រាជធានីភ្នំពេញ ៖ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានគណៈកម្មការទី៧ នៃរដ្ឋសភាបានអះអាងថា យុវជនមួយចំនួនមិនទទួលបានជោគជ័យដោយសារកត្តាគ្មានទំនុកលើកខ្លួនឯង និងដោយសារកក្តាមួយចំនួនទៀតទើបមិនទទួលបានជោគជ័យ ។ ថ្លែងក្នុងវេទិកាពិភាក្សា ដើម្បីលើកកម្ពស់សមត្ថភាពយុវជន ក្រោមប្រធានបទ «មាគ៌ាឆ្ពោះទៅរកភាពជោគជ័យរបស់សហគ្រិន កាលពីថ្ងៃទី១០ សីហា នៅសាលតិចណូលោក ហ៊ុន ម៉ានី បានលើកឡើងថា ក្នុងប្រទេសកម្ពុជា យុវជនជាពិសេសប្អូនសិស្ស និស្សិត ដែលបញ្ចប់ការសិក្សាច្រើនពាន់នាក់ក្នុងមួយឆ្នាំៗតែការក្លាយខ្លួនជាសហគ្រិនភាពមានចំនួនទាបឡើយ ។
លោកបញ្ជាក់ថា បញ្ហានេះដោយសារកត្តាមួយចំនួនដូចជា ៖«គ្មានគោលដៅច្បាស់លាស់សម្រាប់អនាគត ឬសិក្សាតម្រង់ទិស ដើម្បីក្លាយខ្លួនជាសហគ្រិន និងការលើកទឹកចិត្តពីបរិយា សជុំវិញ និងពុំមានឱកាសបានចូលរួមពិធីបណ្តុះបណ្តាល ខ្វះដើមទន់ គ្មានភាពជឿជាក់ និងពុំហ៊ានប្រថុយប្រថានជាដើម» ។
លោកបញ្ជាក់បន្ថែមថា វេទិការនៅថ្ងៃនេះនឹងផ្តល់ជូនបងប្អូននូវបទពិសោធន៍ក្នុងវិស័យសេដ្ឋកិច្ច និងអាជីវកម្មថ្មីៗ និងពង្រីងផ្នែកយល់ដឹងពីក្របក្របខណ្ឌច្បាប់ និងគតិយុត្តិនានា ។ ជាពិសេសការកែប្រែផ្នត់គំនិតការប្រកបអាជីវកម្មមានលលក្ខណៈគ្រួសារ និងបែបបុរាណទៅជាការធ្វើអាជីវកម្មមួយមានផែនការច្បាស់លាស់ និងលក្ខណៈទំនើបបច្ចេកវិទ្យាខ្ពស់ និងមានស្តង់ដាដែលប្រកបដោយភាពប្រកួតប្រជែងសមស្របទីផ្សារនៅក្នុងតំបន់ផងដែរ ។
លោកបន្ថែមគោលបំណង ដើម្បីចូលរួមចំណែកជាមួយរាជរដ្ឋាភិបាលកម្ពុជាសហភាពសហព័ន្ធយុវជនកម្ពុជា (ស.ស.យ.ក) បានផ្តួចផ្តើមគំនិតបង្កើតរៀបចំឲ្យមានវេទិកាពិភាក្សា ដើម្បីលើកកម្ពស់សមត្ថភាពយុវជនក្រោមប្រធានបទ «មាគ៌ាឆ្ពោះទៅរកភាពជោគជ័យរបស់សហគ្រិន» មានគោលបំណងដូចតទៅ ៖ ១.បញ្ជៀបចំណេះដឹងទាក់ទងនឹងបើខិតបទដ្ឋានគតិយុត្តនានាពាក់ព័ន្ធវិស័យធុរកិច្ច ពាណិជ្ជកម្ម សេដ្ឋកិច្ច ឧស្សាហកម្ម ការងារ ។ ២. បណ្តុះឲ្យយុវជនផ្តល់តម្លៃលើជំនាញវិជ្ជាជីវៈ ។ ៣. ផ្តល់ពុទ្ធិ និងចំណេះដឹងទាក់ទងនឹងសហគ្រិនភាពជូនយុវជន ។
៤. ការត្រៀមខ្លួនជាមុនរបស់យុវជនក្នុងការប្រកួតប្រជែងក្នុងទីផ្សារការងារ ។ ៥. ផ្តល់នូវទស្សនទានដល់យុវជនដែលមានបំណងដំណើរការអាជីវកម្មផ្ទាល់ខ្លួន ។ ៦. បណ្តុះគំនិតឲ្យមានការបង្កើតស្នាដៃថ្មីៗ ជាពិសេសលើផ្នែកបច្ចេកវិទ្យា អាជីវកម្ម ។ ៧.ដើម្បីអោយយុវជនទទួលបាននូវបទពិសោធន៍ល្អៗចំណេះដឹងថ្មីៗជាប្រយោជន៍សម្រាប់ ។ ៨. ផ្តល់ឱកាសអោយអ្នកចូលរួម ជាពិសេសយុវជនបានចូលរួមពិភាក្សាក្នុងវេទិកានេះ ។ ៩. ចូលរួមចំណែកជាមួយវិស័យរដ្ឋាភិបាល វិស័យឯកជន និងអង្គការជាតិ -អន្តជាតិ ដៃគូរអភិវឌ្ឍក្នុងការលើកកម្ពស់សមត្ថភាពយុវជនកម្ពុជា អោយផ្សារភ្ជាប់នឹងភាពជាសហគ្រិន ។
លោកបានសម្តែងក្តីសង្ឃឹមថា វេទិការនេះយុវជននឹងបានយល់ដឹង និងទទួលបាននូវចំណេះដឹង និងបទពិសោធន៍ព្រមទាំងគំនិតអាជីវកម្មល្អៗពីសហគ្រិនដែលជោគជ័យ យុវជនដឹងយល់ដឹងពីឱកាសហានិភ័យ និងជំនាញសំខាន់ៗសម្រាប់ដំណើរការធុរកិច្ច និងគ្រប់គ្រងអាជីវកម្មដែលអាចជួយឲ្យសហគ្រិនទទួលបានភាពជោគជ័យ ៕ កែសម្រួលដោយ ៖ សុឃាក់
ចែករំលែកព័តមាននេះ