រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មនុស្សជាច្រើននាក់កំពុងលង់លក់ក្នុងដំណេក ស្រាប់តែមានរថយន្តកុងតៃន័រមួយគ្រឿងបើកមកបុករះចូលផ្ទះ និងឃ្លាំងលាន់ដូចរន្ទះ នាំគ្នាស្ទុះងើបរត់ទាំងអារម្មណ៍ព្រលឹងចុងសក់ ហើយងនិងសម្ភារៈជាច្រើនរងការខូចខាត ក្នុងនោះមានម៉ូតូ៧គ្រឿងផងដែរ ។
ាលពីម៉ោង៣ទៀបភ្លឺចូលថ្ងៃទី១១ ខែសីហា ឆ្នាំ២០១៩ នៅលើកំណាត់ផ្លូវហាណូយ ស្ថិតក្នុងភូមិឃ្មួញ សង្កាត់ឃ្មួញ ខណ្ឌសែនសុខ ។
ប្រភពនៅកន្លែងបានឲ្យដឹងថា មុនកើតហេតុ រថយន្តកុងតៃន័រ ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ព្រះសីហនុ 3A-5372 អូសរ៉ឺម៉កផ្ទុកទូកុងតៃន័របើកបោះពួយល្បឿនលឿនពីត្បូងទៅជើង លុះដល់ចំណុចកើតហេតុស្ថានភាពផ្លូវកោង រថយន្តរេទៅបុករះចូលផ្ទះ និងឃ្លាំង រួចបុកកិនម៉ូតូ៧គ្រឿងខូចខាត មានស្កុបពី៤គ្រឿង សេ១២៥ចំនួន២គ្រឿង និងម៉ូតូស្មាស់១គ្រឿង សំយ៉ាប ជញ្ជាំងផ្ទះរងបាក់ ប្រេះស្រាំ ចំណែកឯអ្នកបើកបររថយន្ត ក្រោយបង្កហេតុរួច បានហក់លោតចុះរត់គេចខ្លួនបាត់ស្រមោល ។
ក្រោយពេលកើតហេតុ សមត្ថកិច្ចបានចុះទៅពិនិត្យផលរងប៉ះពាល់ ហើយត្រូវបានអូសយករថយន្តបង្កទៅរក្សាទុកនៅការិយាល័យចរាចរណ៍ជើងគោក ស្នងការក្រុងភ្នំពេញ ដើម្បីរង់ចាំដោះស្រាយនៅពេលក្រោយ ។ (កែសម្រួលដោយ ៖ បុប្ផា)
ចែករំលែកព័តមាននេះ