ប្រទេសកម្ពុជាមើលឃើញមានការរីកលូតលាស់នៃអាជីវកម្មអនឡាញជាច្រើនដែលមានការចូលរួមពីមនុស្សគ្រប់វណ្ណៈ និងអាយុ ។ ប៉ុន្តែការគ្រប់គ្រងអាជីវកម្មខ្លួនឯងនេះមិនមែនជារឿងងាយស្រួលទេ ជាពិសេសក្នុងការជ្រើសរើសផលិតផលដែលអាចរកលុយបាន ។ ដើម្បីដឹងថា ផលិតផលមួយអាចរកប្រាក់ចំណូលឲ្យអាជីវកម្មអ្នកបាន ឬអត់ ចូរមើលកត្តាធំៗខាងក្រោមនេះ៖…
ប្រទេសកម្ពុជាមើលឃើញមានការរីកលូតលាស់នៃអាជីវកម្មអនឡាញជាច្រើនដែលមានការចូលរួមពីមនុស្សគ្រប់វណ្ណៈ និងអាយុ ។ ប៉ុន្តែការគ្រប់គ្រងអាជីវកម្មខ្លួនឯងនេះមិនមែនជារឿងងាយស្រួលទេ ជាពិសេសក្នុងការជ្រើសរើសផលិតផលដែលអាចរកលុយបាន ។ ដើម្បីដឹងថា ផលិតផលមួយអាចរកប្រាក់ចំណូលឲ្យអាជីវកម្មអ្នកបាន ឬអត់ ចូរមើលកត្តាធំៗខាងក្រោមនេះ៖
១. ដោះស្រាយបញ្ហា៖
ផលិតផលដែលទទួលបានការគាំទ្រច្រើនពីអតិថិជនភាគច្រើនជាផលិតផលដែលអាចដោះស្រាយបញ្ហាដែលអតិថិជនជួបប្រទះ ។ ឧទាហរណ៍ដូចជា Case ទូរស័ព្ទអាចជួយដោះស្រាយបញ្ហាឧស្សាហ៍ជ្រុះទូរស័ព្ទខូចរបស់អតិថិជនជាដើម ។ អ្នកអាចគិតឃើញផលិតផលទាំងនេះបានដោយមើលលើបទពិសោធន៍ដែលខ្លួនមាន ឬនិយាយជាមួយនឹងមិត្តភក្តិ និងបងប្អូនដទៃ ឬអាចធ្វើការស្រាវជ្រាវលើអ៊ីនធើណេតជាដើម ។
២. ចន្លោះខ្វះខាតរបស់ដៃគូប្រកួតប្រជែង៖
អ្នកលក់អនឡាញមិនតែងតែមានផលិតផលថ្មីៗសម្រាប់អតិថិជនជារៀងរាល់ពេលទេ ។ ភាគច្រើនពួកគេតែងតែលក់ផលិតផលដែលអ្នកដទៃលក់ដែរលើទីផ្សារ ។ ប៉ុន្តែវាមិនមែនជារឿងអាក្រក់ទាំងស្រុងទេ ។ អ្នកអាចសាកល្បងធ្វើការស្រាវជ្រាវដៃគូប្រកួតប្រជែងធំៗ និងស្វែងរកផលិតផលដែលអាចបំពេញចន្លោះខ្វះខាតរបស់ដៃគូប្រកួតប្រជែងអ្នកបាន ។ ឧទាហរណ៍ដូចជា ដៃគូប្រកួតប្រជែងរបស់អ្នកលក់ឡេក្នុងកំប៉ុង តែពីរទំហំជាដើម អ្នកអាចផ្តល់ជម្រើសច្រើនជាងដល់អតិថិជនដោយលក់ក្នុងកំប៉ុងទំហំខុសៗគ្នាច្រើន ។
៣. តាមដានផលិតផលដែលមានប្រជាប្រិយភាព៖
ចំណុចនេះមិនពិបាកខ្លាំងទេ សម្រាប់អ្នកដែលចូលចិត្តតាមដានតារាល្បីៗ និងចូលមើលប្រព័ន្ធសង្គមរបស់ខ្លួន ។ វាប្រៀបបានជាការស្រាវជ្រាវទីផ្សារដែលអនុញ្ញាតឲ្យអ្នកដឹងថាអតិថិជនកំពុងតែចាប់អារម្មណ៍លើអ្វីជាងគេ ព្រោះមនុស្សភាគច្រើនគាំទ្រ និងប្រើផលិតផលដែលតារាដែលខ្លួនចូលចិត្តប្រើ ៕ កែសម្រួលដោយ ៖ សុឃាក់
ចែករំលែកព័តមាននេះ