចក្តីចម្រើនតរៀងទៅ ។ (ដោយសាន សារិន)
ចែករំលែកព័តមាននេះ